Суунун жер бетиндеги таралышы.

Жер бетинин 71% аянтын океандар менен деңиздер ээлейт. Кургактыктагы көлдөр, суу сактагычтар, саздар жана дарыялардын беттери 5.9млн км², б.а. жер бетинин дагы 4%ы. Демек, Жер бетинин суу каптап турган бөлүгүнүн үлүшү 75% га жетет экен. Эгерде дагы 11% аянтты мөңгүлөр ээлеп жатканын эске алсак, жер бетинин 86%ы суу объектилери экендиги билинет.

Жер бетиндеги, литосферанын үстүңкү катмарындагы жана атмосферанын нымын кошкондо жалпы гидрометеоросферадагы суулардын көлөмү 1388млн.км². Анын ичинен 96.4 %ы Дүйнөлүк океанда, мөңгүлөрдө да бир кыйла суу топтолгон. Жер алдындагы суулардын көлөмүн баалаш кыйын, бирок болжол менен 23.4млн.км² суу бар деп эсептелинет.