Т1ымыжь Аминэ и тхыгъэ.

Къэбэрдей-Балъкъэрым и ц1ыхубэ тхак1уэ Нало Заур илъэс 90 щрикъум ирихьэл1эу лэжьыгъэ куэд ек1уэк1ащ.Налом псалъэ гуапэ хуэзытха еджак1уэхэр мащ1экъым.Апхуэдэщ епщ1анэ классым щеджэ Т1ымыжь Аминэ.Си гуапэу Т1ымыжьым и тхыгъэ к1эщ1ыр утыку изолъхьэ.

Къапщтэмэ,ц1ыху куэдыр тетхыхьащ,лэжьыгъэ зыбжани ятхыгъащ Налом теухуауэ.Ауэ дэтхэнэ зыри гурыхьщ ар гум,псэм къыбгъэдэк1мэ.Адыгэл1 щэджащэм щхьэк1э жыс1эну сызыхуей ф1ыщ1э псалъэр зыми щымыщу къысщохъу,псэу щ1ык1э фэеплъ зыхуагъэувыну зыхуэфэща зыкъуэт1акъуэм ящыщщи.Нобэ лэжьыгъэ зыгъэзэщ1а дэтхэнэми жи1энущ Налор къыщалъхуа къуажэр,гъэр,сабиигъуэр зэригъэк1уар.Нэхъыщхьэу жыс1энур-Заур Урыхупс зэрефар аращ,ар абы и псэм хэлъу зэрыщытарщ.Хьэтуей(Старэ Урыху) 1928 гъэм къыщалъхуа щ1алэм и гур хуе1эт бзэуэ щы1эм я нэхъ дахэм хуэлэжьэну.Ар абы къохъул1э. Абы 1948 гъэм курыт школыр къеух ик1и щ1от1ысхьэ Къэбэрдей-Балъкъэр пединститутым адыгэбзэмрэ литературэмк1э и отделенэм.Заур жыджэру хэтащ абы щылажъэу щыта литературнэ кружокым,зэпеуэныгъэхэм. 1952 гъэм Налом ехъул1эныгъэк1э къеух институтыр ик1и абы къыщагъэнэж егъэджак1уэу.1954 гъэм къыщыщ1эдзауэ 1998 гъэм пенсэм к1уэху ар щылэжъащ Къэбэрдей-Балъкъэр щ1эныгъэ къэхутак1уэ институтым. 1955 гъэм къыщыщ1эдзауэ печатым къытохуэ Нало Заур и усэхэр,литературно-критическэ статьяхэр. Усэ,рассказ тхыным къыдэк1уэу,Нало Заур адыгэ 1уэры1уатэм,литературэм теухуауэ къэхутэныгъэшхуэ ирегъэк1уэк1.Абы зэхуехьэс ик1и къыдегъэк1 адыгэ 1уэры1уатэ зэрыт тхылъхэр. Нало Заур тхэн зэрыщ1идзэрэ сабийхэм папщ1э тхылъ зыбжанэ къыдигъэк1ащ.Ар куэд щ1ауэ 1уэры1уатэм йолэжъ.1уэры1уатэм сабийхэм нэхъ ехьэл1апхъэу хэлъыр 1эк1уэлъак1уэу къыхехри езым и гупсысэрэ и акъылк1э нэхъри игъэжанауэ,нэхъри зэщ1элыдэу игъэщ1эрэщ1ауэ ц1ыхухэм я пащхьэ ирелъхьэж. Налом и усэ хъуржыным бэрычэту кърих усыгъэ гъэщ1эгъуэнхэмк1э зыхуэгуапэ ц1ык1ухэр я ныбжьк1э зэщхьэщок1.Ауэ сыт хуэдэ ныбжь ямы1эми,а ц1ык1ухэр дэзыхьэхын,гурыхуэу зыгъэгупсысэн защ1эщ ахэр. Усэхэр сабийхэм я дежк1э зэгъэщ1эгъуаф1эу,гукъинэжу зэрыщытым къыдэк1уэу,дапщэщи ф1ым,дахагъэм ахэр хуаущий.Сабийм и гур,и псэр дунеягъэм и къэхъукъащ1эхэм хуэ1эф1у,хуэжумарту щытыным хуаунэт1.Абыхэм сабийхэр ягъасэ гущ1эгъу я1эу, емрэ ф1ымрэ зэхащ1ык1ыу щытыным. Адыгэ 1уэры1уатэм и шыфэл1ыфэу щыт теплъэгъуэхэри гъэпсык1эри ихъумэурэ,поэтическэ образ зэмыфэгъухэр жанру къигъэсэбэпурэ,Налом 1уэры1уатэм ипкъ итк1э итхыжа усыгъэ ц1ык1ухэмк1э сабийм и зэхэщ1ык1ым зрегъэужь.Налор филологие щ1эныгъэхэм я кандидатщ. «КъБР-м и ц1ыхубэ тхак1уэщ». Къапщтэмэ,Налом и тхыгъэхэр куэд мэхъу.Нэхъыщхьэхэр слайдым къыщыгъэлъэгъуащ. Щ1ым хэхуа жылэр мэк1,псэ хэтыжмэ.Илъэс минк1эрэ кхъуэщыным илъа жылэр,хуабэрэ псырэ игъуэтмэ,къэк1ын щ1едзэж.Нало Заур хиса жылэхэри зэманым и хуабэмрэ и псы къабзэмрэ псэ халъхьэри,къэк1уауэ нобэми адыгэ лъэпкъым тхуогъагъэ.Ди жагъуэ зэрыхъущи,Заур 2012(минит1рэ пщык1ут1) гъэм дунейм ехыжащ.Ар жагъуэщ.Ауэ абы къытхуигъэна тхыгъэхэр мык1уэдыжынщ.