Тест түзүү

Мугалимдердин сайттарындагы тесттерди көрүп чыгуу пайдалуу. Мыкты түзүлгөн тесттер арбын. Арасында чалагайымдары да орун алгандыгын байкадым. Түзгөн тест "Түкүнчө предметтен тест тапшырмалары", - деген аталышта берилгени менен, андагы суроолор ал предметтин мазмунуна туура келбегендери бар. Ошондуктан, тест-тапшырмаларды түзүп жатканда төмөнкү сунушталган көрсөтмөлөрдү ар дайым эсибизге алышыбыз керек:

- предметке тиешеси жок суроолорду кошуудан алыс болуңуз;

- чын же калптын ар бир ырастоосун так жазыңыз;

- ырастоолорду калпка айландырган табышмактуу майда барат нерселерди колдонуудан алыс болуңуз;

- ар бир ырастоо кошумча түшүндүрмөлөрдү талап кылбагандай жөнөкөй, так болушу керек;

- узун жана татаал сүйлөмдөрдү колдонбоңуз;

- окуу китептериндеги ырастоолорду көчүрүп албаңыз;

- дайыма, эч качан, кээде ж.б. деген жоопторду колдонуудан алыс болуңуз, себеби алар жоопторду табууну жеңилдетет;

- баш аламандыкка кабылып калбоо үчүн терс ырастоолорду колдонбоңуз.