Турмуш сабактары

Үстубүздөгү жылдын 13-мартында Утур Калиев атындагы Чолпон жалпы орто мектебинде китеп окуу боюнча конкурс болуп өттү. Аны уюштурууга айылыбыздын атактуу кулуну, Токмок шаарынын "Себат" кыргыз-түрк лицейинин окуу бөлүмүнүн башчысы Шералиев Бекжан Шералиевич алып барды. Конкурстун жобосуна ылайык "Турмуш сабактары 1", "Турмуш сабактары 2, "Турмуш сабактары3" китеби боюнча мектебибиздин 6-8-класстын окуучулары жана ата-энелери катышты.Ал эми 9-11-класстын окуучулары "Өлкөнүн өнүктүрүүнүн өзгөчө өрнөктөрү" деген китебин окуп чыгышты. Бул конкурста тест тапшыруу менен жогорку балл алган окуучулар ата-энелери менен акчалай сыйлыктарга ээ болушту. Жогорку класстын окуучулары да тест тапшырышып, жогорку балл алган окуучулар акчалай сыйлыктарда багындырды. Китеп окуу менен окуучулардын жана ата-энелердин китепке болгон кызыгуулары артып, жан дүйнөсүндөгү руханий баалуулуктарга ээ болду десек болот. "Турмуш сабактары" китебинин жыйнактарында жөнөкөй, кыска, турмуш менен байланышкан окуялардын негизинде тарбиялык мааниси кенен берилген. Китепти окуп чыгып,окуучуларыбыздын бир азда болсо, турмушка болгон көз караштарын өзгөрдү деген ойдомун. Китеп окуу конкурсун уюштуруп, жарыялаган кулунубузга терең ыраазычылык билдирем. Иши ийгиликтүү болуп, анын катарын толуктаган дагы көптөгөн айылдаштарыбыз, мекендештерибиз болсун деп тилек кылам.