“Уядан эмнени көрсөң, учканда ошону аласың”

Менди Мамазаирова

Менди Мамазаирова: Мен ушул жашка келип, канча чыгармаларымда ата-баланын ортосундагы ажырым болбосо деп тилеп, ушул маселелерди көтөрүп келген кишимин. Ата менен эненин ролу балага бирдей болгон, ата сырткы тон, эне ички тон болуп эненин колу бош болгон, азыркыдай коомдо ата менен кошо чуркаган, кошо жүргөн эмес. Ошондуктан баланы тарбиялоо эненин мойнунда. Ошондо да болгон, азыр да болуп атат. Бирок баары бир атанын жолу, аброю, бедели ар бир мезгилде балада билинип турган. Балдар төрөлүп, бирин-бири багып, ынтымактуу үй-бүлөдө балдар ден соолукта, жакшынакай болуп өсүп келген.