Ысырапкерчилик- бизге жат көрүнүш

Бүгүнкү күндө илим менен техника дүркүрөп өсүп, өнүгүп адамзат ааламдашуу алкагынын кучагында термелип жатканда, айланабыздагы адамдардын өздүк турмушу башка бир нукка кетип бара жаткансыйт. Анткени, жалпы элдин жашынан карысына дейре, көр тирилик менен алпурушуп, алдыларына кантип баюуунун, кантип көбүрөөк дүнүйө жыйууну максат кылып алгандай туюлат. Коомчулукта тээ байыртадан ата-бабабыздан бизге мурас болуп келе жаткан улууну сыйлоо, кичүүнү ызааттоо, аялзатына аяр мамиле кылуу, оорукчандарга, колунда жокторго кайрымдуулук кылуу сыяктуу ккөөнөрбөс салт-санаабыздын тамырына доо кетип баратабы деп ойлоп кетесиң. Себеби адамдагы инсандык бийик сапатка караганда бүгүнкү күндөгү материалдык баалуулуктар жогору бааланып, ошол дүнүйөгө болгон ынтызарлык, каалоо-тилек басымдуулук кылып бараткансыйт. Мында адамдар ортосундагы атаандаштык биринчи орунга чыгып, ошол өңүттөн алганда тарбия маселесинде да көйгөйлөр күн санап көбүйүп баратат. Биз, адамдар, бүгүн эсибизге келип, мындай көрүнүштөрдү токтото албасак, эртең, биз анын "жемиштерине" тез эле ээ болуп калчудайбыз..