Жакшылыктын ачкычы

Жакшылыктын ачкычы – жамандыктын жапкычы.

Кайгыңа кошулуп боору ооругандар абдан эле көп болот, бирок ийгилигиңе кубангандар аз эле, бул тээ илгертен бери келе жаткан көрүнүш.

Бузуучу эмес, куруучу болгун. Анткени бузуш кимдин болсо колунан келет, а баары эле кура албайт.

Үй-бүлө “МЕН” дегендердин эмес, “БИЗ” дегендердин бирге жашоосу.

Комузду билбегенге берсең – бир дарак, а билгенге берсең – бир сабак.

Китептердин барактары саргарып кетсе, сен аны эски дебе. Анын сары беттери кымбат алтынга тете. Китебиңдин актыгы эмес, сага берер пайдасы маанилүү.