1-класс математика

Билим берүүчүлүк

1ден 19га чейинки сандарды ирети менен жазууну билишет;

Сандардын ондук, бирдиктерин ажыратууну билишет.

Көрсөткүчү:

1ден 19га чейинки сандарды ирети менен жаза алышса:

Ондук, бирдиктерге ажырата алышса;

Өнүктүрүүчүлүк

Жазуу жөндөрү калыптанат.

Калемди туура кармоону, дептерди туура коюуну, өзүн түз алып отуруп жазууну билишсе.

Тарбия берүүчүлүк

Тактыкка, тазалыкка тарбияланышат.

Тактык, тазалык маанилүү экендигин билишсе.

Сабактын этаптары,убактысы

Мугалимдин иш -аракети

Окуучунун иш -аракети

компетенттүүлүктөр

Каражаттар

Уюштуруу этабы.

Жагымдуу маанай

(2 мүнөт)

Саламатсыңарбы балдар, силер менен кайрадан силер менен экран аркылуу көрүшүп жаткандыгыма абдан кубанычтамын.

Даярдап буюм,сандарды,
Иреттүүлүгүн тактайбыз.
Үйдө болуп зерикпей,
Сабагыбызды баштайбыз

Учурашышат

ПК4. 1

Слайд

Жаӊы темага киришүү

Теманы божомолдоо.

(2- 3 мүнөт)

Жупта иштөө

Сабакты баштаардан мурда бир аз ойлонуп алалы. Анда, тапшырмаларды аткаралы.

9дан 5ти алабыз. Чыккан айырмадан 4 тү алабыз. Айырма канча болду? Ооба, 0. Эми ага 3тү кошобуз. Ага 1ди кошкула, келип чыкка суммага 4тү кошуп, 1ди кемиткиле. Жыйынтыгы 7 болду деп ишенем.

Кийинки тапшырма экрандагы сандарды кичинесинен баштап, өсүү тартибинде жазгыла

Бул сандардын эң кичинеси кайсы?

Туура, ал 2 саны.

Андан кийинчи?

Туура, 3.

Араңарда 3 саны баарынан чоң дегендер да болсо керек. 3 саны башка 5 6 7 9 сандарынан кичине.

3 санынан кийин 5. Андан кийин 6. Алты санынан кийин 7. Анан ! 9. Азаматсыңар! Биз силер менен сандарды өсүү тартибинде жаздык.

Бир таяк бул бир саны.

Эки таяк 2 саны

4 таяк 4 саны.

1. Бул бирдик

Бирдиктерден 10у биригип, бир ондукту түзөт.

1 ондук жана 1 бир ------------ он бир-

1 ондук жана 3 ----------- он үч

1 ондук жана 9 -------- он тогуз

Биз силер менен бирдиктер жана ондуктар жөнүндө билимдерибизди бышыктап алдык.

Жооп беришет, ойлонушат

Эсеп таякчалары менен иштешет.

Жуптар мене талкуулашат

ПК4.1

Эсептөө таякчалары

Жаны теманы түшүндүрүү, маалымат берүү.

15 мүнөт

Жупта иштөө, топтордо иштөө

Китеп менен иштөө

Бүгүнкү сабактын темасы: Биринчи, экинчи.... он тогузунчу сандардын жазылышы

Бүгүнкү сабакта:

1. 1ден 19га чейинки сандардын жазылышын билебиз.

Иреттик жана эсептик сандарды жазууну бышыктайбыз.

Он жана 1 ------ он бир ---------ал эми бул он бир санынын жазылышы.

Он жана 2 --------он эки ------- ал эми бул 12 санынын жазылышы.

Он жана 3 --------он үч ------- ал эми бул 13 санынын жазылышы.

Он жана 4 --------он төрт ------- ал эми бул 14 санынын жазылышы.

Он жана 5 --------он беш ------- ал эми бул 15 санынын жазылышы.

Азаматсыңар достор!

Сандарды табышат, жазышат, суроолорго жооп беришет.

Эсептөө таякчалары аркылуу далилдешет.

ПК4.3

Сабакты бышыктоо практикалык иш.

Топтордо иштөө

Эми сандардын окулушун жана жазылышын бышыктап жана билимдерибизди бышыктап алалы.

Эми, 16 санынын бирдиктеринин санын жана ондугун таап көрөлү.

16 санында канча бирдик жана ондук бар?

Ооба, 1 ондук жана 6 бирдик бар.

18 санындагы бирдик жана ондукту таап көрөлү.

Ооба, 1 ондук жана 8 бирдик бар.

Иреттик сандар тууралуу билимдерибизди бышыктайлы.

Биринчи текчеден эмнени көрүп турасыңар?

А экинчи текчеденчи?

А үчүнчү текчеден?

Туура, 1- текчеде топ, 2- текчеде китеп, 3- текчеде бала.

Эми иреттик сандардын жазылышын үйрөнөбүз.

Эгерде, 1 топ деп жазсак, ал топтун саны бирөө экенин билдирет. Ал эми !! 1- топ деп жазсак, ал топтун биринчи экенин көрсөтөт.

1. Текчеде 2 китеп. 2 китеп бул китептин санын көрсөттү.

2. Ал эми 2- китеп жазсак, ал иретин көрсөтөт.

Мисалы, силер дептериңерге 2- февраль деп жазуу менен февраль айынын экинчи күнү экенин жазасыңар.

Эми, маселе чыгарып көрөлү.

Айна 8 мисал, Сайра 5 мисал чыгарды. Айна канча мисалга көп чыгарды?

Маселени тегеректердин жардамы менен чыгаралы.

Айна сегиз мисал, Сайра 5 мисал.

Айна канчага көп мисал чыгарды?

Туура, 3кө көп. Жообу: 3кө көп

Мен бир сан ойлодум, ага бешти кошсом 10 саны келип чыкты. Мен кайсы санды ойлодум?

? + 5 = 10

Аны 10дон 5ти кемитип алсак болот.

Туура, 5 санын

Келип чыккан суммадан алтыны кемитсем, канча калат?

10 – 6 = 4

Айырмасы 4.

Сабактын аягында логикалык эсептерди чыгаралы.

Сүрөткө карап, амалды белгилегиле. Алгач, жалбырактарды санап алалы. Жалбырактардын саны 10. 1 жалбыракты алып кетти. Демек, кайсы амалды тандайбыз?

Туура, 10 – 1 = 9

3 мышыкка 1 мышык келип кошулду? Кайсы амалды колдонсок болот?

3 + 1

Табакта 5 алмурут бар. Ага дагы 3 алмурут коштук?

Табакта канча алмурут болуп калды?

5 + 3 амалын тандайбыз.

Бул сүрөттөргө карап кайсы амалды тандасак болот?

5 көпөлөктүң экөөсү учуп кетти. Канча көпөлөк калды?

5 – 2

Эми, дептериңерди алгыла. Математикалык диктант жазып көрөлү. Сандарды жазалы.

12, 16, 17, 19

8 санынын кошуналарын жазгыла.

7 жана 9. Мурдаг сан жана кийинки сан

1-топ. Жазуу сызыкчаны кошуп жазды жеп ишенем. Эгер сызыкча жок жазсак, ал санын кѳрсѳтѳт

5-бала

1 ондук 2 бирдик = 12

1 ондук 4 бирдик – 14 санын жаздыңар деп ойлойм.

Бирдиги 8, ондугу 1 = 18

Азаматсыңар!

Чандарды табышат. 1-100 таблицасы менен иштешет.

Таркатма материалдар, ар кнадай сүрөттөр колдонулат.

Суроолорго жооп беришет. Дептерлерине жазышат.

ПК 4.2

НК 2

Физминутка

Отур, тур оюну

Билимдерди баалоо. Рефлекция.

2 мүнөт.

Смайликтер колдонулат. Калыптандуруучу баалоо колдонулат.

НК3

Үй тапшырмасы

1 мүнөт.

1ден 19га чейинки сандарды ирети менен жазып келүү

Бир- эки сапка жазып келишет.

НК3

Жыйынтыктоо этабы

1-2 мүнөт.

Бүгүнкү сабакта:

• сандарды ирээти менен санадык жана ал кандай айтылаарын жана жазылаарын билдик;

• сүрѳткѳ карап, амалдарды таптык.

- маселе – мисал иштедик;

!Бүгүнкү сабак силерге пайдалуу болду деп ишенем. Кийинки сабактардан көрүшкөнчө саламатта калгыла!

Ой бөлүшүшөт, сабакта үйрөнгөндөрүн айтып беришет.