5- класстын тести

1. Тил дегенди кандай түшүнөсүң?

а) адамдын органы

б) тил- пикир алышуунун маанилүү куралы

в) ар кандай улуттардын тилдери

г)адамдардын сүйлөшүүсү

1. Кеп деген эмне?

а) тил каражаттарынын турмушта колдонулушу

б)пикир алышуу

в) сөздөр

г) сүйлөмдөр

1. Текст деген эмне?

а) ар кандай сүйлөмдөрдүн топтому

б) тематикалык, стилдик жактан биримдикте болгон, логикалык жактан бир бүтүн сүйлөмдөрдүн бирдиги

в) кара сөз түрүндөгү чыгармалар текст деп аталат

г) чыгармадагы абзацтар

1. Тексттин көлөмү кандай болушу керек?

а) 4-5 сүйлөмдөн түзүлүшү керек

б) бир беттен турушу керек

в) чексиз, кээде бир сүйлөмдөн да турушу мүмкүн

г) тексте көлөм болбойт

1. Төмөнкү сүйлөмдөрдүн топтому текст боло алабы?

Азыр бизге кыргыз тили сабагы болуп жатат. Эжей бизге баш мүчөлөр тууралуу түшүндүрдү. Биз ээ жана баяндоочко оозеки мисал келтирдик. Андан соң көнүгүү иштедик. Сүйлөмдөрдөн баш мүчөлөрдү таптык. Сабак абдан кызыктуу өттү.

а) болот

б) боло албайт

в) бул сүйлөмдөр маанилик жактан байланышкан эмес

г) сүйлөмдөгү сөздөр туура эмес орун тартипте жайгашкан

1. Тесттин планы деген эмне?

а) маанилик жактан байланышса план түзүлөт

б)тексттеги ойдун урунттуу учурларын көрсөтүү үчүн түзүлөт

в) сүйлөмдөрдүн түз орун тартиби сакталса, план түзүлөт

г) текстке пландын кереги жок

1. Кептин түрлөрүн белгилегиле:

а) текст, кеп, сүйлөм

б) баяндоо, сүрөттөө, ой жүгүртүү

в) баяндоо, сүрөттөө,кеп

г) аңгеме, жомок, уламыш

1. Баяндоо деген эмне?

а) белгилүү бир нерсенин, окуянын,кыймыл-аракеттин ырааттуулугун сактап жазуу же айтуу баяндоо деп аталат

б) түшүнүгүн жакшы айтып берүү

в) көргөн нерсесин көркөмдөп айтуу

г) сабаттуу, сулуу жазуу

1. Төмөндөгү текст кептин кайсы түрлөрү аркылуу түзүлдү?

Апам узун бойлуу, арык чырай, сулуу аялзаты. Ал боорукер, мээримдүү. Көздөрү капкара болуп, көздөрүнөн мээрим төгүлүп турат. Апам барда үйүбүз жыпжылуу, таза жана жарык. Мен апам менен сыймыктанам.

а) баяндоо

б) сүрөттөө

в)баяндоо жана сүрөттөө

г) ой жүгүртүү

1. Сүрөттөө өз ичинен канчага жана кандай болуп бөлүнөт?

а) бөлүнбөйт

б) экиге:жандуу жана жансыз заттарды сүрөттөө

в) үчкө:баяндоо, сүрөттөө, ой жүгүртүү

г) экиге: жөнөкөй жана татаал