8 наурыз мерекесіне арналған іс шара

№ 21 орта жалпы білім беретін мектеп

Тақырыбы:

Өткізген: 3 «А» сынып мұғалімі С.Б.Балагадинова

2015/2016 оқу жылы

Тақырыбы: Айналайын, анашым

Мақсаты: Қыздарды анасына қарай отырып халқымыздың ізгі қасиеттері: имандылық, инабаттылық, ізеттлік, ісмерлік т.б. негізінде тәрбиелеу. Әр қыз баланы парасаииы, жан-жақты білімді болуға, әсемдік, сұлулық әлемін түсінуге тәрбиелеу. Табиғат сыйлаған қасиеттерінің ашылуына көмектесу.

Құрметті аяулы аналар, қызғалдайқтай құлпырған қыздар! Сіздерді көктемнің ең алғашқы мерекесі 8 наурыз халықаралық әйелдер мерекесімен құттықтаймыз! Қазақ қызы десе ашық, бірақ жүзінде ұяңдық бар, әдепті, инабатты жан елестейді. Бүгінде сол әдепті де әдемі, инабатты да мейірімді аяулы ару қыздарымыз сынға түскелі тұр. «Қыздарға әсемдік жарасады..» байқауына қош келдіңіздер!

Уа, халайық, халайық

Мұнда назар салайық

Рұқсат болса бастайық

Мың бұралған арулар аңдап басып

Келеді міне ортаға толқып тасып

Аруларын сыйлаған, халқым менің

Көңілді қошеметпен қарсы алайық! (арулар ортаға шығады)

Уа, аналар, арулар! Ешкімің жоқ алалар,

Алда болу үлкен сын, оны қазың бағалар, - деп әділ-қазылар алқасымен таныс болыңыздар!

Бағдарлама

1. Таныстыру /киіміне, сөйлеу мәнеріне, т.с. назар аударылады/

2. Өз өнерін көрсету

3. Үй тапсырмасы: «8-наурыз мерекесіне арнап панно дайындау»

4. Сұрақ-жауап

5. «Шебер қолдар» /түрлі түсті қағаздан түс киіз жасайды/

Бойжеткен арулар келіп жетті танытуға

Бойындағы бір дарынды дарытуға

Қорықпастан сахнаға келіп жетті

Әдеппен, ізетпенен танысуға.

Бұл байқауда үзеңгі қағыстырып

Көрейік аруды жарыстырып

Бұл залда білетін бар, білмейтін бар.

Ару көрсін өзін таныстырып.

«Байқаудың 1-кезеңі - Таныстыру». Өздерін өлеңмен, әнмен таныстырады. Міндетті түрде киіміне көңіл аударылады. (әділ-қазы бағасын береді)

Кедеймін деп қысылма

Өнерің болса қолыңда

Өнерлінің ырысы

Жарқырап жатыр жолында

Сайыста ән салайық, би билейік

Өнермен өрге басып кідірмейік.

«Байқаудың 2-кезеңі – Өнерлінің өрісі кең» өз өнерлерін көрсетеді. (әділ-қазы бағасын береді)

«Байқаудың 3-кезеңі - «Үй тапсырмасы» үйден «8-наурызға арнап панно дайындау» (әділ-қазы бағасын береді)

«Байқаудың 4-кезеңі - «Зерделінің ойы озық» лездік сұрақтарға жауап береді. (әділ-қазы бағасын береді)

1. Қозы Көрпештің серігі? (Баян сұлу)

2. Еттен жасалатын бас тағам? (бесбармақ)

3. Қазақстан Президенті кім? (Н.Назарбаев)

4. Қазақстанның бұлбұл әншісі атағына ие болған әнші анамыз? (Б.Төлегенова)

5. Абай Құнанбаевтың анасы? (Ұлжан)

6. Қошақанның анасы? (қой)

7. Төлегеннің серігі? (Жібек)

8. Сүттен жасалатын тағамдарды атаңыз. (құрт, айран, көже, ірімшік)

9. Әйгілі күйші – анамыз (Дина Нұрпейісова)

10. Науқас адамдарға көмек беруші, емдеуші адам? (дәрігер)

11. Тай, құлынның анасы? (бие)

12. Ана туралы бір мақал айт. (Анаға қарап қыз өсер)

13. Ананың қызы сізге кім болды? (әпке, сіңлі)

14. Қамырдан жасалатын тағам? (бауырсақ, нан)

15. Абай Құнанбаевтың әжесі? (Зере)

16. Ас пісіруші маман? (аспаз)

17. Қазақстандық әйгілі биші апамыз? (Шара Жиенқұлова)

18. Ботаның анасы? (түйе)

19. Бала туралы мақал айтыңыз. (Бала – ананың бауыр еті.)

20. Мойынға тағатын әшекей бұйым. (алқа)

21. Апа-сіңлінің балалары (бөле)

22. Қазақ әйелдерінің сәндік әшекей бұйымдары (сырға, білезік, щолпы, алқы, сырға)

23. Ою өрнекті бір түрін атаңыз (қошқар мүйіз)

24. Ешкінің төлі? (лақ)

25. Қыз туралы бір мақал айтыңыз (қыз жат жұртқа жаратылған)

26. Тігінші құралы (ине)

27. «Бөбек» қорының Президенті кім? (С.Назарбаева)

28. Ас атасы (нан)

29. Әнші Роза (Рымбаева)

30. Жарға ілінетін зат (кілем)

«Байқаудың 5-кезеңі - «Шебер қолдар» қыздар /түрлі түсті қағаздан түс киіз жасайды/

Арулар тұскиізді жасағанша көрермендермен ойын ойнаймыз.

/отырғыштармен ойын ойнату/ (әділ-қазы бағасын береді)

ХОР: «Анашым қартаймашы»

Қыздар биі

ХОР: «Анашым»

Қыздарды марапаттау. Сөз әділ-қазыларға беру.

Аналарды марапаттау.

Комитетті, қыздарды, Ердәулетті марапаттау.

Салдым бояу қаламдармен,

Гүлдің таңдап ең әсемін

Күттім бірге күнтізбемен

Мерекеңді, апа, сенің, - деп балалардың дайындаған шағын коцертіміз аяқталды! Дендеріңізге саулық, отбасыңызға аманшылық, жұмыстарыңызға табыс тілейміз.Мерекелеріңіз құтты болсын! Уақыт бөліп келгендеріңізге көп-көп рахмет.