Адабий окууга көнүгөбүз

Жалал-Абад облусу,Токтогул району №16 С.Нурманбетов атындагы орто мектеби 3-”а” классы,адабий окуу сабагы Мугалим:Өмүралиева Элмира

Жагымдуу маанай

Балдар,окууларыңарга ийгилик каалайм!

Алтын эреже

Көпкө бекер жатпайбыз,

Тазалыкты сактайбыз.

Китеп окуп күн сайын,

Көп ырларды жаттайбыз.

Табышмак Мукам үндүү, Өзү көрктүү. Канаттуу деп билебиз, жайды жайлай көрөбүз.(Б…)

Сабактын темасы: Гүл жана булбул

1.Сабактын максаты:Жомоктун мазмунун түшүнүшөт,андагы окуяга баа беришет,көркөм окууга үйрөнүшөт. 2.Өз оюн айтууга көнүгөт,сөз байлыгы өсөт, 3.Жаратылышты коргогонго тарбияланышат,бири-бирин колдогонго үйрөнүшөт.

Гүл менен булбул

Илгери өткөн заманда абышка-кемпир жашаптыр.Алардын Булул деген жалгыз баласы абдан ырчы жигит борлуптур.Булбул ырдап жатканда адамдар,жан-жаныбарлар эргип,жыргап угушчу экен.

Булбулдун ырчылыгы бара-бара алыска,буткул ааламга таркайт.Бул кабар шаардын каардуу ханы Жакыпка дагы угулат.

-Булбулдун атагы алыска жетип жатат,-дейт ал,-эгер аны өзүмө ырчы кылып алсам, Жакыптын ырчысы деген сөз тарап,менин да атагым кошо чыгар беле,-деп ойлонот хан ичинен.

Ошентип,бир жигитин Булбулга жиберет.Бала хандын алдына келип,салам берет.Хан Булбулга:-Кана,мага кубулжутуп бир ырдап берчи.Угуп алып жыргайын,-дейт.

Булбул махабат жөнүндө ырдаганды жакшы көрөр эле жана ар дайым ошондой ырлардан ырдачу.Бул жолу ал табигат жөнүндө ырдады.Ханга Булбулдун ыры анча жаккан жок.Анткени хан мени мактап ырдайт деп күткөн эле.

Хан Булбулду жакшы кийинтип,алтын аяктан аш ичирип жүргөнү менен Булбул ата-энесине анча каралаша алган жок.Абышка- кемпир баштагыдай эле жакыр бойдон кала беришти .

Хандын кызы Гуланда бойго жетип калган эле.Отуз кыз ээрчитип,бир күнү сейилдеп бакка чыкты.

Бак ичинде көлгө тушуп,сайран курду.Аны Булбул кокусунан көрүп калды.Экөө бирин бири бир көргөндөн жактырып калышты.Күн артынан күндөр өтүп жатты.Гуланда бир күнү атасына :-Булбулга турмушка чыгам ,-деди.Атасы чочуп:-Кийинерге кийими,ичерге ашы жок кедейдин баласына бербейм!Сени алтын тактысы бар,алтын таажы кийген хандын уулуна берем!-деди.

Бирок кыз атасынын айтканына көнбөй койду. Кызынын сөзүнө арданып,каарданган хан ошол шаардагы сыйкырчы кемпирди чакырып,кызын сыйкырлап коюуну өтүндү.

Мастан кемпир Гүланданын сулуулугуна карап аны кызыл гүлгө айландырып сыйкырлады.

А Булбул болсо ,күйүткө чыдабай канаттууга айланып кетти.

Мына ошол кундөн ушул кунгө чейин булбул гүлгө жакын болуп,токтойлордо кубулжута сайрап,Мекен,махабат,табигат жөнүндө ырдап,ал эми адамдар болсо булбулдун үнунө куштар болуп кызыгып,суктанып,угушат экен.

Табышмак

Жай келгенде акырын,

Жаят да кооз чатырын.

Теребелге эрте-кеч,

Тегиз чачат атырын.(Г…)

Топторго тапшырма:

1-топ ГҮЛ деген сөзгө класстер түзгүлө

2-топ БУЛБУЛ сөзүнө

3-топ ХАН деген сөзгө класстер тузүү

Суроолор менен иштөө

1 .Гүланда эмне үчүн Булбулду жакшы көрүп калды?

2 Хан кызы Гүланданын өтүнүчүн кандай кабыл алды?

3. Эмне үчүн хан кызын мастан кемпирге сыйкырлатып койду?

4.Гүланданын кызыл гулгө,Булбулдун канаттууга айланып кеткенине ишенсе болобу?

5. Силер сыйкырчы болсоңор кандай кылат элеңер ?Ойлонуп көргүлөчү .

Т өмөнкү сөздөр жомоктогу кайсы каармандарга таандык?

Мукам үндүү,акылдуу,сулуу,ырайымсыз,кембагал,бай,татынакай,ташбоор,каардуу,мастан,

акылсыз,мээримдүу,чечкиндүү.

Үйгө тапшырма:

“ Мен жана жаратылыш” деген темада дил баян жазып келүү

1.Сабактын максаты:Жомоктун мазмунну түшүнүшөт,андагы окуяга баа беришет,көркөм окууга үйрөнүшөт.

2.Өз оюн айтууга көнүгөт,сөз байлыгы өсөт,

3.Жаратылышты коргогонго тарбияланышат,бири-бирин колдогонго үйрөнүшөт.