Адамгершілік - асыл ?асиет

Адамгершілік

Руханияттың кәусар бастауына апаратын жолды іздеу – бүгінгі таңда өмір сүріп келе жатқан адамдардың әр қайсысын және баршамыздың басты міндетіміз екеніне сенемін. С.А.Назарбаева

Адамгершілік - адам бойындағы гуманистік құндылық, әдеп ұғымы. "Кісілік", иізгілік", " имандылық " тәрізді ұғымдармен мәндес. Адамгершілік - адамшылық, каталдықпен салыстырғанда жаксылық тілеу қарым-қатынастары.

Адамгершілік-адамның рухани байлығы, болашақ ұрпақты ізгілік бесігіне бөлейтін руханиет дәуіріне жаңа қадам болып табылады.

Ар-ұятты сақтау

Сыйлау

Қайырымдылық

Адамгершілік

Қамқорлық

Имандылық

Адамгершілікке тәрбиелеу құралы — еңбек пен ата-ана үлгісі. Ыбырай Алтынсарин

Адамгершіліктің басты әдептік баптары төмендегідей: - Барлық адамдар тең құқықты, ерікті және қадірлі; - Азаматтар нәсіліне, ұлтына, жынысына, тіліне, шыққан тегіне, дініне, сеніміне, мүліктік және лауазымдық жағдайына қарамай заң алдында бірдей; - Өмір сүру күқығы, адамның бас бостандығы мен жеке өмір сүру еркі қасиетті болып табылады.

Адамгершілікке арналған ізгі тілектер!

Адамгершілік тақырыбы- мәңгілік. Ол ешқашан ескірмек емес. Жас ұрпақтың бойына адамгершілік қасиеттерді сіңіру- ата-ана мен ұстаздардың басты міндеті. Адамгершілік әр адамға тән асыл қасиеттер. Адамгершіліктің қайнар бұлағы- халқында, отбасында, олардың өнерлерінде, әдет-ғұрпында. Әр адам адамгершілікті күнделікті тұрмыс — тіршілігінен, өзін қоршаған табиғаттан бойына сіңіреді.

«Мен үш қасиеттімді мақтан тұтам», — депті Ақан сері. Олар: жалған айтпадым, жақсылықты сатпадым һәм ешкімнен ештеңені қызғанбадым. Бұл үш қасиет әркімнің өз құдайы. «Өз құдайынан айырылған адам бос кеуде, өлгенмен тең» деген екен. Шындығында бұл ақиқат. Олай болса, жеке тұлғаны қалыптастыруда, олардың жан дүниесіне сезіммен қарап, әрбір іс-әрекетіне мақсат қоюға, жоспарлауға, оны орындауға, өзіне-өзі талап қоя білуге тәрбиелеу — адамгершілік тәрбиенің басты мақсаты. Мақсатқа жету үшін сан алуан кедергілер болуы мүмкін. Ондай қасиеттерді бала бойына жас кезінен бастап қалыптастыру жеке тұлғаны қалыптастырудың негізін қалайды.

Адамгершілік болмай, Әділдік болмас.

Адамның ұяты бетінде, Адамгершілігі ниетінде.

Өз қадірің – өз байлығың.

Адамға қойылатын басты талап – асыл да ізгі адамгершілік қасиеттерді бойына сіңірген, ұлағатты азамат болып шығу. Өйткені адам – өзінің адамгершілігімен, қайырымдылығымен, адалдығымен және әділеттігімен ардақты. Халқымыз қайырымды- мейірімді жанды «адамгершілігі мол адам» деп дәріптеген. Қайырымды-мейірімді жан – өзгелерді, басқа адамдарды ойлап, соларға қол ұшын беруші жан. Ал, адамдардың қамын жеу дегеніміз адамгершілікке келіп саяды. Адамгершілік – адамның рухани арқауы.

АДАМГЕРШІЛІК БІЛІМІ – БІЛІМ БЕРУДІҢ АЛТЫН ҚАЗЫҒЫ

Қолданылған әдебиеттер:

• Бала тәрбиесі № 2 2006 ж , № 4 2008 ж
• «Өзіндік таным» № 2 2007 № 5-6 2006 ж
• Бастауыш мектепте оқыту № 4 2007 ж
• Аймауытов Ж. Тәрбиеге жетекші Орынбор, 1924.
• Сатыбаев С Халық әдебиетінің тарихы негіздері — Алматы: 1992
• Баймұратова. Б. Отбасындағы баланы мектепке дайындау , — Алматы: Шартарап, —2000 ж

Назарларыңызға рахмет!