Афганские солдаты на слайде

Шаймерден Қосшығұлұлы атындағы Қоғам орта мектебі

Тақырыбы : Ауған жауынгерлері

Тақырыбы : Ауған жауынгерлері

• Мақсаты:
• Білімділігі: Ауған оқиғасының тарихи мағынасын ашып, оқушыларға түсіндіру.
• “ Ауған соғысы” – жайлы тереңірек біліп тану, соғыс ардагерлерінен мәлімет алу.
• Дамытушылық: Ардагермен сұхбаттасу арқылы оқушының тарихи деректердің маңыздылығын есте сақтап, ой-өрісін ,сөздік қорын дамыту.
• Тәрбиелік: :Патриоттық рухы жоғары,қайсар жауынгер ағалар ерлігін үлгі ету;Ауған соғысында опат болған боздақтар рухына тағзым етуге,есімдерін қастерлеуге оқушыларды ұлтжандылыққа, отанын сүюге тәрбиелеу .
• Әдісі: еске алу сабағы

Сабақ бағдарламасы:

1.      Ауғанстан соғысы туралы айту.

2.      Ардагерлерді еске алу.

3.      Қорытынды

Сол Ауғанда талай досты жерледік Қарлы шыңға күн түн демей өрледік Сұрапылда ерледік те шерледік Намыс туын қолдан бірақ бермедік

Соғыс жан алып – жан беру Соғыс халықтың басына келген қасірет, жұт Кеңес әскерлерінің Ауған жерінен шығарылғанына 28жыл толуына  байланысты «Ауған жауынгерлері » атты тақырыбындағы тәрбие сағатымызды бастаймыз.

1989 жылы, Ақпан айының 15-де талай аналарды перзеттерден айырған, мыңдаған жерлес бауырларымыз  қаза  тапқан қасіретті де, қайғылы да «Ауған соғысы»  аяқталды. Жылдар өткенімен жауынгерлеріміздің өшпес ерлігі  ел есінде сақталуда. Бүгінде «Ауған соғысы» қажет пе еді?  деген сұрақтар көп қойылған кезде, біз жастар, еліміздің сол соғысқа қатысқан ұлдарын  Отан алдындағы борыштарын  адал атқарған азаматтар деп құрмет тұтамыз.

1. Ауған соғысы қалай басталды?

1979 жылы  25-желтоқсанда Мәскеу уақыты бойынша 15.00-де КСРО Қорғаныс министрінің берген бұйрығымен Ауғанстанға Кеңес әскерлерін енгізу басталды.Командирлер “Бұл қысқа мерзімдік акция,тапсырманы орындаймыз да кетеміз’’ дегенімен “акция” 9 жылдан астам уақытқа созылады. Талай боздақтардың өмірін қиған зұлмат адамдардың тағдырына көптеген зардап әкелді.

Тарих парақтарын ақтарсақ,1979 жылы желтоқсанда Ауған жеріне Кеңес әскері енгізілді.Бұл сол кездегі СОКП-ның бас хатшысы Брежнев бастаған Кремльдегі топтың шешімі еді.Ауғанстанға Кеңес әскерінің енгізілуі оппозициялық қозғалыстың күшеюіне және елдегі шиеленістің қатты ушығуына әкеліп соқты.Ауған оппозициясының отрядына қарсы ұрыс қимылдарына Кеңес әскерінің қатысуы Ауғанстандағы соғысқа ұлт азаттық сипатын берді.

Ауған соғысы (27.12.1979 — 15.02.1989) — КСРО Қарулы күштерінің Ауғанстанға басып кіріп, оның ішкі істеріне қол сұғуы салдарынан тұтанған соғыс. КОКП және КСРО басшылығы Ауғанстандағы 1978 жылғы сәуір төңкерісі нәтижесінде билікке келген “халықтық-демокр. үкіметті” қолдап, көршілес елдің соц. бағытпен дамуын көздеп, “интернационалдық әскери жәрдем береміз” деген желеумен оның ішкі істеріне араласты.Бұл “қырғи қабақ соғыс” кезеңі өткеннен кейінгі уақытта да КСРО-ның өзге елдерді өз ықпалына қарату саясатының айқын көрінісі еді.

Қазақстаннан Ауған соғысына 22000 адам қатысып, олардың 761-і қаза тапты. 21 адам хабарсыз кетті. Бүгінгі таңда Қазақ елінде 10000 - ға жуық ауған ардагерлері бар. Олардың 3000 - дайы мүгедектер қатарында.

• 1979 жылы 12 желтоқсанда
• Кеңес Одағы басшыларының шағын тобы
• Л.И.Брежнев, Ю.В.Андропов, М.А.Суслов, Д.Ф.Устинов
• Ауғаныстанға кеңес әскерін енгізу туралы
• шешім қабылдады.
• Сөйтіп 1979 жылы 25 желтоқсанда
• КСРО әскерлері Ауғаныстан шекарасынан өтіп
• онда 1989 жылдың ақпанына дейін
• соғыс қимылдарын жүргізді

Мұғалім сабақты қорытындылайды . ЕлбасымызН.Ә.Назарбаевтың ауған соғысы туралы: «Ауған соғысында қыруар қаржы шығындалды, мыңдаған өмір қиылды, бәрі бір кеңес әскеріне бұл елді тастап шығуға тура келді. Халық үшін бұдан асқан қасірет бар ма? Бұл ұтылы сжоғарғы әскери команданың белгілі бір бөлігін мықтап ойлантты» – деген ойлы сөзі бар.

Жылмажыл ақпан айының ортасында біз ауған соғысында қаза тапқан жауынгерлерді еске алып, олардың рухтарының алдында бас иеміз. Өйткені бұл соғыста өрімдей жас жігіттер жазықсыздан-жазықсыз құрбан болды. Бүгінгі жастар сол кездегі жігіттердің Отан алдындағы борышын адал орындағандарын ұқсын, олардың патриоттық сезімінен тағылымалсын деген мақсат пен жыл сайын  кездесулер өткіземіз.

Ал бүгінгі кездесуімізде ауған соғысына қатысқан,бейбіт өмірде о дүниелік болған ел азаматы Акимов Зарлық Қазбекұлын еске алуға байланысты «Шариповтар шаруашылығы» басшысы Құттынбет Рақымжанов өзімізде мектепте округ бойынша шахматтан турнир өткізбекшіміз. Сол турнирге келген шахматшылар .Қош келдіңіздер!

Шахмат турнирін ашық деп жариялаймын. Әнұран(ҚР Әнұраны орындалсын). ән(патриоттық) Жюри мүшелерімен таныстыру.

Жылма-жыл ақпан айының ортасында біз ауған соғысында қаза тапқан жауынгерлерді еске алып, олардың рухтарының алдында бас иеміз. Өйткені бұл соғыста өрімдей жас жігіттер жазықсыздан-жазықсыз құрбан болды. Бүгінгі жастар сол кездегі жігіттердің Отан алдындағы борышын адал орындағандарын ұқсын, олардың патриоттық сезімінен тағылым алсын деген мақсатпен жыл сайын түрлі деңгейдегі кездесулер өткіземіз..

Назарларыңызға рахмет!