"Ақсақ құлан аңызы"

"Ақсақ құлан, Жошы хан" аңызы

Жарияланды 7-01-2014, 15:42 Категориясы: Қазақ тілі және әдебиеті 

Әдебиет (5 сынып)
Сабақтың тақырыбы: Ақсақ құлан, Жошы хан
Сабақтың мақсаты:
1. Білімділік: Оқушыларға «Ақсақ құлан, Жошы хан» аңызы туралы түсінік беру, оларды тілдік тараптан талдауға үйрету.
2. Тәрбиелік: Оқушыларды адамгершілікке, ізгілікке баулу, елжандылыққа, табиғаттың берген сыйына құрметпен қарауға тәрбиелеу.
3. Дамытушылық: Оқушылардың әдеби дүниетанымдарын кеңейту, пәнге деген қызығушылықтарын арттыру, мәнерлеп оқу дағдыларын дамыту.
Сабақтың типі: Ашық сабақ.
Сабақтың түрі: Дәстүрлі емес сабақ.
Сабақтың әдіс - тәсілі: Мәнерлеп оқу, әңгімелеу, талдау.
Сабақтың көрнекілігі: Аңыз – әңгімелер жинағы. «Ақсақ құлан, Жошы хан» ертегісі
Пәнаралық байланыс: Тіл, тарих, география.
Пәнге қажет құрал - жабдықтар: Интер белсенді тақта

Сабақтың барысы:
І. Ұйымдастыру кезеңі: 1. Оқушылармен сәлемдесу.
2. Оқушылардың сабаққа қатысын тексеру.
3. Оқушылардың зейіндерін сабаққа аудару.

ІІ. Үй тапсырмасын тексеру:
1. Асан Қайғының жерұйықты іздеп жүрген кезінде аралаған жерлерін суретке түсіріп келу.

ІІІ. Білімдерін тексеру:
Кеспе қағаздармен жұмыс:
1. Аңыз дегеніміз не?
2. Аңыз қалай пайда болған?
3. Аңыз – әңгіме неден құралады?
4. Аңыз – әңгіме бізге қалай жеткен?
5. Асан Қайғы жерұйықты қалай іздеген?
6. Асан Қайғы қайда қайтыс болған?

ІV. Жаңа сабаққа дайындық
1. Сабақ тақырыбын тақтаға жазу
2. Сабақ мақсатын түсіндіру

V. Жаңа тақырыпты түсіндіру:
Интер белсенді тақта арқылы «Ақсақ құлан, Жошы хан» туралы аңызды көру. /9 минут/. Оқушылардан мазмұнын сұрату.

VІ. Түсінік тексеру:
Сұрақ - жауап:
1. Жошы ханның жас баласы қалай қайтыс болған?
2. Жошы қаһарын қалай төкті?
3. Жошы не деп жарлық шығарды?
4. Жошыға баласының өлгенін кім және қалай естіртті?

VІІ. Жаңа сабақты бекіту:
1. Оқулықпен жұмыс.
• Аңыздың оқулықта келтіріліп отырған екі нұсқасын да ой сала, мәнерлеп оқып шығыңдар.
• Кет Бұға күйшіге оқулықтағы суретті пайдалана отырып, мінездеме беріңдер.

VІІІ. Сабақты қорыту:
1. Бағалау: Бағалау парақшалары арқылы оқушылар өздерін бағалайды.
2. Үй тапсырмасын беру.
1. Аңыздың фольклорлық нұсқасы мен белгілі жазушы Мұхтар Мағауин жазған әдеби үлгісін салыстырып, ауыз әдебиеті мен жазба әдебиетінің ұқсастығы мен айырмашылығына зер салыңдар.