Амет-хан Султан

Мевзу: Р.Фазыл, Л.Софу «Амет - Хан Султаннынъ балалыгъындан»

Дерснинъ чешити: Алынгъан бильгилерини теренлештерюв.

Макъсатлар:

- Талебелерге экинджи джиан дженки къараманлары акъкъында малюмат бермек;

- Амет - Ханнынъ омюр ёлу, онынъ къараманлыгъынынъ эмиети ве тесири;

- Талебелернинъ окъувгъа, илимге мерагъыны юксельтюв;

- Юреклеринде буюк эстетик ве ватанперверлик дуйгъуларыны догъурмакъ;

- Лугъат байлыгъыны зенгинлештерюв.

Дерснинъ донатылувы: Къараманнынъ ресимлери, дерсликлер, презентация.

Дерснинъ кетишаты:

I. Тешкилий къысым

(селямлашув)

II. Дерснинъ макъсады ве вазифелери анълатыла.

III. Эв вазифесини сорав

1. Амет - Ханнынъ догъгъан ери ве яшлыкъ девири акъкъында суаллерге джевап берюв.

а) Амет - Ханнынъ догъгъан ери?

б) Балалыгъында ким олмагъа арзу эте эди?

в) Амет - Хан авада къач душман самолётыны урып тюшюрди?

г) Амет - Хан Султангъа насыл унван берильди?

д) Амет -Хан Султан не вакъыт эляк олды?

2. Ш. Алядиннинъ «Корюшюв» очеркинден Амет -Ханнынъ къараманлыкълары акъкъында сатырлар тапмакъ.

3. Талебелер Амет -Хан Султан акъкъында тапкъан малюматларны окъумакъ.

IV. Янъы мевзуны анълатув

- Бугунь дерсте советлер бирлигининъ эки дефа къараманы Амет -Хан Султан акъкъында дерсимизни девам этеджемиз.

Тахтада: Амет -Хан Султаннынъ портрети

1. («Амет - Хан Султан» йыры янъгъырай )

2. Амет - Хан Султан акъкъында фильм (10 дакъкъа)

3. «Амет - Ханнынъ йылдызы» повестинден «Амет - Хан Султаннынъ балалыгъы» парчасыны окъумакъ.

4. Лугъат иши

Сейир этмек - бакъмакъ

Менимсемек - огренмек

Къадимий - эски девирден къалгъан

1. Суаллерге джевап беринъиз:

- Амет мектепте насыл окъуй эди?

- Мектепке кеткенде Аметни этрафта нелер меракъландыра эди?

- Раатлыкъ куню балалар къайда бардылар?

- Бу икяеде Аметнинъ насыл табиат чизгилери косьтериле?

Раатлыкъ дакъкъасы

V. Пекитюв :

1. Группаларда чалышув:

1 гр. Амет - Хан эчки бакъкъанда неге раст келе?

2 гр. Анасы онъа насыл эфсане акъкъында икяе эте?

1. Амет - Хан Султан акъкъында суаллер тизюв.

2. Дерсликте берильген аталар сёзлерининъ маналарыны анълатмакъ (с.166)

3. Кунешчикни толдурмакъ

Тахтада:

учуджы Эки дефа къараман

Амет - Хан Султан

- 5.«Микрофон» оюны: «Халкъымызнынъ къараманлары» ( Талебелер къараманлар акъкъында агъзавий икяе этелер ).

6. Келинъиз, сизлернен бойле меракълы (рефлексия) усулнен дерснинъ нетиджесини чыкъарайыкъ:

«Бугунь мен дерсте ….»

VI. Эв вазифеси:

«Халкъымызнынъ къараманы» мевзусында инша язмакъ.

VI. Баалав:

- Дикъкъатынъыз ичюн сагъ олунъыз!

- Сагълыкънен къалынъыз.