Ана тілі:"Ана тілім-дара тілім"

Ана тілің – дана тілің

Ана тілі 2-сынып.

Сабақтың тақырыбы: Спандияр Көбеев, «Түлкі мен қырғауыл» мысалы.

Сабақтың мақсаты:

1. Спандияр Көбеев туралы әңгімелеу. Шығармаларының тәрбиелік мәніне назар аудару. Түсініп оқуға баулу.

2. Тапқырлыққа, көркем әрі шешен сөйлеуге тәрбиелеу.

Көрнекілігі:

1. С.Көбеев портреті.

2. Блокты тапсырмалар: «АС» - картасы.

3. Тақырыптық плакат.

4. Дидактикалық ойын: «Ұтып шық!»

5. «5 жолды өлең стратегиясы.

Сабақтың барысы:

1. Ұйымдастыру.

(Сабақ барысында қажетті көрнекі плакаттар ретіне қарай тақтаға ілініп отырылады.)

-Балалар бүгін аптаның нешінші күні?

...

-Бұл күн қалай аталады?

...

Үй тапсырмасын сұрау:

Үйге не тапсырма берілді?

1.Ғ.Мүсіреповтың «Ақымақ бота» әңгімесін оқып, түсінік айту.

2. Бота тақырыбына эссе жазып келу.

-Ендеше, Ғ.Мүсірепов туралы не айта аласыңдар?

-Жазушының қандай ертегі, аңыз, әңгңмелерімен таныссыңдар?

-«Ақымақ бота» әңгімесін кім әңгімелеп береді.

(2-3 оқушы әңгімелеп болғаннан кейін, эссеге кезек беру.)

-Эссе «Бота» оқытып , бағалап шығу. ( оқушылар жауабы бағалау мониторингінде бағаланып отырады)

II Жаңа сабақ

(Тақтаға С.Көбеев суреті мен «АС» картасы ілінеді)

-Спандияр Көбеев Қостанай обылысында дүниеге туылған. Балаларға арнап, әңгіме, өлең, мысалдар жазған. Өмірін балалар тәрбиесіне арнап, ұстаз болды. «Үлгі бала» атты оқулық кітабы бар.

-Биылғы жылы қандай ертегі, әңгімесін оқығанымыз кімнің есінде бар екен?

1. «Еңбекпен ел көгерер.»

2. «Өсиет»

(оқушылар назарын тақтадағы блок-тапсырмаларға бұрамын.)

№1 Арнайы жүйеде құрылған 9 сөзден тұратын блок ілініп, есте сақтау үшін уақыт беріледі.

№2 Оқушыларға көздерін жұму тапсырылып, осы сәтте блокқа өзгеріс енгізілді:

ОЙЛАУ МАТИВАЦИЯСЫН ДАМЫТУ

№3 Оқушыларға көздерін қайта ашқан соң, блокты қайта бастапқа қалыпы бойынша құрып шығуға нұсқау беріледі:

Нәтижесінде оқушылар бүгін сабақта оқылатын мысалда кездесетін, негізгі ойға байланысты айтылатын сөздерді естеріне сақтап қалу мүмкіндігіне ие болады.

-Ал, қазір мен сендерге С.Көпеевтің «Түлкі мен Қырғауыл» деген мысалын оқып берейін. Сендер, мысалда осы блокта кездескен сөздерге қатысты қандай нәрселер айтылғанын ұғып, түсінуге тырысыңдар.

Көрнекілікпен жұмыс: (Тақтаға мысал бойынша көрініс бейнеленген плакат ілінеді. Мұғалім мысалды нақышына келтіре оқып шығады. Әңгіме-мысалда кездесетін түсініксіздеу деген сөздерге тоқталып, сөздік жұмыс жүргізіледі.)

Сөздік жұмыс:

1. Зорлық қорламау.

2. Бір ұяға жұмыртқалау-дос, тату болу.

Сергіту жаттығуы

Жұмбақ шешу:

Бұлаңдаған құйрығы,

Бір алдарлық қуылығы.

(Түлкі)

Жаңылтпаш. /Жарыс/

Ізшілер іздеседі,

Түз кезді, із кесті.

III Қорыту.

Тақтамен жұмыс:

5 жолды өлең.

-Қырғауыл

-Тапқыр, сүйкімді

-Кездесті, сөйлетті, алдады

-Қырғауыл ағашқа қонды

-Құс

Дидактикалық ойын: «Ұтып шық!»

(«Түлкі» сөзіндегі әріптерден әртүрлі сөз құру)

Түлкі-түк, үк, үкі, кіл, күл, түлік.

Бағалау.

Үйге тапсырма:

1. Рөлдерде ойнау.

2. «Қырғауыл» тақырыбына эссе жазу.