«Жан анам!»
Музыка залы әсем безендірілген. Әуенмен бір-бірлеп залға кіреді. Бір-екі қимыл жасап, ұлдар дайындаған сыйлықтарын аналарына ұсынады сосын аналар отырады. Балалар ән айтады.
Ән: «Нұрлы көктем»
Тәрбиеші: Құрметті аналар, қыздар, апайлар! Сіздерді көктемнің алғашқы мерекесі 8 Наурыз мерекесімен шын жүректен құттықтаймыз! Әр кез жүздеріңіз шұғылалы көктемнің күніндей күлімдеп, көңілдеріңіз көктемдей көрікті болсын!
Ғани : Индира Сейдалықызы бүгін сіздіде мерекеңізбен құттықтаймыз. Сондықтан, барша әйелдер қауымына, аналарымызға арналған шағын ертеңгілігімізді тамашалаңыз.
Ана дейміз бәріміз де аңқылдап
Ана дейді жас сәби де жарқылдап
Ана деген – бәйтерегі өмірдің,
Ана деген – алтын қазық, алтын бақ
Жүргізуші Саян
Қымбатты әжелер, аналар, апайлар, қыздар!
Сіздерді 8-наурыз мерекесімен құттықтаймыз.
Сіздерге зорден саулық, мол бақыт тілейміз.
Мерекелеріңіз құтты болсын!
Бүгінгі тамаша мерекемізді балалардың өлең –шумақтарымен жалғастырамыз.
Диара: Қандай қызық көктемде
Күн шуағын төккенде
Гүл тереміз алуан,
Шығып алып көк белге
Көктем күні керемет
Жаңбыр жауар себелеп
Күн ашылса болғаны,
Көлбеңдейді көбелек.
Әмірхан:
Әжем менің ақ әжем
Ақыл беріп үйреткен
Аппақ әжем пәк әжем
Мейіріммен тербеткен
Аман болсын басыңыз
Ағармасын шашыңыз
Шөбере сүйіп әлі де
Жүзге жетсін жасыңыз
Нұралы:
Үн қатамын бал тіліммен
Еркелеймін әр күн мен
Құттықтаймын анашым
Сегізінші Наурызбен!
Қ. Әділжан:
Құдіреттен жаралған
Тең келе алмас жан адам
Алыптардың алыбы
Ол өзімнің жан анам
Аймухан:
Менің анам ардақты,
Алтыннанда салмақты.
Жақсы көріп баласын,
Мәпелейді анашым.
Дария:
Теңдесі жоқ данасың
Арқа тұтар панасың
Еңбегіңді ақтаймын
Аман болшы анашым
Бізді өсіріп баптаған
Жақсы болсақ шаттанған
«Алтыным»- деп мақтаған
Айналайын ақ мамам
Самира:
Біз ғана емес, қадір тұтқан бабалар.
Аналардан туған не бір даналар.
Ана деген тіршіліктің тірегі,
Армысыздар, қасиетті аналар!
Нәзік жанды аналарды аялаңдар
Қамқоршы боп әркез көмек аямаңдар
Бағалы қазынамыз – аналарды
Жоғарыдан орын беріп бағаландар.
Жүргізуші Саян: Аналарымызды құттықтап өз өнерлерің тарту етеді.
Би: «Аналарға арналады»
Тәрбиеші:
Ақ қар еріп, су көбейіп
Сай-сайларға ағады
Бүршік атып, жапырақ ашып
Гүл бәйшешек басады...
Мал маңырап, төл жамырап,
Жайлау малға толады.
Айтыңдаршы балалар
Бұл қай кезде болады?
Балалардың жауабы: көктемде
Музыка әуенімен залға гүлдер шашып Көктем кіреді.
Көктем :
Армысыңдар балақайлар,
Әзиз әже, назды апайлар
Мол шуақты ала келдім
Қуаныңдар балақайлар
Мен құлпырған бәйшешекпін
Келіп жеттім көктемменен
Шаттаныңдар мейірімді біздің аналар
Бұл мереке тек сіздерге арналар.
Жүргізуші :Рахмет, Көктем біздің балалар сізге сыйлық ретінде дайындаған әндері мен билері бар, қабыл алыңыз. Өзіңізде біздің балалармен бірге мерекені тойлаңыз.
Жүргізуші: Саян балалардың өлең –шумақтарымен жалғастырамыз
Айсұлтан : Сегізінші наурыз келді,
Шаттық сезім, ой келді.
Қуанышты күні енді,
Құттықтаймыз сіздерді.
Жанымызды жайнатқан,
Сіздер ғой біздің аналар
Зор денсаулық, мол бақыт
Тілейміз біз аналар.
Арыстан : Бар табиғат нәр алып,
Шыға келер жаңарып
Қызғалдақ боп құлпырап
Көктем–біздің балалық.
Карима: Гүл-гүл жайнап бәріміз
Кіреді біздің сәніміз
Аналарды тойымен
Құттықтаймыз бәріміз.
Амир:
Аналарды сүйеміз
Ақылын ойға түйеміз
Әжені де ардақтап
Әдеппен бас иеміз
Маған ақыл беретін
Әжем менің асыл жан
Нурсулу:
Ақ сүтін берген анашым,
Ақылды менің данашым
Өзңімдей жанды әлемнен,
Қайдан табамын анашым.
Алида: Бәрімізге де анасың,
Біз үшін күн боп жанасың.
Құтты болсын мейрамың,
Құттықтаймын анашым.
Көрініс: (бөлменің іші ойыншықтар шашылған, қыздар ұқтап жатады анасы келеді)
Анасы: Ойбуу мына қыздар әлі ұқтап жатыр ғой. Мына үйдің ішін өздері шашып тастапты. Ханшайым қызым -ау ояншы, күнім сол ақылдым менің. Бүгін демалыс екен деп бұлай ұқтап жата беруге болмайды.
Ханшайым: Қойыңызшы анашым, ешәрсеге зауқым жоқ, мазамды ала бермеңізші.
Анасы : Сендерді не істесем екен? Қыздарым бүгін мереке екенін ұмытқан сияқты. (Анасы шығып кетеде)
Әжесі: Менің алтын қыздарым әлі ұйқыдан тұрмағаны несі –әй. Қызым- ау Айзерем менің ұйқыңнан тұрағой. Күнім менің, аспандағы айым менің. Екеуіңе арнап тәтті бәліш пісіріп қойдым.
Амина: Әже туу маған тыныштық беріңізші, менің ұйқым кеп тұр.
Әжесі : Қыздарым осылай жалқауланып кетпесе екен. Үйді жинайын десем енкейсем мына белім ауырады. Әй- әй менің қыздарымай. (деп шығып кетеді)
Ғажайып періштесі Елана: Тұрағой сүйкімді қыз, тұрағой!
Қыздар: Сіз кімсіз?
Ғажайып періштесі: Мен Ғажайып періштемін. Мен бәрін, бәрін көріп тұрмын. Сендер әжелерің мен аналарыңды ренжіттіңдер. Бүгін мереке екенін ұмытып кеттіңдер ме?
Қыздар: Енді не істейміз? (қыздар беттерін ұстап)
Ғажайып періштесі: Сендер енді аналарың мен әжелеріңнен кешірім сұрау керексіңдер. Мына бөлмедегі ойыншықтарды жинап, мына төсек орындарыңды дұрыстап қойсаңдар, ренжігендерін ұмытып кетеді. (Қыздар үйді жинауға кіріседі)
Ғажайып періштесі: Ақ сүт беріп өсірген аналарыңды, мәпелеп өсірген әжелеріңді ешқашан ренжітпеңдер. (деп кетеді)
Қызы Ханшайым: енді анамыз бен әжем қуанатын шығар.
Анасы: Қыздарым менің, құлыншақтарым менің үйді жақсылап жинап қойыпты өздері. Әжесі қараңызшы біздің қыздар сондай ақылды өздері.
Әжесі: Жарайсыңдар қыздарым!
Қызы Ханшайым: Әже менің сізге арнаған өлеңімді айтып берейінші.
Әжетай нұрға толсын жүзіңіз,
Қуаныңыз, шаттаныңыз, күліңіз.
Тіршіліктің қызығына бөленіп,
Аман – есен ортамызда жүріңіз!
Мерекенізбен әжетайым менің.
Әжесі: Рахмет қызым, маған сыйлығың қатты ұнады.
Қызы Ханшайым: анашым менде сізге арнаған өлеңімді айтып берейінші.
Аспан жарық көрінер жұлдызымен,
Ана көркем көрінер ұл- қызымен.
Ардақтаймын қашанда анашымды,
Өзің баптап ұшырасың ұл-қызыңды.
Ана. Ана десе әңгіме таусылама,
Ана деген қашанда асыл ана!
Аналарды қашанда мақтан етем,
Қуанышты лебізін , нұр жүзінен.
Анасы: Рахмет қызым. Әже, қыздарым жүріңіздер мерекеге арналган тәтті бәлішпен шәй ішейік.
Тәрбиеші:
Той пердесін ашайық
Тойға шашу шашайық
Аналарды құрметтеп
Ән маржанын ашайық
Ән: « Аяулым анашым » Құлпынай тобының көп балалы аналарының құрметіне арналады.
Жүргізуші: Саян: Ендігі кезекте балалардың өлең шумақтарын қабыл алыңыздар.
Әділ :
Қуаныштың ағайын
Қоңырауын соғайын
Ағартпасын тентектер
Аналардың самайын
Қамқоршы боп жүреді
Маңдайымнан сүйеді
Суға түсіп, отқа да
Бір мен үшін күйеді
Тимур:
Үн қатамын бал тіліммен
Еркелеймін әр күн мен
Құттықтаймын анашым
Сегізінші Наурызбен!
Құдіреттен жаралған
Тең келе алмас жан адам
Алыптардың алыбы
Ол өзімнің жан анам
Ернур:
Бейнетімнен қашпаған
Еңбегі үлкен басқадан
Ол өзімнің анашым
Жүрегі кең жақсы адам
Мейріміне қанбаймын
Ең бақытты жандаймын
Ақ мамама ешкімді
Теңестіре алмаймын
Әділжан: Ерлік еткен біз үшін,
Еңбек еткен біз үшін
Еркелеткен біздерді
Еркіндеткен біздерді
Анамызға мың алғыс !
Арнур : Достықты біз ойлаймыз,
Бірге күліп ойнаймыз.
Қыздарды да құттықтап,
Мерекесін тойлаймыз
Айлин:
Алысқа кетсеиде,
Сағынамын мен сені
Әрқашанда жанымнан,
Табылатын менің менің анашым!
Ән: « Анашым анажаным»
Жүргізуші : Саян
Жанымызды жайнатқан,
Сіздер біздің аналар
Зор денсаулық, мол бақыт
Тілейміз біз балалар
Ендігі кезекті аналарымызды құттықтау үшін кезекті биге береміз
Би: «Қуыршақтар»
Жүргізуші Саян:
Аяулысың, ауылымның асылдары,
Жайнасын көңілдердің жасыл бағы.
Сіздер үшін ән менен күй, өлең мен би,
Сіздер үшін мереке шашулары,-деп алдарыңызда
«Оркестр»
Бәйшешек: Балалар сендердің өнерлерің өте тамаша екен, маған қатты ұнады. Көп рахмет.
Тәрбиеші: Осымен құрметті аналар, әжелер. Біздің балалардың дайындаған
ертеңгілігіміз аяқталды. Келесі кездескенше сау-сәлеметте болайық!
1.«Нұрлы көктем»
2.Тақпақтар
3.Би
4.Көктем кіреді
5. Тақпақтар
6.Көрініс
7.Ән «Аяулы анашым»
8. Тақпақтар
9.Ән «Анашым,анажаным»
10.Би «Қуыршақтар»
11. Оркестр
605
94 875 
