«Ауыз әдебиеті»

Ұйымдастырылған оқу іс - әрекетінің конспектісі

Күні: 26.02.2020 ж

Тәрбиеші: Бексултанова Д.С

Білім беру саласы: «Коммуникация»

2 апта: «Өнер көзі-халықта»

Бөлімі: «Сөйлеуді дамыту»

Тақырыбы: «Ауыз әдебиеті»

Мақсаты:Тілдің қарқынын өзгерту біліктерін бекіту, баяу сөйлеу, жаңылтпаштар оқу артикуляциялық аппаратты одан әрі жетілдіру.

Жұмбақ, мақал-мәтел, жаңылтпаштартар-мен балалардың сөздік қорын толықтыру.

Көрнекілік:  Ертегі суреттер, қысты бейнелейтін суреттер.

Әдіс-тәсілдері: Сұрақ-жауап, әңгімелеу, көрсету, қайталату.

Кіріспе:

Шаттық шеңбері: 

Аспанымыз ашық болсын,

Күніміз жарқын болсын!

Еліміз тыныш болсын,

Деніміз сау болсын

Негізгі бөлім :

Дид-қ ойын: «Мықты болсаң, тауып көр!»

Балалар сендер қандай ертегілер білесіңдер?

1. Қиял - ғажайып ертегілер
   2. Хайуанаттар жайындағы ертегілер
   3. Тұрмыс - салт ертегілері
   4. Аңыз ертегілері деп бөлінеді

1.Ертегілердің ішіндегі баланың қиялын шарықтатып, бала шақтың болашағын елестетіп, келешекке сеніммен қарауға тәрбиелейтін ең әсерлі ертегілер – қиял-ғажайып ертегілері мысалы «Ұшқыш кілем»

2. Хайуанаттар жайындағы ертегілердің қай түрін алсақ та балалардың ұғымына сай, түсінуіне жеңіл, күлкілі де қызықты болып айтылады. Мысалы: «Түлкі мен тауық», «Түлкі, қойшы, аю», «Түлкі мен ешкі», «Түлкі мен қарға»,

3.Тұрмыс-салтқа байланысты ертегілер халықтың тарихи талаптарына байланысты туған. Онда бай баласы мен жарлы баласы хан мен данышпан шаруаның іс-әрекеттері, мінез-құлықтары суреттелінеді.Мысалы: Алдар көсе мен Жиренше шешен, Қожанасыр т.б

Балаларды үш топқа болу:

1-топқа «Үйшік» ертегісі;

2-топқа «Бауырсақ» ертегісі;

3-топқа «Шалқан» ертегісін әңгімелеп беруді ұсынады.

5-тапсырма.Жаңылтпаштар.

Әр топтан 1 адамнан шығып берілген жаңылтпаштарды –жай,тезірек,жылдам айтулары тиіс.

1-топ:Көзді қыпылықтатпа,

Торта қойдым,

Орта қойдым.

Орта қойдым,

жорта  қойдым

              ***

Төбесі төбел төрт бөрік,

Төртеуі де көк бөрік

             ***

2-топ

Топ бала,топ бала

Ойнап жүр,топтала.

Зымырап допты ала,

Қуады көп бала

           ****

Есет атам ет асатар,

Ет асатса,бес асатар

3-топ:

Мынау балқаймақ- қай балқаймақ?

Бұл балқаймақ – май балқаймақ!

           ****

Әй,Тайқарбай,

Қойыңды Майқараға жай,Тайқарбай!

Тайқарбай,Байқарбайлар толып жатыр...

«Әй,Тайқарбай» дегенің қай Тайқарбай?

1-топ. 1)Көп түкірсе көл болар.

2) Әке асқар тау,ана –бауырындағы бұлақ,бала- жағасындағы құрақ

2-топ.1)Өзге елде сұлтан болғанша,өз еліңде ұлтан бол.

2) Оқу инемен құдық қазғандай

3-топ.1)Ананың тілі бал,баланың тілі бал.

2)Қына тасқа бітеді,Білім жасқа бітеді.

Қорытынды: Балалардан сұрақ-жауап алысу арқылы ұйымдастырылған оқу іс-әрекетін пысықтау, ұйымдастырылған оқу іс-әрекетіне жақсы қатысқан балаларды мадақтау