Балалар өсөн башҡорт телендә тиҙәйткестәр

Вагондар уҙып бара,

Вәли ҡул болғап ҡала.

Выж-выж, выж-выж,

Выжылдайҙыр вышкалағы вертолет,

Вертолетта – Вәкил, Вәсил,

Ваһап, Вил, Вафир, Вәлит

*Ҡыҙарып, янып юлдан уҙабыҙ.

Туҡтап, ял алып, ҡулдар йыуабыҙ.

Асыҡ һауала ҡарҙа шыуабыҙ,

Сана шыуабыҙ, саңғы шыуабыҙ.

*Ҡар кеүек аҡ айыуҙар

Ҡар өҫтөндә аунайҙар.

*Ҙур йорттар һала-һала,                     

Ҙур булып үҫте ҡала.       

Мин ҡыҙҙарҙы ҡаҡмайым,

Мин ҡыҙҙарҙы яҡлайым.

Баҫма, тиһәң, баҫалар,                  Аҫмалы баҫма,

Был ни нәмә, балалар?           Һин яҙа баҫма!

*Әсәйемде һағынып көттөм,

Ҡасан эштән ҡайтыр икән?

Өҫтәлде лә үҙем һөрттөм,

Уйнай торғас, арып бөттөм.

Ҡурсағым да йоҡлай күптән,

Ә мин әсәйемде көтәм.

*Леп-леп оса күбәләк,

Гөлдән гөлгә үрмәләп,

Уның ҡунған сәскәһе

Ниндәй матур, түңәрәк.

Ҡара ҡарға ҡарҙан бара,

Ҡанаттарын ҡаға-ҡаға.

Һоло һалдым ҡолонға,                        Һары сәскә атты көнбағыш,

Сапмаһын тип болонға.                      Һары нурға батты көнбайыш.