"Әбием сандыгы"

• Әбием сандыгы

Әбиемнең матур сандыгы!

Нинди серләр саклый икән ул?

Гомер буе җыйган хәзинәме,

Әллә инде күңел бизәгеме?

Нинди серләр саклый икән ул?

Чың –чың итеп чыңлыйлар

Толымнарда чулпылар.

Иңбашына хәтле төшкән

Матур көмеш алкалар.

“ Татар кызын иң элек ишетәсең, аннары гына күрәсең” – дигәннәр элекке заманнарда. Чыннан да, татар хатын-кызларының бизәнү әйберләре шулкадәр күп булган - атлаган саен чылтырап торганнар алар.

Матур сөлгеләр элдек без Бәйрәмнәрдә түр якка. Күзнең явын алырлыгын Әни чиккән яшь чакта. Сабантуйда көрәшәләр, Чиккән сөлге батырга. Толпарларда малай чаба Сөлге алып кайтырга.

Борынгы заманнарда әбиләр,әниләр,киленнәр,кызлар оста итеп төсле җепләр белән бизәкләр ,сөлгеләр чиккәннәр. Һәр йортның, авылның чигү осталары булган. Сабантуй бәйрәмендә батырга иң матур чигешле сөлгеләрне тапшырганнар. Күп кызлы гаиләләрдә чигү ярышлары уздырылган.

• Элек-электән татар халкы чәйне самавырдан эчкән. Ләкин заман белән бергә халыкның самавырга булган карашы үзгәрде. Кулланышка электр чәйнекләре керүгә, хуҗабикәләр аны читкәрәк алып куйды.