«Бір шаңырақ астында»

Екінші кіші «Көбелек» тобындағы ұйымдастырылған оқу қызметінің конспектісі

Білім беру саласы: «Таным»

Пән: Жаратылыстану

Тақырыбы: «Бір шаңырақ астында»

Мақсаттары:

Тәрбиелік: Халқымыздың ұлттық салт-дәстүрін қадірлей білуге тәрбиелеу.

Дамытушылық: Әңгімені тыңдай, әңігмелей білуге, дағдыларын дамыту.

Оқыту: Қазақстан көп ұлтты мемлекет екенін үйрету.

Педагогикалық технологиялар: Ойын технологиясы, дамыту технологиясы

Ресурстармен қамтамасыз ету: Түрлі ұлт өкілдерінің суреті.

Билингвалдық компонент: Ұлт-ноциональность.

Ұйымдастырылған оқу қызметінің барысы:

1.Ұйымдастырушылық кезеңі:

Таңғы шеңберге тұрғызу.

Туыспыз біз бәріміз,

Біз Отанды сүйеміз.

Бақытты елде туған соң.

Бақытты өмір сүреміз!

2.Негізгі бөлімі:

Балалар, Жер ана бәрімізге ортақ.

Қазақстан – көп ұлтты мемлекет.

Біздің кең байтақ қазақ даласында көптеген ұлт өкілдері тату-тәтті, ынтымақта, бауырластықта өмір сүруде.

Сендер елімізде тұратын қандай ұлт өкілдерін белсіңдер?

Біз олармен қандай қарым-қатынастамыз?

Балалардың жауабы.

Дұрыс айтасыңдар, елімізде орыс, татар, ұйғыр, неміс, өзбек тағы да басқа ұлт өкілдері тұрады.

Әрбір ұлттың өз ана тілі, салт-дәстүрі, ұлттық киімдері, тағамдары, ойындары болады.

Біз барлық ұлт өкілдерімен татумыз, доспыз және бір щаңырақ астында тұрамыз.

Балалар 1 – мамыр ынтымақ пен бірлік мерекесі.

Ойын: «Қуыршақтың киімін ата»

Педагог кез келген қуыршақтың киімін көрсетіп (көйлек, мәсі, бөрік, сәукеле) оның қалай аталатынын, түсін сұрайды.

Сергіту сәті

Аспанға қарап ай көрдім,

Төменге қарап жер көркі ,

Оңға, солға бұрылып,

Егеменді ел көрдім.

3.Қорытынды:

Біздің мемелекет қалай аталады?

Мемлекетімізде қандай ұлт өкілдері тұрады?

Балалардың жауабын естіп, оқу қызметін қорытындылау.

Балаларды мақтау, мадақтау.