"Бугу Эне" жомогу

Сабактын темасы: «Бугу эне» жомогу

Сабактын максаты:

• Билим берүүчүлүк: чыгарманын мазмунун эстерине салышат, каармандарга мүнөздөмө бере алышат, өз оюн чыгармадагы окуялар аркылуу далилдей алышат.

• Өнүктүрүүчүлүк: сынчыл ой жүгүртүп, каармандарга өз баасын бере алат, талкууга катышып, өз оюн айта билүүгө көнүгөт.

• Тарбия берүүчүлүк: Ата Мекен, жаратылыш, эл-журттун ыйыктыгын, аларды коргоо керек экендигин түшүнөт, кичи топтордо иштөө аркылуу бирин-бири колдоого, сыйлоого үйрөнөт.

Көрсөткүчтөр:

Жогорудагы коюлган максаттар ишке ашат, эгерде…

-жомоктун мазмунун толук билсе;

-өз оюн чыгармадан мисал келтирип далилдеп бергенге үйрөнсө;

-каармандарга, анын ичинде Бугу энеге кластер түзө алса;

-сынчыл ой жүгүртүп, каармандарга өз баасын бере алса;

-жаңы сөздөрдүн маанисин түшүнүү менен колдоно алса;

-Ата Мекен, жаратылыш, эл-журттун ыйыктыгын, аларды коргоо экендигин түшүнсө;

-кичи топтордо иштөө аркылуу бирин-бири колдоого, сыйлоого үйрөнсө;

Сабактын тиби: билимдерди жалпылоо

Сабактын усулу: кичи топтордо иштөө, «Блумдун ромашка гүлүн» колдонуу

Сабактын жабдылышы: Алтын эреже, сабактын максаты, баалоо таблосу, Блумдун таксономиясы, ватман, маркер, скотчь, А4 барагы, стикер

Сабактын жүрүшү: Уюштуруу

1. Журнал толтуруу

2. Классты толуктоо

3. Класска жагымдуу жагдай түзүү

«Эне-Сай» ырын айтышат.

Окууучулардан үй тапшырмасын суроо аркылуу өтүлгөн тема боюнча алган билимдери текшерилет жана бышыкталат.

Класс 6 кичи топко бөлүнөт.

Үй тапшырма: «Бугу Эне» жомогунан алып тарткан сүрөттөрү каралат.

«Бугу Эне» жомогуна этап менен слайд аркылуу токтолуп өтүшөт.

1-слайд. Географиялык картадан Енисей дарыясын таап, куймаларын атоо

2-слайд. Орхон-Эне-Сай таш эстеликтери тууралуу маалымат

3-слайд. Кыргыз энелеринин кошогун угуу

4-слайд. Кан кууп келиптир» деген сөздүн маанисин чечмелөө

5-слайд. Майрык-Чаар-Жезкемпирдин лексикалык мааниси

6-слайд. Майрык-Чаар-Жезкемипр менен Бугу Эненин диалогу

7-слайд. Эне-Сай менен Ысык-Көлдун ортосун географиялык карта аркылуу көрсөтүү, кайсы жол менен келишин болжолдоо.

8-слайд. Кыргыздардын Умай-Эне тууралуу түшүнүгун талдоо.

1-тапшырма

Синквейн түзуү

1-топ. Бугу Эне

2-топ. Күлчө баатыр

3-топ. Бала

4-топ. Кыз

5-топ. Майрык-Чаар-Жезкемпир

6-топ. Хан

2-тапшырма

«Блумдун ромашка гүлү» менен иштөө

• 1.Жөнөкөй суроо

1.«Бугу Эне» жомогундагы башкы каарман ким?

2.Енисей тууралуу силер эмне билесиңер?

• 2.Тактоочу суроо

1.Окуя кайсы мезгилде болду эле?

2.Мен силерди туура түшүндүмбү, Күлчө баатыр эл-жерин коргогонбу?

• 3.Түшүндүрүүчү суроо

1.Эмнеге нарксыз жоо салтты бузуп, аза күтүп жаткан элге кол салды?

2.Кандай көйгөй пайда болду?

• 4.Чыгармачылык суроо

1.Эгерде сен бала менен кыздын ордунда болсоң, эмне кылат элең?

2.Чыгарма эмнеге үйрөттү?

• 5.Практикалык суроо

1.Бугу Эненин ордунда болсоң, кандай кадам таштамаксың?

2.Сенде кандай сезимдер пайда болду?

• 6.Баалоочу суроо

1.Бугу Эненин кылганы туурабы же туура эмеспи?

2.Каарманга кандай баа бересиң?

3.Окуянын жыйынтыгы кандай аяктады?

3-тапшырма

Калтырылып кеткен сөздөрдү таап, ордуна жазгыла. Маанисин түшүндүргүлө.

1-топ

1. … баары тынч эмгекти таштап салып, жоокерчилик, талоончулук менен күн көрүп калыптыр.

2-топ

1. Кең өзөндун жээгинде … .

3-топ

1. Мөмө-чөмө менен … жүрүп отурушту.

4-топ

1. Кыргындан аман калган кыргыздын тукуму бар экен, …. ! – деп эл сестенди.

5-топ

1. Экинчи кыргыз деген сөздү … .

6-топ

1. … экөөң элдин атын өчүрбөй кайра тукум уласын деп мен ал жерди Теңирден сурап алдым.

(Кыргыз тукуму курут болуп кетээрде; кан кууп келиптир; буту менен басып, мурду менен тынгандын; өзөк жалгап; бырыксыган күл калды, каңырсыган жыт калды; кулагым чалбасын)

4-тапшырма

Сабакты жыйынтыктоо.

Рефлексия менен жыйынтыкталат.

Жашыл өң – толук түшүндүм

Сары өң – анча-мынча түшүндүм

Кызыл өң – түшүнө албадым

Окуучулардын алган билимдерин баалоо критерийдин негизинде

жүргүзүлөт. Окуучунун билим көрсөткүчтөрү аркылуу баалоо:

- Берилген суроолорго так, туура жана түшүнүктүү жооп бере алышы;

- Оюунун жыйынтыктуулугу жана аны ирети менен айтып берүүсү;

-жомоктун мазмунун толук билиши;

-өз оюн чыгармадан мисал келтирип далилдеп бергенге үйрөнүшү;

-каармандарга кластер түзө алышы;

-жаңы сөздөрдүн маанисин түшүнүү менен колдоно алышы;

-Ата Мекен, жаратылыш, эл-журттун ыйыктыгын, аларды коргоо экендигин түшүнүшү;

-кичи топтордо иштөө аркылуу бирин-бири колдоого, сыйлоого үйрөнүшү;

Критерийдин градациясы:

--талаптын баарына жооп берсе «5»;

--бешөөнө же төртөөнө дал келсе, «4»;

--үчөөнө дал келсе, «3»;

--экөөнө туура келсе, «2» деген баа коюлат.

Үйгө тапшырма берилет.

«Бугу Эне» жомогуна SWOT анализ жүргүзүү

Таркатмалар

«Ооба», «жок» жообу менен жооп беришет.

1.Атам заманда кыргыздар Эне-Сайды жердешкенби? (ооба)

2. Бугу-Эне жана балдар Эне-Сайдан Ысык-Көлгө 1айда келгенби? (жок)

3.Майрык-Чаар-Жезкемпир балдарды сууга түртүп жибердиби? (жок)

4.Бугу-Эне адамча сүйлөйбү? (ооба)

5.Куш элге алаамат болорун айтты беле? (ооба)

6.Кыргыз элин Күлчө баатыр кырдыбы? (жок)