Դասի պլան / " Գ" տառի ուսուցում

Դասի պլան

Դասարան -Առաջին

Դասի տևողություն - 45 ր

Առարկա - Մայրենի

Դասիթեման- Գ հնչյուն – տառերի ուսուցումը

ՈՒսումնառության ակնկալվող արդյունքները՝ ըստ չափորոշիչների

I մակարդակ

1. Կսովորեն Գ հնչյուն – տառերը:

2. Կմասնակցեն թեմատիկ նկարի շուրջ կազմակերպված զրույցուին:

3. Կփորձեն գուշակել հանելուկը:

II մակարդակ

1. Կկառուղեն բանավոր խոսք՝ նկարի բովանդակության շուրջ:

2. Կանջատեն նախադասություն պատմությունից:

3. Կմեկնաբանեն նախադասությունը:

III մակարդակ

1. Կկարողանան նախադասությունից անջատել մեկնաբառը:

2. Կսովորեն կարդալ բնագրիը:

3. Կսովորեն գրել գ տառով բառեր, կազմել բառակապակցություններ, նախադասություններ:

Դասի կահավորումը-Տպագիր և ձեռագիր գ տառի պատկերները , մեծադիր թեմատիկ

նկարը ,գարնան տեսարան պատկերող նկար,շարժական տառեր, Գառնիի տաճարի պատկերը:

Դասի ընթացքը

Խթանում՝ Աշակերտներին դիմել հանելուկով ՝

Ես հագնում եմ կանաչ շորեր,

Գլխիս դնում ծաղկեպսակ,

Ծաղկով զուգում դաշտ ու ձորեր,

Բերում հավքեր հազար տեսակ:

Երեխաները կռահում են, թե տարվա ո՞ր եղանակն է :

«Գարուն» բառը ենթարկել հնչյունային վերլուծության՝

.

ա

Աշակերտների միջոցով նշվում է քանի հնչյուն, քանի տառ ,

քանի վանկ, գ-ն որտե՞ղ է գտնվում: Պարզում ենք գ-ն ձայնավո՞ր է, թե՞ բաղաձայն (ինչու՞):

Այնուհետև ասվում է բառեր, անուններ, կենդանիներ, հատուկ անուններ, չմոռանալ ՝ Գյումրի քաղաքը (իրենց ծննդավայրը):

Իմաստավորման փուլ՝ երեխաները ստեղծեն պատմություն թեմատիկ նկարի շուրջը:

Նկարում Գառնիի ձորն է, ժայռի պռունկին երևում է Գառնիի տաճարը: Ձորով հոսում է գետը: Գոռը,Արան, Տիգրանը, Գագիկը խաղում են գետափին: Գոռն ու Արան գնդակ են խաղում, Գոռը հագել է գրպաններով շալվար , կապել է գոտի: Գորգի նման կանաչի վրա Գագիկը գլուխկոնծի է տալիս, Արան կանգնել է գլխի վրա: Ծառի վրա արագիլները բույն են հյուսել: Նրանաք եկել են տաք երկրներից: Արագիլները ձմռանը չվում են Հայաստանից, գարնանը՝ վերադառնում, իսկ ագռավները չեն չվում:

Պատմությունից առանձնացնում են գ պարունակող բառեր՝ Գոռ, Գառնի, Գագիկ, Տիգրան, գետ, գետափ, գնդակ, գրպան ,գոտի , գլուխ,գլուխկոնծի,գորգ , արագիլ, գարուն , ագռավ: Այս բառերում գ հնչյունը լսելուց հետո առանձնացվում են գոտի և գորգ բառերը, ենթարկվում հնչյունային վերլուծության:

Ուսուցիչը ցույց է տալիս գ հնչյունի տառերը ՝ գ Գ: Երեխաների ուշադրությունը հրավիրում է այն բանին, որ գ-ն նկարված է գոտու և գորգի տեսքով:

Գ տառի երկտողը.

Գոտին եմ քո շատ ամուր,

Քեզ հետ եմ ես ամենուր:

Կարդում են բառաշարքը և անցնում բառաճյուղերի ընթերցմանը:

Ներառված երեխան, ով չի կարող կարդալ, արտաբերում է միայն հնչյունը:

Այստեղ վանկախաղը այնպես է կառուցված, որ գ հնչյունը ճիշտ և անխառն լսվի ա, է(ե), ի , օ( ո), ու ձայնավորներից առաջ և նրանց հետ միաձույլ ՝ մեկ վանկի մեջ:Այս բառաճյուղերը պետք է կարդան, ինչպես տող առ տող, այնպես էլ սյուն ա ռսյուն:

Բառակապակցությունները կարդալուց հետո դրանք օգտագործել նախադասությունների մեջ. ասենք՝ «Սպիտակ արագիլը եկել է տաք երկրներից:», «Գորշ ագռավը չի չվել տաք երկրներ:», «Ագահ գայլը վազում է գարնան գառնուկի հետևից:»

«Գոռն ու գարունը» ոտանավորը երեխաները պետք է անգիր սովորեն:

«Գարուն» բնագիրը կարդում է ուսուցչուհին բացատրում: Երեխաներից մի քանիսը կարդում են, մյուսները շարունակում:

Ֆիզկուլտդադար (10րոպե)«Եկե՛ք պարենք» Ձեռքերը դնենք գոտկատեղին: Հենվել ոտքերի թաթերին, հետո կրունկներին և մի ոտքով խփել հատակին: Շնչել համաչափ: Կատարել վարժությունը, փոխելով ոտքը նախ աջով խփել, հետո՝ ձախով:

Կշռադատման փուլ՝«Աջ ու ձախ», «Գտնել ավելորդը» խաղերով մրցույթների կազմակերպում , հանելուկի լուծում:

Շատ հետաքրքիր խաչբառ է տրված այս էջում :Սիրամարգի պոչի վրա կենդանիներեն , որոնց անունները պետք է լրացնել խաչբառում, որի ցանկում արդեն տրված է սիրամարգ բառը:

Բոլոր կենդանիների անուններում կա գ հնչյուն –տառը, բացի մեկից:

«Ո՞ր կենդանո ւանվան մեջ գ տառ չկա», նախքան լրացնելը հարցնում է ուսուցչուհին: Ով առաջինը պատասխանեց խրախուսվում է :

Գրավոր աշխատանք .կատարել «Գրատետր -1 »-ի համապատասխան վարժությունները:
ԿԱՊԿՈՒ-Ներառված երեխան, ով չի կարող գրել, դասի ընթացքում, լսում և հետևում է դասի ընդհանուր բովանդակությանը, աշխատում է ավազահատիկներով. ավազի վրա մատով «գրում է» նորածանոթ տառը: