Дидактикалық ойындар жинағы

«Ғажайып қапшық» 1

Мақсаты: әр мамандыққа қажетті құралдарды атап айыра білу, неден жасалғанын тану

Қажетті құралдар: азпазға азық-түлік, дәрігерге дәрігердің құралдары.

Ойынның барысы: Қапшықтан заттар бейнеленген суреттерді бір-бірден алып шығады (мысалы: аспазға азық-түлік, қазан, таба, тамақ пәсәретін плита керек; дәрігерге дәрумен, температура өлшейтін градусник, дәке керек.)

«Күз нышандары» 2

Мақсаты: күз мезгілінің ерекшеліктеріне байланысты суреттерді табу

Қажетті құралдар: әр жыл мезгіліне байланысты әртүрлі суреттер

Ойынның барысы: «Сиқырлы күз» бізге көп суреттер алып келіпті суреттер бір – бірімен араласып кеткен. Біз осы суреттердің ішінен күз мезгілін білдіретін суреттерді тауып, оларды суретке салуымыз керек.

«Иә немесе жоқ» 3

Мақсаты: Балаларды жақсы мен жаманды, болады мен болмайдыны айыра білуге тәрбиелеу.

Қажетті құралдар: құралсыз

Ойынның барысы: Тәрбиеші сөйлемдерін айтады, балалар келісітіндерін не келіспейтіндерін «иә», «жоқ» деген жауаптармен білдіреді.

Ұзақ дос боламызба (иә)

Достықты біз бағалаймызба (иә)

Бір – бірімізге көмек көрсетеміз (иә)

Достарды ренжітемізбе. (жоқ)т,б

«Сипап көр» 4

Мақсаты: сипап сезу арқылы көкеністердің атын табу

Қажетті құралдар: дорбада салынған көкеністер

Ойынның барысы: Балалар бақ қарауылы бір қап көкеніс алып келіпті. Оның мынадай шарты бар: сипап көру арқылы көкеністердің атын табу.

«Күзгі жапырақтар » 5

Мақсаты: жапырақтардың арасынан тек қызыл түсті жапырақты таба білу және он жылдам себетке салу

Қажетті құралдар: қызыл, сары, жасыл түсті жапырақ пен себет

Ойынның барысы: Еденде шашылып жатқан қызыл, сары жапырақтарды себеттерге жинау керек.

«Ғажайып қапшық» 6

Мақсаты: ойыншықтардың қандай заттардан жасалғанын айту

Қажетті құралдар: доп, машина, қуыршақ, текше, т.б

Ойынның барысы: Мына ғажайып қапшықта ойыншықтар бар. Қазір ойыншықтарды бір – бірден алып, неден жасалғанын анықтау. Сондықтан ойыншықтарды алып ағаштан жасалғандарын ұшақтың қасына, резеңкеден жасалғандарын қуыршақтың қасына орналастыруларын керек.

«Тамшыларды жина» 7

Мақсаты: үлкен, кіші заттарды айыру және жылдамдыққа тәрбиелеу

Қажетті құралдар: үлкен, кіші тамшылар

Ойынның барысы: Топтағы балаларды екі топқа бөлеміз. Бір топтың балалары үлкен тамшыларды, екінші топ кішкене тамшыларды жинайды.

«Шулы оркестр» 8

Мақсаты: Балалардың зейіндерін, есту қабілеттерін дамыту

Қажетті құралдар: құралсыз

Ойынның барысы: Балалар үстел үстел бойынша бөлініп. Тәрбиешінің нұсқауы бойынша көрсеткен үстел күннің күркіреуін, жаңбырдың, найзағайды түрлі дауыспен келтіреді.

«Күн мен жаңбыр» 9

Мақсаты: оқушылардың зейіндерін, шапшаңдықтарын дамыту

Қажетті құралдар: құралсыз

Ойыннығ барысы: Тәрбиешінің «Күн» деген белгісімен серуенге шығады, «Жаңбыр» деген белгі бойынша қолшатырдың астына кіреді.

«Гүлдерді баспа» 10

Мақсаты: табиғатты қорғауға тәрбиелеу, ептіліктерін дамыту

Қажетті құралдар: қағаздан жасалған гүлдер

Ойынның барысы: Тәрбиеші еденге қағаздан гүлдерді жайып тастайды. Балалар гүлдерді баспай араларынан өтуі керек.

«Орнына қойып шық» 11

Мақсаты: жиһаздардың аттарын атап айту және бөлме ішінде өз орындарына орналастыру

Қажетті құралдар: жиһаздардың суреті мен магниттік тақта

Ойынның барысы: Магниттік тақтаға жиһаздар бейнеленген суреттер жапсырылады. Тәрбиеші әр жиһазды өз орнына орналастыруды ұсынады.

«Жиһаздар дүкені» 12

Мақсаты: бөлме ішінде заттарды орналастыра білу

Қажетті құралдар: дүкенші, кассир, жиһаздар

Ойынның барысы: Міне дүкенге келдік. Енді тиінге жиһаз қарастырайық. Бір бөлмеге орналастырып көрейік. (жапсырады)

«Құстарды тап» 13

Мақсаты: жануарлардың арасынан тек құстарды табу

Қажетті құралдар: бұтақтар, құстардың суреті

Ойынның барысы: Ағаш бұтақтарына тек құстардың суретін жапсыру керек. (жыл мезгілдеріне байланысты да орындатуға болады)

«Ойды аяқта» 14

Мақсаты: ойлау қабілеттерін, сөздік қорларын дамыту

Қажетті құралдар: құралсыз

Ойыннығ барысы: Тәрбиеші бір ойдың басын айтады балалар аяқтайды.

Мен шалғын гүлдерді жақсы көремін, өйткені .... (мен оларды жұлмаймын.

Біздің бақта үнемі әсем гүлдер болуы үшін, мен оларды .... (баспаймын)

Аулам әдемі болсын деп, мен .... (анаммен гүл отырғызамын)

Гүлдер аулаға әдемі көрік береді және .... (ауаны тазартады)

«Табиғаттың жас досы бол» 15

Мақсаты: зейіндерін, байқағыштығын дамыту

Қажетті құралдар: қателіктері бар суреттер

Ойынның барысы: Суреттерді қарастырып, адамдардың жасаған қателіктерін тауып, оны жөндеу жолдарын қарастырады.

Дидактикалы қ ойын тізімі

1«Ғажайып қапшық» 9 «Күн мен жаңбыр»

2«Күз нышандары» 10 «Гүлдерді баспа»

3«Иә немесе жоқ» 11 «Орнына қойып шық»

4«Сипап көр» 12 «Жиһаздар дүкені»

5«Күзгі жапырақтар » 13 «Құстарды тап»

6«Ғажайып қапшық» 14 «Ойды аяқта»

7«Тамшыларды жина» 15 «Табиғаттың жас досы”

8«Шулы оркестр»

Коммуникация.Әлеумет.Таным.