Диктант для 9 класса

Диктант 9 класс.

1. Ма боккха тоам хилар цунна, аз шийна зизаш деннадар аьнна. (С.К.)

2. Беза бала тӀерабаккха, ийрча вахар эргадаккха, цхьа хоадам бе беза. (С.Ч.)

3. Аз дув буъ хьона, хӀанз санна цӀаккха а валарах ма кхийравац со .(Б.З.)

4. Дог доахар цар, тешар уж, котало шоашка хургхиларах. (С.Ч)

5. Морхаш, цхьан хӀамо юкъера кегаеш санна, айлуш йоагӀар.

6. Маьр-дас Даьла цӀи яьккхача, кӀиръенна цун бӀарахьажар Роздан.

7. ЗӀамига кхо бер цӀагӀа а дуташ, тӀем тӀа вахар воккхагӀа вола воӀ.

8. Пешка юххе ноанал деш йоаллача Роздана бӀаргах хий даьлар, бераша шоай да хьоахавича.

9. БӀоагӀа хӀамархӀабелла, цунна ший басилг дӀатӀаоттайир Мусас.

10. Шийна воӀ бӀаргагушше, лерг лаьца чувигар Роздана.

11. Муса хӀама диаь ваьлча, пхьегӀаш дӀаяхар нанас.

12. Пахашка юкъе а елла, цхьа хӀама уйна кӀал цо Ӏочуюлаш бӀаргаяйра салтечоа. ( «Дошо бӀоагӀий» С.Ч.)

Диктант. 9 кл.

Юртара дӀаара а баьнна, вокзале бодача новкъа дӀабаьржар нах. Вордаш хайра яцар. Цудухьа ги а мархӀа а ехка хьора наха шоай хӀамаш. Мехка доккха таьзет эттача санна, чудаха кортош а долаш, шортта болхар уж. Бегаш, белам хазацар. БоагӀий а ца ховш, бенача боккхача балан гӀайгӀа мара хӀама дацар цар бӀаргашка. Царна дехьеи сехьеи боагӀар салтий. Уж а бацар гӀадбаха. Цар а кортош чудахадар. БӀаргаш харцахьа кхоабар. Фу уйла я цар, ха хала дар.

Нах юхахьежар шоай юртагахьа, шоай мехкагахьа. Лоамаш, бӀарга массаза гу дог дузаш дола лакха, хоза лоамаш хӀанз гуш дацар, морхаша къайладаьха. Мустйича санна ерзанъяьнна латтар боалий, Ӏажий, кӀарцхалий гаьнаш. Юрта кӀалгӀолла дода тӀехига хий сайса, бӀеха доагӀар. Оалхазарий ашараш яцар хозаш. ( С.Ч. «Дошо бӀоагӀий»)