Джыккайты Шамил

Джиккайты Федыры фырт Шамил

(1940-2011)

Шамил райгурырд Хуссар Ирыстоны ДзомагЪы хъæуы 1940 азы 25-æм февралы Шамилыл дыууадæс азы куы цыди, уæд йæ ныййарджытæ ралыгъдысты ардæм æмæ æрцардысты Камбилеевкæйы хъæуы. Сæ царды фадæттæ фæрæвдздæр сты.

Шамил ахуыр кæнын райдыдта хъæууон скъолайы. Ахуыр кодта хорз. Уый Дзомагъæй рахастастыр поэтикон курдиат. Уыцы æрдзон курдиат фæстæдæр йæхи равдыста. Йæ фыццаг æмвдзæвгæ ныффыста, 15 азы йыл куы цыд,уæд.

Скъола каст куы фæси,уæд ахуырмæ бацыд Цæгат-Ирыстоны пединститутмæ филоллгон факультетмæ. Студентæй дæр кодта сфæлдыстадон куыст. Фыста æмдзæвгæтæ. Мыхуыр сæ кодтой журналты «Мах дуг» æмæ «Фидиуæджы».

Институты фæстæ ссис филологон наукæты кандидат, доцент, профессор… Куыста Цæгат-Ирыстоны паддзахадон университеты. Йæ къухæй рацыд тынг бирæ рæсугъд æмæ зондджын ахуыргæнджитæ.

Поэтикон фæндагæй райдыдта йæ тох сæрибар, рæсугъддзинад æмæ рæстзинадыл. Уыцы тохы рæзыдысты йæ поэтикон геройтæ дæр.

Шамил кодта стыр наукон куыст: фыста монографитæ, критикон статятæ, арæзта чингуытæ скъолатæн. Скъоладзауты зæрдæмæ тынг цæуынц Шамилы æмдзæвгæтæ. Ахуыр æмæ хъомыл кодта ирон культурæйы минæвæртты.

Йе сфæлдыстады нын фæдзæхсы, цæмæй уæм Ирыстонæн аккаг хъæбултæ, нæ рагфыдæлтæн та – æцæг фæдонтæ.