'энелер мектеби

Баткен областы Лейлек району Катран айылы

«Эпкин» орто мектеби

Тема: “Билимден өткөн досуң жок”

Аткарган: Ташова Кыйматай

Сабактын максаты:

1. Энелер менен балдардын бирге окуп, китепке болгон кызыгуусун арттыруу.

2. Балдардын сабаттулугун өстүрүү менен ой жүгүртүүсүн калыптандыруу.

3. Адептүүлүккө ата-энесин сыйлоого тарбиялоо.

Сабактын жабдылышы: Түстүү кагаздар, скотч, маркер,

сүрөттөр, слайд.

Сабактын жүрушү:

1-тапшырма:

Уй тапшырма окуган китебинен суроолор.

“Үкүнүн табышмагы”, “Айткылачы ким күлүк”, “Таттуу алма”, “Айбанаттар дүкөнү”,”Эч кимге айтпа” китептеринен суроолор.

2-тапшырма

Энелер менен иштөө.

1.Макалдарды куроо.

2. Окуган китебинен үзүндү аткарып берүү (балдары менен биргеликте)

2.Тест иштөө (10 тест)

3-тапшырма

Шамдагай бол

Балдар топ менен калыстардын алдына чуркап барып келет.

Биринчи келген команда кутудагы суроого жооп берет.

“Энесиз- дүйнө карангы

Энеден эл журт таралды”- демекчи энелерибиз менен биргеликте өтө турган “Билимден өткөн досуң жок” деген темадагы сабагыбыздын урматтуу окурмандары, коноктору жана катышуучулары.

Баарыңыздарды алдыда келип турган жаз жана 8-март Бүткүл дүйнөлүк “Аялдардын эл аралык күнү” менен 5-март “Ак калпак” күнү менен куттуктайбыз.

Ишиңиздерге ийгилик үй-бүлөңүздөр аман болсун.Анда эмесе бүгүнкү таймашта 1-2-класстын жигиттер жамааты апалары менен катышмакчы.

“Кыздардан биз кем белек

Кыздарга жетиш не демек”-экен деп балдар сиздерге бий менен өнөрүн көрсөтүп баштайбыз дешет.

Бий: 1-класс жана 2-класстардын балдар жамаатынын аткаруусунда.

1- класс Кыргыз бийи.

2-класс Өзбек бийи.

Анда эмесе сиздердин алдыныздарга слайддын коштоосунда катышуучуларды чакырып алабыз.

Эмесе “Ак калпак” деген темада 1-класстын балдарын чакырабыз.

“Азаматтар” деген ат менен 2-класстын балдарын чакырып алабыз.

Ураанын айтышат.

1-класс Ак калпак кыргыз сыймыгы!

2-класс Азаматтар алга!

1-тапшырма боюнча окуган китебинен суроолор.

1) Үкунүн табышмагы китебинен суроо.

Мына сага! Сен селкинчекте уктачу белен? –деп ким тан калды?

Жообу: Хоп.

2) Көкөлөтүп көңүлдү,

Анан старт берилди.

Баардыгы тең биринчи,

Келүүчүдөй көрүндү.

Бул ыр силер окуган кайсы китепте жазылган?

Жообу: Айткылачы ким кулук . Автору: Жакыпбек Абдылдаев.

3) Таттуу алма жомогунан суроо:

Качтык “Ал бизди коруп калды”- деп коркконунан жазылдап чуркап жөнөгөн кимдер?

Жообу: Самат менен Асат. Автор: Каримова Жылдыз.

4) Айбанаттар дүкөнү китебинен суроо:

Эшекти кор ээрчишкен,

Кулактарын шалпайтып.

“Куйругумду сатам” деп, кайсы жаныбар айтып жүрөт?

Жообу: Түлкү жүрөт калп айтып.Автор: Токтосун Самудинов.

5) Эч кимге айтпа китебинен суроо.

Көлгө барар замат сууга түшкөн Жолдошбек досуна эмнени акырын басып келип шыбырады?

Кайдагы кыйын сүзгөн? Эч кимге айтпа! Мен суунун ичинде жон эле барып кулач урумуш этип журом деди.

Автор: Жумабек Алыкулов.

6) “Айбанаттар дүйносү” китебинин автору жана сүрөтчүсү ким?

Жообу: Автор Самудин Токтосунов.

Сүрөтчүсү: Д Чокотаева.

7) Тиштери шакылдап үшүп келе жаткан Жолдошбекке досу эмне деди?

Жообу: Досу Кенешбек болчу. –Ой-оо-ой, сен сууда кыйын сүзөт турбайсынбы!-деген Кеңешбек досунун тааныш үнүн укту.

8) Айткылачы ким күлүк китебинен суроо.

Марага ким биринчи келет?

Жообу: Арстан марага биринчи келет.

2-тапшырма

Энелер менен иштөө.

Кыркылган макалдарды куроо.

Окуган жомокторунан ролдоштуруу.

Тест иштоо.

3-тапшырма

Шамдагай бол оюну

Энелер тизилген мунараны топ менен бузат.

Балдар топ менен калыстардын алдына чуркап барып келет. Алдыда келген команда кутудагы суроого жооп берет.

Суроо: Үкүнүн табышмагы китебиндеги каармандарды атагыла?

Жообу: Ульт, Ррон, Ранни,Хип,Хоп,Токи,Руся,Үкү.

Жыйынтыктоо: Упайларын эсептеп, жеңген командага кубок тапшырылат.

Энелерге соз берилет.

Үй тапшырма: Кийинки конкурска кол өнөрчүлүк боюнча көргөзмө курал жасап келүү.