Բաղրամյանի միջնակարգ դպրոց ՊՈԱԿ
Միջոցառում նվիրված գրաճանաչությանը
Օրվա իրադարձությունը – Միջոցառում
Անվանումը-
Կահավորումը-
Մաշտոցի մեծադիր նկարը
Մեսրոպատառ հայերենով գրված առաջին նախադասությունը`
Այբբենարանի կազմի վրայի աստղանավի նկարը
Հայոց այբուբենի թռչնատառերը
Պաստառներ
Գրաճանաչության անկյուն
Կերպարվեստային աշխատանքներ
Փուչիկներ, տնակ, ծառ, հրաշքարկղ, գյուղական տեսարան
Միջոցառման բնույթը
Ուսուցողական
Ճանաչողական
Ամփոփիչ
Միջոցառման նպատակները
Ամփոփել հայոց գրերի ստեղծման պատմությունը
Կրտսեր դպրոցականի մեջ սեր և հետաքրքրություն առաջացնել հայոց գրերի, ուսման նկատմամբ
Ձևավորել հայրենասիրություն
Ձևավորել արժեքային համակարգ
Ձևավորել վերաբերմունք
Լսել ընկերներին, արձագանքել, ստանալ տեղեկություններ
Ամրապնդել մայրենի լեզվի մասին ստացած գիտելիքները:
Միջոցառումը սկսվեց ուսուցչի խոսքով: Դասվար Լ. Մինասյանը խոսքում նշեց, որ երջանիկ է այն ազգը, որն ունի իր գիրն ու լեզուն, իսկ մեր ապագա սերունդը այդ արժեքների կրողն ու պահպանողն է:
Պարային կատարումով ներկաներին ողջունեցին առաջին դասարանի սաները, որից հետո քառատողերի միջոցով նկարագրեցին սուրբ Մ. Մաշտոցի ծնունդն ու գրերի ստեղծումը, գովերգեցին հայոց տառերը, հնչեցին երաժշտական կատարումներ նվիրված հայոց գրերին, այբբերանին և մեր հայրենիքին:
Չորրորդ դարի երկինքը սև
Հանկարծ մի պահ ծիածանվեց,
Հրաշափայլ հենց այդ պահին
Հայոց հողում Մեսրոպ ծնվեց:
Եվ Տարոնի հին գավառում`
Հացեկացում ցորենաբույր,
Շինականի պարզ սեղանին
Ցնծաց գինին անուշաբույր:
Հայրը ուսման ճամփեց նրան,
Ու Մաշտոցը գնաց, շրջեց,
Մուշից անցավ Վան ու Սասուն,
Զգաց` լեզուն ազգապահպան
Կամա~ց – կամա~ց հեռանում է:
Տեսավ` թխաչ մանուկն ահա
Ազգանունը մոռանում է,
Եվ ազգն այսպես անօգնական
Կրակի մեջ աղանձվում է:
Հնչում է միջնադարյան երաժշտություն:
Ո~վ, երանելի վարժապետ,
Սուրբ Մեսրոպ Մաշտոց:
Հրեշտակ երկնային,
Որ մեզ աստվածափայլ երկինք նվիրեցիր,
Տուր, որ այն օգտագործենք
Կյանքի ճանապարհին
Գիտության մեջ խորանալու և դրանով պայքարելու չարի դեմ:
ԱՄԵՆ:
Ներս է մտնում Մաշտոցը:
-Միայն գի~րը, գի~րը,-
Միայն գիրը պիտի հաղթի
Այս խավարին ազգահալած:
1612 տարի է անցել
Հայոց տառերի ստեղծման օրից:
Ո'չ ծերացել է, ո'չ էլ հնացել,
Ճշմարիտն ասած, շատ է նորացել:
Հիմա լսեք` ինչքա~ն դյուրին,
Ինչքա~ն սահուն կարտասանեն
Հնչյուններն այս անուն-անուն:
Միջնադարյան երաժշտության ներքո արտասանում են այբուբենը:
Գրերը մեր երկաթագիր,
Մեծ Մաշտոցի ձեռքով գրված,
Դարեր շարունակ եղան լույսի, հույսի սյուներ,
Ազգը պահող, լուսավորող անմար ջահեր:
Դպրոցը հայոց` Մաշտոցն է բացել
Ու դարձել առաջին ուսուցիչը մեր:
Այդ օրվանից եկել-անցել են դարեր,
Ջնջվել են գրեր, կորել ողջ ազգեր,
Բայց հայն է հավերժել ումիշտ արարել:
Ճամփաներով այս -ի, -ի
Որքան մարդիկ են քայլել ու անցել
Այսօր էլ մենք ենք մի քայլ կատարել`
Այբբենարանին հրաժեշտ տվել:
Հնչում է Մ. Յորգանցի երգը:
Ներս է մտնում ժովորդական բանահյուսությունը:
Ժող. Բան.— Բարև Ձեզ, ինչքա~ն գեղեցիկ և խելոք մանուկներ են հավաքվել այստեղ:
Ինչ տոնակատարություն է ձեզ մոտ:
Աշակերտ-- Այսօր մենք տոնում ենք գրերի տոնը: Արդեն ավարտել ենք և կարող ենք գրագետ խոսե լմայրենի լեզվով:
Ժող. Բան.— Ա~, շնորհավորում եմ Ձեզ: Իսկ դուք գիտեք, թե ես ով եմ:
Ժող. Բան—Հեքիաթասաց տատիկը:
Աշակերտ—Կախարդ փերին:
Աշակերտ—Դուք հեքիաթ եք:
Աշակերտ—Դուք առակ եք:
Աշակերտ—Առած-ասացվածք եք,առասպել և էպոս եք:
Ժող. Բան.—Այո, սիրելի մանուկներ:Այդ բոլորը ես եմ:Դուք ասացիք, որ ավարտել եք :Այնտեղ զետեղված են ժողովրդական բանահյուսության նմուշներ:
Աշակերտ—Մենք անցել ենք հեքիաթ, շուտասելուկ, հանելուկ, էպոս, առասպել:Մենք սովորել ենք բազում հեքիաթներ, որոնց շնորհիվ մենք գիտելիքներ ենք ստանում բնության, մեզ շրջապատող աշխարհի,իրերի և երևույթների մասին: Ժող. Բան.—Ապրե ' ք, աապրե ' ք : Հիմա եկե ' ք մի երգ երգենք, իսկ հետո մի քանի հանելուկ գուշակե ' նք:
Հնչում է երգը:
Մ.Մաշտոց---Ես էլ հանելուկներ շատ եմ սիրում: Ապա գուշակեք իմ առաջադրած մի քանի հանելուկ (առաջադրում է հանելուկներ ):
Աշակերտ - կան նաև շատ առած- ասացվածքներ, կատակներ, սուտասելուկներ , որոնք մեզ սովորեցնում են լինել ազնիվ, բարի , սիրել գեղեցիկը:
Ժողովրդական բանահյուսության միջոցով ներկայացվում են շուտ ասելուկներ , առած- ասացվածքներ, հանելուկներ ,որից հետո բեմականացվում է հեքիաթը` յուրովի մեկնաբանությամբ ,որն էլ նպատակ ուներ ցույց տալ տառաճանաչության նշանակությունն ու կարևորությունը մարդու կյանքում :
Ժող. Բան. – Սիրելի մանուկներ , դարեր են անցել հայ ժողովրդի կազմավորման շրջանից : Հայ ժողովուրդը ապրել և ստեղծագործել է բազում գանձեր, որոնցից շատերը , ցավոք, գրի չեն առնվել, որովհետև այդ ժամանակ մենք չենք ունեցել մեր գիրը:Ժողովուրդը կանգնած է եղել կործանման եզրին :Ի վերջո, Մ.Մաշտոցը ստեղծեց հայոց գրերը , և մենք այդ գյուտի շնորհիվ գոյատևեցինք մինչև այսօր:
Մ.Մաշտոց- Ո~վ մեծ Արարիչ , աղոթքս լսի ' ր,
Փրկի ' ր հայ ազգին կործանման ահից ,
Սուրբ հոգով օծիր միտքս տանջահար,
Գրեր պարգևիր ազգիս ստեղծարար:
Ուզում եմ կերտել տառերը հայոց ,
Որ ընդմիշտ ապրի սերունդը հայոց:
Սուրբ հոգի , իջի ' ր գրչիս ու մտքիս `
Թև առնեն փրկիչ տառերը ազգիս:
Աշակերտները արտասանեցին քառատողեր `նվիրված հայոց տառերին ,այբբենարնին և մայր հայրենիքին : Հնչեցին երաժշտական կատարումներ:Միջոցառումը ավարտվեց պարային կատարումով :Աշակերտներին շնորհավորեցին դպրոցի տնօրեն` Ք․ Գալստյանը
ծնողները, որից հետո տրվեցին գրաճանաչության վկայագրեր: