Я загадку загадаю

Я загадку загадаю

Мэта: развіццё мыслення, памяці, фантазіі, увагі да слова, вымаўлення, назапашванню і актывізацыі лексікі

Абсталяванне: муляжы або малюнкі гародніны або садавіны, чароўны куфэрак

Адгадаць загадкі, знайсці адгадкі ў чароўным куфэрку

Закаціўся пад плот,

лёг у баразёнцы, -

лаласаты жывот

грэецца на сонцы. /Гарбуз/

Я зярнятка пасадзіла,

паліваць яго хадзіла,

а цяпер гляджу ў аконца –

вырасла ў гародзе сонца. /Сланечнік/

Кропкамі вочкі,

ружовыя шчочкі,

тонкія сарочкі –

лёгкае адзенне.

З маладзенькім агурочкам

проста аб’ядзенне. /Бульба/

На градцы зялёны,

а ў бочцы жоўты і салёны. /Агурок/

Хоць бабуля злая –

нікога не чапае.

Але кожнаму дасць здачы:

хто пакрыўдзіць –

сам заплача. /Цыбуля/

Царэўна ў няволі,

у цеснай каморы,

а косы на сонцы,

на вольным прасторы. /Морква/

Круглая, ды не мячык,

чырвоная, ды не ягадка,

з хвосцікам, ды не мышка./Радыска/

Лата на лаце,

а шва не відаці./Капуста/

У зямлі сядзіць,

хвост уверх глядзіць,

цукар з яго можна зрабіць

і смачны боршч зварыць./Бурак/

У гародзе на кусце

вісне мячык на хвасце,

чырвоней чырвоных зор –

сакавіты ... /памідор/.

Круглы, з ружовым бокам,

сонцам наліты, сокам –

на галінцы вісіць,

ад ветру калыхаецца.

Як ён называецца? /Яблык/

Чырвонае цельца,

каменнае сэрца,

салодкая на смак.

А завецца як? /Вішня/

2