Прадмет: беларуская літаратура
Клас: 9
Тэма: Янка Купала. Жыццёвы і творчы шлях. Лірыка
Мэта і задачы: азнаямленне вучняў з жыццём і творчасцю Янкі Купалы;
- пазнаёміць з асноўнымі фактамі жыцця і творчасці Янкі Купалы., паказаць адметнасць постаці пісьменніка ў беларускай літаратуры пачатку ХХ ст.; прааналізаваць вершы “Мая малітва”, “Роднае слова”, “У вырай!” , “На сход”, “Паязджане”;
развіваць навыкі аналізу эпічных твораў малой формы, уменне вызначаць прыметы стылю;
садзейнічаць выхаванню цікавасці да творчай індывідуальнасці пісьменніка; выхаванне любові да літаратуры.
Абсталяванне: партрэт Янкі Купалы, выстава кніг пра Янку Купалу, падручнікі па беларускай літаратуры для 9 класа, запісы на дошцы, тэставыя заданні, мультымедыйная прэзентацыя.
Эпіграф:
…У народ і край свой толькі веру
І веру ў самаго сябе.
Я. Купала
Ход урока
І. Рэлаксацыя.
Гучыць песня “Спадчына” у выкананні ансамбля “Песняры”
ІІ. Паведамленне тэмы, мэты і задач урока. Матывацыя.
Вы, несумненна, пазналі гэты твор і ўспомнілі яго аўтара. У сваім вершы Янка Купала расказвае нам, якая спадчына засталася нам “ад прадзедаў спакон вякоў”. Сёння на ўроку мы з вамі ўспомнім, якая ж спадчына засталася нам з вамі ад народнага песняра Беларусі, класіка беларускай літаратуры.
ІV. Вывучэнне новай тэмы.
Паведамленне настаўніка
Янка Купала (Іван Дамінікавіч Луцэвіч) нарадзіўся ў сям’і малазямельнага арандатара ў ноч на 7 ліпеня 1882 г., недалёка ад Мінска, у фальварку Вязынка. Нараджэнне яго супадала са старажытным народным святам Купалле, назву якога паэт узяў у якасці псеўданіма. Дзіцячыя і юнацкія гады прайшлі ў вандроўках.
Пасля смерці бацькі (1902 г.) Янка Купала працаваў вандроўным настаўнікам, пісарам у судовага следчага, малодшым прыказчыкам на Сенненшчыне, практыкантам і памочнікам вінакура на броварах у маёнтку.
У 1908 г. паэт прыехаў у Вільню, дзе працаваў бібліятэкарам у прыватнай бібліятэцы “Веды” Б. Даніловіча і супрацоўнічаў у газеце “Наша ніва”.
З 1909 г. на працягу чатырох гадоў, вучыўся на агульнаадукацыйных курсах А. Чарняева ў Пецярбургу. Пасля заканчэння вучобы вярнуўся ў Вільню, дзе працаваў сакратаром у “Беларускім выдавецкім таварыстве”, а пазней – адказным рэдактарам “Нашай нівы”.
Літаратурная творчасць Я. Купалы пачалася ў пачатку ХХ ст. Першыя вершы напісаў на польскай мове. У 1905 г. у мінскай газеце “Северо-западный край” быў надрукаваны верш “Мужык”. Гэта маналог селяніна-працаўніка, яго слова, яго голас.
Вучаніца чытае верш “Мужык”.
Пытанне да класа. Чым адрозніваецца мужык з вершаў Ф. Багушэвіча ад мужыка Янкі Купалы?
Як бачыце, у гэтым вершы не толькі крык набалелай душы, боль і скарга на жыццё, але і пратэст супраць бяспраўнага становішча і вера ў свае сілы, свайго чалавечага “Я” (зачытаць апошнія дзве страфы)
Першы зборнік вершаў “Жалейка” выйшаў у 1908 г., а затым – кнігі “Гусляр” (1910) і “Шляхам жыцця” (1913).
Лета 1913 г. было надзвычай плённым для паэта: з’явіліся новыя вершы, паэмы, артыкулы. У Акопах ён напісаў паэмы “Бандароўна”, “Магіла льва”, “Яна і я”, п’есы “Паўлінка”, “Раскіданае гняздо”.
У студзені 1916 г. Янка Купала быў прызваны ў армію. Служыў у Мінску, Полацку, Смаленску. З гэтага часу і да 1918 г. паэт практычна не пісаў. Дзве рэвалюцыі, грамадзянская вайна. У той галодны і халодны час было не да вершаў.
Другое паэтычнае дыханне прыйшло толькі восенню 1918 г. Паэт, які звыш трох гадоў маўчаў, за нейкія два месяцы напісаў каля 30 вершаў. Тут і славутая “Спадчына” і санеты “Для Бацькаўшчыны”, і зварот “Свайму народу”, і вершы-заклікі “На сход!”, “Час!”
Вучаніца чытае верш “На сход!”
Пытанне класу:
- Які сход заклікае паэт беларускі народ і аб чым павінны яны там расказаць?
- Што дала беларускаму народу “апека” з боку царскага ўрада?
- Якім грамадска-палітычным сэнсам напоўнены вобразы курганоў, “раскопаных магіл”, груганоў?
Паведамленне настаўніка
У 1925 г. урачыста адзначалася 20-годдзе літаратурнай дзейнасці Янкі Купалы. Да юбілею яму першаму ў гісторыі беларускай літаратуры было прысвоена ганаровае званне Народнага паэта Беларусі.
1939г. Янка Купала ўзнагароджаны ордэнам Леніна.
З чэрвеня 1935 г. па чэрвень 1941г. паэт перыядычна адпачываў у Ляўках, дзе таксама было напісана шмат урачыстых, радасных, святочных вершаў,
так званы ляўкоўскі цыкл. Сярод іх “Хлопчык і лётчык”
У чэрвені 1941 г. паэт пакінуў родную краіну і больш сюды не вярнуўся.
У гады Вялікай Айчыннай вайны Янка Купала жыў і працаваў недалёка ад Казані. Паэзія таго часу вызначаецца моцным антыфашысцкім пафасам, заклікам да змагання. Асаблівай папулярнасцю ў народзе карыстаўся верш “Беларускім партызанам”
18 чэрвеня 1942 г. Янка Купала прыехаў у Маскву, а 28 чэрвеня ў гасцініцы “Масква” ён трагічна загінуў. Гэта была заўчасная і загадкавая смерць. Усяго 10 дзён заставалася да яго 60-годдзя. 1 ліпеня 1942 г. паэт быў пахаваны ў Маскве. У 1962 г. урна з прахам была перавезена ў Мінск і перазахавана на Вайсковых могілках.
ІІІ. Праверка дамашняга задання.
Паведамленне вучняў пра цікавыя факты з жыцця Янкі Купалы
V. Аналіз твораў.
1. Верш “Роднае слова”
- Што выражае гэты верш?
- З чым адчувае сваю еднасць паэт?
- Што паэт праслаўляе ў вершы?
- Чым з’яўляецца мова для беларускага народа?
- Прачытайце радкі з верша, у якіх заключаецца яго аноўная думка. Растлумачце іх сэнс.
Як жыло ты з намі – будзеш вечна жыці,
Грамадой мільённай з светам гаманіці.
- Хоць роднае слова гналі, яно непераможнае, свабоднае і бессмяротнае, бо яго нельга вырваць з сэрца народа.
2. Верш “Явар і каліна”
Многія вершы Янкі Купалы пакладзены на музыку і выконваюцца як песні. Прыкладам гэтага з’яўляецца верш “Явар і каліна”, музыку да якога напісаў Ю. Семяняка. У творы адлюстраваны ідэі вечнасці жыцця, кахання, гармоніі чалавека і прыроды.
VІ. Абагульненне і сістэматызацыя вывучанага.
Літаратурны дыктант
1. Янка Купала нарадзіўся …
2. Сапраўднае прзвішча…
3. Калі і дзе працаваш паэт пасля смерці бацькі…
4. Паэтычны дэбют паэта – гэта верш …., надрукаваны …
5. Назавіце зборнікі Янкі Купалы.
VІ. Падвядзенне вынікаў урока.
Што новага вы адкрылі для сябе на гэтым уроку?
Працыгніце выраз: “Сёння я ўпэўніўся ў тым, што....”
Ацаніце ваш асабісты ўдзел у рабоце на ўроку?
Ці задаволены вы сваёй працай?
VІІ. Дамашняе заданне.
VІІІ. Рэфлексія.
Ты вечна будзеш сярод нас,
І непаўторнае тваё імя
Легендай стане ў вяках
Паходняй, што сваім праменнем
Паможа ў будучыню шлях
Прабіць наступным пакаленням.
М.Танк
Вязынка
Акопы
Ляўкі
Казань
Масква
Вільня
Мінск
Пецярбург
Смаленск
Зборнікі: “Жалейка”, “Гусляр”, “Шляхам жыцця”, “Спадчына”, “Ад сэрца”
…У народ і край свой толькі веру,
І веру ў самаго сябе.
Янка Купала