"Имя существительное"

Муниципальное казенное общеобразовательное учреждение

«Средняя общеобразовательная школа № 12»

Дарган мезла

дарс 10 класслизиб

« Существительное»

Дарс х1ядурбариб:

дарган мезла ва литературала

муг1яллим Г1ялибекова Э.М.

МКОУ «СОШ №12» г. Избербаш

Избербаш 2019 г.

Дарган мезла дарс (10 класслизиб)

Дарсла тема: "Существительное"

Дарсла мурадуни:

а) багьудилашалси: существительноеличила гьаб-уб касибси багьуди тикрарбарни, чеимц1абарни, кагахъни;

б) бяркълашалси: дурх1назир дарган мезличи ва литератураличи диги адикьни;

в) гьалабях1 арбукнилашал: мурхьли пикрибик1ахъес, существительноеби пайдаладирахъес дурх1ни бурсибарни. Чула пикри бурахъес бажардибикахъни.

Пайдаладирути ваях1: жуз, суратуни, презентация, компьютер, проектор.

Дарсла жура: белч1унси материал тикрарбарни.

Дарсла башри:

1. Дурх1ни дарсличи х1ядурбарни ( класс 2 кьукьяличи бут1ни, группабазиб х1янчи дураберк1ни):

Муг1яллим: - Салам, дурх1ни.

Дурх1ни: - Салам.

Муг1яллим: - Ишбарх1и, иш г1ях1си атх1ебла барх1и, цаличи ца х1ердилзех1е, цаличи ца пишдирхъех1е. Дурабурк1ех1е нушани г1ядатлаах1енси дарс. Даширая, дурх1ни, Дагъиста Даргала районтазирад дарх къунзкадулхъех1е

2. Сагаси темаличи дурх1ни кабукни:

Муг1яллим: - Х1ушани сегъунти даргала шими даладая?

Дурх1ни: - Ахъуша, Лаваша, Мух1и, Бурдеки, К1иша, Г1ярбук1 ва ц.

Муг1яллим: - Илди шимала вакилтас чи бик1ара?

Дурх1ни: - Ахъушан, лавашакан, мик1х1ен, бурдекан, к1ишан, г1ярбук1ан.

Муг1яллим: - Илди шимазибадти машгьурти чиди поэтуни, писательти баладая х1ушани?

Дурх1ни: - С.Н.Г1ябдуллаев, Г1.Абу-Бакар, М.-Р. Расулов ва ц.

Муг1яллим: - Чи саю С. Н.Г1ябдуллаев?

Дурх1ни: - С. Г1ябдуллаевличила къант1ли буру.

Муг1яллим: -Мух1и, мух1ен, С.Н.Г1ябдулаев ибти дугьби чиди гъайла бут1ни сари?

Дурх1ни: - Существительноеби.

Муг1яллим: - Х1ебиалли, селичила гъайдик1ех1е ишбарх1и? Дарсла тема сегъуна саби?

Дурх1ни: - Существительное.

3.Сагаси тема бурни:

Муг1яллим: - Белк1еная дарсла тема. (Доскаличиб лук1а)

Существительное

Муг1яллим: - Дурх1ни, гьари бирц1ахъех1е ишгъуна таблица (метод ЗУХ). Цаибси кьанилаб лук1адая х1ушани существительноеличила балуси , к1иибиллизиб – багьес дигуси сек1ал, х1ябъибил кьани – бирц1ахъидая дарсла ахирличиб.

Дурх1нани лук1а, бирц1ахъу таблица.

Муг1яллим: - Даргая существительноеби:

а) жагаси, духуси, ахъси

б) х1ябал, к1ик1ел, даршал

в) жуз, тукенчи, авлахъ, юрт

г) вак1иб, асес, дуриб.

Дурх1ни: - .....

Муг1яллим:-Цакамси х1ялумц1лашал х1янчи дурабурк1ех1е гьари. Схема ва вывод бирех1е.

Муг1яллим: - Селис бик1ара существительное? Х1еръая доскаличи, белк1и правило леб, сунезирра чумал дев урдатурли сари. Х1ушани х1яжатти дугьби кадатирая ва белч1еная правило:

Существительное - гъайла бут1а саби, ..... иргъахъуси ва ...... ибти суалтала цалис жаваб лугуси.

Дурх1ни: - Существительное гъайла бут1а саби, сек1ал иргъахъуси, чи? се? ибти суалтала цалис жаваб лугуси.

4. Тема кагахъни:

Муг1яллим: (Технология КЛАСТЕР)

- Существительное ибси дев аргъибх1ели, сегъунти пикруми алк1улив? - Сегъунти дугьби ук1ила ляркьулив? (дудеш арши Г1яли далай ши мукьара Пат1имат хала неш)

- Лерилра ишди дугьби сен-сен дут1ес вирара? ( м.ж., хь.ж,у.ж.)

- Лерилра дугьбала хасдеш селизиба? (сек1улти сари)

Слайд

Муг1яллим: - Х1яз дурабурк1ех1е ( пикридухъеная ва жавабти дурая): Арцанна дукала - адамла ... (някъ)

жаниварла кач1а - адамла ... ( кьяш)

галгубала к1ари - адамла ... ( палтар)

бец1ла кьак - адамла ... (мух1ли)

машинала мотор - адамла ... ( урк1и)

жярла галгала шин - адамла ... ( х1и)

Муг1яллим: - Се сари х1ушани дурибти?

Дурх1ни: - Дугьби.

Муг1яллим: - Чиди гъайла бут1нив?

Дурх1ни: - Существительноеби.

Муг1яллим: - Илди существительноеби чиди жинслизир дак1илив?

Дурх1ни: - Урга жинслизир.

Муг1яллим: - Адам ибси дев чиди жинслизиба?

Дурх1ни: - Мурул жинслизибра биэс бирар, хьунул жинслизибра биэс бирар.

Муг1яллим: - Сен-сен дарган мезлизиб кабизахъес вирара жинс?

Дурх1ни: правило буру.

Муг1яллим: - Дурабурк1ех1е х1яз "Духутала абз". Гьарил кьукьялис лугас карточкаби ( карточка № 1), чузирра лер дугьби (существительноеби). Цаибил кьукьялис цалихъ формализир сари существительноеби, к1иибиллис - дахълихълизир. Къалабали царх1ил форма барая, цаибил кьукьяли - дахълихъла форма, к1иибилли - цалихъла форма. Вывод барая.

Дурх1ни:

(1 кьукья) Вывод: аргъ, дях1и, гьанк1, яни, зак - мурталра дузахъу цалихъ формализир.

(2 кьукья) Вывод: къугъни, зубри, шутри, умцанти - мурталра дузахъу дахълихъла формализир.

Муг1яллим: - Гьайгьай, баянбирнила словарь (толковый) гIяхIси кумекчили бетарар нешла мез руркъухIели , илдала лексикалашалси мягIна умцIухIели (исследоватьдирухIели). ДурабуркIехIе словарьличил хIянчи. Касая словарьти, цаибил кьукьяли баргая гьими , к1иибилли - ахир ибси девла лексикалашалси мягIна, гьаргбарая.

Муг1яллим: - Х1ерая ишди предложениебачи:

Къянала ахир хайрила х1ебирар. (къяна пучкабируси саби)

Бурулра ибси девлизиб ахир баргая. (морфемала бут1а)

Хала бег1ти бик1ули бири: «Ахир замана лябкьян.» ( дунъяличир г1ямру кадерни)

Дурх1ни: - Вывод: ахир ибси дев ( существительное) чумал мяг1нализиб бузахъули саби.

Муг1яллим: - Цаибил предложение се саби?

Дурх1ни: - Бурала.

Муг1яллим: - Сегъуна къиликъ руркъулив нушазиб ил буралали?

Дурх1ни: - Бархьдеш бурни.

Муг1яллим: - Ил г1ях1си къиликъ саби. Къяна бурес асух1ебирар, гьачам пучкабиалли - игьдибарлизирад дулхъидая.

Муг1яллим: - Х1ушала гьалар лер карточкаби (карточка № 2).

Цаибил кьукьяли делк1еная хасти существительноеби, к1иибилли - т1инт1ти.

Дурх1ни: тетрадунази лук1а ва ахъли дуру.

Муг1яллим: - Падежунардарая дугьби цаибил кьукьяли - Х1ясан, к1иибилли -рузи.

Дурх1ни: - Гьарил кьукьяла цаца дурх1я доскаличи дурабулхъан, лук1а, г1урилтани тетрадуназир дугьби падежунардиру.

Муг1яллим: - Ишди дугьби чиди склонениела сари?

Дурх1ни: - Х1ясан - 2 скл., рузи - 1 скл.

Муг1яллим: - Сен-сен багьес вирара дарган мезлизиб существительноела склонение?

Дурх1ни: - Актив падежла ахир х1ясибли багьес вирар существительноела склонение.

Муг1яллим: - Бархьси саби.

Муг1яллим: - Абхьая жузи, бях1 47, бирех1е х1янчи 60. Белч1еная хъарбаркь, се барес г1яг1нисил.( Жузличил х1янчи)

Дурх1ни: ахъли буч1а.

Муг1яллим: - (Иргъахъу хъарбаркь). Х1ушала-х1ушани тетрадуназиб барая, ахтардибирисра.

Дурх1ни: х1янчи тетрадунази лук1а.

Муг1яллим: чумал дурх1яла тетрадуни ахтардидиру

5. Рефлексия…

Муг1яллим: - Гьари, дурх1ни гьанна чардулхъех1е таблицаличи. Биц1ахъая х1ябъэсил кьани, белк1еная х1ушани ишбарх1и дарсличиб се багьадал.

6. Хъули х1янчи:

Муг1яллим: - Существительноебачил шел предложение пикридарая ва делк1еная.

7. Дарсла ахир каъни:

Муг1яллим: - Ишбарх1и … дурх1ни г1ях1ил бузиб. Илдас кадалтех1е г1ях1ти кьиматуни. Баркалла дурх1ни.

Дарс дураберк1ес х1яжатси материал

Бузерила к1ап1ри.

ФИО____________________________________

класс_______

• Дурх1ни, биц1ахъая иш таблица. Цаибси кьанилаб белк1еная х1ушани балуси баян существительноеличила, к1иибиллизиб – багьес дигуси, х1ябъибил кьани – бирц1ахъидая дарсла ахирличиб.

Карточка № 1

1. Набадари, хъали, аргъ, дях1и, х1яйван, гьанк1, х1ева,бек1, яни, кьял, зак .

2. Къадурби, абзани, къугъни, далуйти, зубри, шутри, кьяшми, къянкъуби, умцанти, бурги, далуйти.

Карточка № 2

Жумяг1, варачан, Г1ярбук1, "Лачин", шагьар, авлахъ, адавзи, Сулахъ, Х1ямри, т1ент1,Бях1ц1а, "Замана", кьакьа.