Инсандын субъективдүүлүгү

ИНСАНДЫН СУБЪЕКТИВДҮҮЛҮГҮ

Субъект – таанып-билген адам.

Объект – ошол адам таанып-билип жаткан нерсе.

Мисалы:

• Окуучу китеп окуп жатса → окуучу – субъект, китеп – объект.
• Илимпоз табиятты изилдесе → илимпоз – субъект, табият – объект.

Инсандын субъективдүүлүк – бул инсандын дүйнөнү өзүнүн ички тажрыйбасына, ойлоруна жана сезимдерине таянып кабыл алуусу..

• Мугалимдин сын-пикирин бир студент “мотивация” деп кабыл алса, башкасы “кемсинтүү” деп сезиши мүмкүн.

• Бир адам жалгыздыкты “эс алуу” деп эсептесе, экинчиси “кайгы” катары түшүнөт.

Негизги өзгөчөлүктөрү:

• Жеке тажрыйба – бала чагынан баштап алган тарбия, билим, жашоо окуялары.
• Маданий таасирлер – тил, салт-санаа, коомдун баалуулуктары.
• Эмоциялар жана психологиялык абал – кубаныч, кайгы, коркунуч дүйнөнү кабылдоого түздөн-түз таасир этет.
• Жеке мүнөз – оптимист, пессимист, интроверт же экстраверт болушу.
• Баалуулуктар жана ишенимдер – дин, философиялык көз караш, дүйнө тааным. .