Иш кагаздары. Токтом

Сабактын максаты:

Күтүлүүчү натыйжалар

Когнитивдик: иш кагаздары анын ичинде токтом менен жарыянын жазылуу тартиби жөнүндөгү билимдерди алышат.

-токтом жана жарыя жаза алышса;

Социо-маданий: чогулуштун токтомун кабыл алууда эмнелерди эске алаары жөнүндө тереңирээк ойлонушат.

-токтом кабыл алууда, жарыя жазууда эмнелерге көңүл бурарарын түшүнүшсө;

Кептик: окуучулардын ар бири жарыя жана токтом жазышат.

-ар бир окуучу максаттуу пайдалана алышса.

Сабактын баскычтары

Мугалимдин ишмердиги

Окуучунун ишмердиги

1)Уюштуруу

(5 мүнөт)

Бар болуңуздар!

Стилистика боюнча кайталоо.

Арыбаңыз!

2)Үй тапшырмасын суроо(5-мүнөт)

Эрежелерди мисалдары менен кошо суроо

3)Жаңы тема. (10 мүнөт)

Токтом мамлекеттик маанидеги буйрук, көрсөтмөнү аткаруу боюнча кабыл алынган нормативдик документ. Ал республиканын Өкмөтү, министрликтер жана ведомстволор, жергиликтүү өзүн-өзү башкаруу бийликтери жана башка аткаруу түзүмдөрүнүн башкаруу органдары тарабынан пландык иш-чараларды, көрсөтмөлөрдү ишке ашыруу үчүн чыгарылат. Токтом жазуу формасына, түзүмүнө жана аткаруу мөөнөтүнө карай 2 түргө бөлүнөт:

1. Кыска мөөнөттүү токтом (маданий иш-чара, белгилүү күнгө, кампанияларга арналган тапшырмаларды аткарууга багытталат);

2. Узак мөөнөттө аткарылуучу токтом (узак мөөнөттө аткарылуучу, мамлекеттик маанидеги чоң көлөмдөгү иш-чараны аткарууга багытталат).

ҮЛГҮ:

Кыргыз Республикасы Бишкек шаары

Октябрь райондук мамлекеттик администрациясы

№ 43 ТОКТОМ

10.04.2010 Бишкек ш.

Кыргыз Эл акыны Алыкул Осмоновдун 90 жылдыгын өткөрүү жөнүндө Өлкөбүздүн маданиятына жана адабиятына баа жеткис салым кошкон Кыргыз Эл акыны Алыкул Осмоновдун 95 жылдыгын өткөрүү үчүн Октябрь райондук мамлекеттик администрациясы токтом кылат:

1. Республиканын Эл акыны Алыкул Осмоновдун 95 жылдыгын даярдоо жана өткөрүү боюнча иш-чаранын планы иштелип чыгып, бекитилсин.

2. Райондо акындын китеп көргөзмөсү уюштурулсун, мектептерде А. Осмоновдун чыгармачылыгына арналган ачык сабактар өткөрүлсүн. Бул иш-чараларды аткаруу райондук билим берүү бөлүмүнө жүктөлсүн.

3. Мааракеге байланыштуу салтанат, кече, диспуттар өткөрүлсүн;

4. Бул токтомдун аткарылышына көзөмөлдүк райондук мамлекеттик администрациянын башчысынын орун басары С. Салиевге жүктөлсүн.

1)Окуучулар менен иштөө (12 мүнөт)

Ата-энелер чогулушунун токтомун жазышат.

ТОКТОМ

Курманжан Датка атындагы Ош лицейинин 9-классынын жалпы чогулушунун токтому

Ош шаары 4.11.2019

Чогулушка 30 окуучу, класс жетекечиси Тайыр кызы Нургүл жана директордун тарбия иштер боюнча жардамчысы Росита Ормотоева катышты.

Күн тартибинде:

1. Экинчи чейрек жана аны ийгиликтүү аяктоо тууралуу.

2. Жаңы жылга даярдык

Угулду: Биринчи маселе боюнча билим министи Абдуллаева Айназик баяндама жасады. Ал чейректин аягына аз калганын, айрым окуучулар кээ бир сабактардан жакшы баалары аз экенин айтты. Классташтарын: кыздарды чейректи ийгиликтүү аяктоого чакырды.

Тайыр кызы Нургүл, Росита Ормотаевалар сөзгө чыгып сүйлөшүп бардык окуучуларды

чымырканып окууга чакырды. 1-чейрек менен 2-черектин баалары биригип чыгаарын аытып өттү.

Чечим:

1.Чейректи жалаң «4», «5» менен аяктоо үчун бардык мүмкүнчүлүктөр жумшалсын, мугалимдер

тарабынан кошумча тапшырмалар берилсин!

Экинчи маселе боюнча маданият сектору Эркулова арууке соз сүйлөп, Жаңы жылды бал-маскарад

менен тосуп алуу керектигин айтты. Бал-маскраддын болжолдуу планын сунуштады.

Тайыр кызы Нургул, Росита Ормотаевалар сөз сүйлөп Эркулова Аруукенин планын

жактырышты жана өздөрү да жекече ойлорун айтып кошумчалады.

Чечим:

1. Жаңы жылды тосуп алуу боюнча сунуш кылынган план толуктоолору менен бекитилсин.

2. Жаңы жылды тосуп алууну уюштуруу Эркулова Аруукеге тапшырылсын.

Чогулуштун төрайымы: Абдуллаева Айназик

Чогулуштун катчысы: Эркулова Арууке

Жарыя кантип жазылат. (Обнародование)

Жакынкы убакта өтүүчү түрдүү иш-чараларды - бошогон вакансиялар, көркөмфильм, концерт берүү, жарманкелер, мекеме, ишканалардын ачылуу аземи тууралуу ошондой эле социалдык иштерди калкка кабарлап айтууда колдонулуучу иш кагаз - жарыя деп аталат.

Оозеки түрдөгү жарыя сыналгы, үналгылардан айтылат. Ал эми "жарыя кантип жазылат", аны жарыя бөлүмдөрүнүн (реквизиттеринин) төмөнкү сүрөттөгү схемасынан таанышып алсаңыз болот:

Жарыя кантип жазылат. (Обнародование)

1. бөлүм иш кагаздын аталышы жазылат (Жарыя);

2. бөлүм - жарыя тексти. Текст нуска, түшүнүктүү жазылып, сүйлөм мааниси логика иретинде жазылат;

3. бөлүм - иш-чара болуучу күнү, жылы, сааты;

4. бөлүм - иш-чара боло турган жер;

5. бөлүм - иш-чара өтүшүнө тиешелүү кошумча маалымат.

6. бөлүм иш-чара же акция, флэшмоб болобу, аны уюштурган коомдук уюм, мекеме же жеке ишкер. Жарыя жана кулактандыруу бөлүмдөрү, бирдей эле

болот, бирок жарыяда аты жазылса, кээ бир учурда аталбай, өтө турган иш-чара түз жазылат.

4)Бышыктоо

(5 мүнөт)

1. Иш кагаздары кайсыл стилге мүнөздүү?

2. Токтом, жарыя кайсыл стилге мүнөздүү?

5) Рефлексия

(2 мүнөт)

Бүгүнкү сабактан кандай маалымат алдыңар?

Сабакта эмнеден кыйналдыңар?

Эртеңки сабакты эмнелерди күтөсүңөр?

6)Үйгө тапшырма

(3мүнөт)

Токтом менен жарыя жазып келүү

7)Бааолоо

(3мүнөт)

Окуучулардын аракетине жараша.

«5», «4», «3», «2»