Қазақ тілінен "Қөс сөздер" тақырыбына сабақ жоспары

Cабақтың тақырыбы:Қос сөздер

Сабақтың мақсаты:Қос сөздер туралы түсініктерін қалыптастыру; қос сөздер екі түрлі сөздердің өзара қосарлануы арқылы жасалып, жаңа ұғым тудыратынын ұғындыру, сөйлем ішіндегі қос сөздерді таба білуге, оның мағынасын ажырата алуға үйрету;

2. Оқушының ойлау қабілетін, ой белсенділігін, тіл байлығын дамыту, сөздік қорын молайту.

3. Жылдың әр мезгілінің өзінің әсемдігі, қажеттілігі бар екенін таныта оырып, пәнге қызығушылығын арттыру.

Сабақтың түрі: жаңа сабақ

Көрнекілігі:
1. Интерактивті тақта. 2. Электронды оқулық. 3. Жыл мезгілдері бейнеленген суреттер, анимациялар, музыка.

Сабақтың өтілу барысы: I.Ұйымдастыру кезеңі. Қызығушылықтарын ояту.
– Сәлеметсіңдер ме, балалар! Мен сендермен жүздескеніме қуаныштымын.
Бүгінгі көңіл- күйлерің қалай?

ІІ. Үй тапсырмасын сұрау.

22-жаттығу. Есенгелді, Нұрғиса, Досжан, Жанпейіс сөздерін қатыстырып сөйлем құрап жаз.

ІІІ Жаңа сабақтың тақырыбы мен мақсатын айту.

Мен бүгінгі сабағымды Абай Құнанбаевтың «Қыс» өлеңімен бастағым келіп тұр.

Тыңдаймыз.

IIІ. Жан-жақты тексеру

1. Қазір қай жыл мезгілі?

2. Қыс айларын атаңдар.

3.Қыста күндер қандай болады?

4.Қыста адамдар қалай киінеді?

5. Қыста қандай мереке болады?

Балалар бүгін біздің сабаққа Аяз ата мен Ақшақар келе жатыр екен.

Музыка.

ІҮ Олар келгенше біз шыршаны безендіріп қояйық. Әр ойыншықтың өз тапсырмасы бар. Біз ойланып, бірге орындайық.

1. Мәтінді тыңда. Қыс.

2. Мәтіннен күрделі сөздерді табыңдар.

3. 27-жаттығу.

• Өлеңді оқы.

• Күрделі сөздерді тап. Олардың қалай жасалып тұрғанын байқа. Мағынасын түсіндір.

• Күрделі сөздердің бір сыңарын алып тастап айтып көр. Сонда нені байқадың?

1. 28-жаттығу. Мақалды оқып, жатқа жаз. Қос сөздердің астын сыз.

2. 29-жаттығу. Қос сөздерді оқып шығып, көшіріп жаз. Өзің қалаған қос сөздерді қатыстырып бірнеше сөйлем құра.

3. 30-жаттығу. Қарамен жазылған сөздерді қос сөзге айналдырып, сөйлемдерді көшіріп жаз. Қос сөзді құрап тұрған сыңарларды салыстыр.

Балалар интерактивті тақтада шыршамызды безендірдік.

Қандай тамаша біздің шыршамыз!

Сергіту сәті.

Ү Қараңдаршы, балалар, бізге аққалалар да қонаққа келіп қалыпты.

Олар шыршаны айналып, бізбен бірге Жаңа жылды қарсы алғысы келеді екен.

Олар да сендерге өз тапсырмаларын алып келіпті.

Тақтада тапсырмалар.31-жаттығу.

Кестеге қара және түсіндір.

1. Бір сөздің қайталануынан жасалған қос сөздер:мая-мая

2.Бірінші сыңарына қосымша жалғану арқылы жасалған қос сөздер:бетпе-бет

3. Екі сыңарына да қосымша жалғану арқылы жасалған қос сөздер: үйді-үйімізге

4. Бірінші сыңары күшейткіш буын арқылы жасалған қос сөздер: сап-сары

5.Екі сыңарының да мағынасы бар қос сөз: құрбы-құрдас

6. Бір сыңарының мағынасы жоқ: бала-шаға

7. Екі сыңарының да мағынасы жоқ: ығы-жығы

8. Қорытындылау.

ҚЫС МЕЗГІЛІ ҰНАЙДЫ МА? НЕЛІКТЕН?

Оқушылар тақтаға шығып немесе орындарынан сұрақтарға

жауап береді.

ҮІ Үй жұмысы: 32-жаттығу.

ҮІІ Бағалау.

Сабақ соңында Аяз ата мен Ақшақар келеді. Ән тыңдау