Карточки для индивидуальной работы по кабардинскому языку

Псалъэуха, псалъэ, макъ, хьэрф.

   1. Фыкъеджэ.

   Дэтхэнэ лъэпкъми езым и бзэ иӀэжщ. ЦӀыхухэр я бзэкӀэ мэпсалъэ. Адыгэхэми адыгэбзэ диӀэщ. А бзэмкӀи адыгэхэр дызэгуроӀуэ, зым адрейм жреӀэ зыхуейр, щӀоупщӀэ къищӀэну зыхуейм. Ди бзэмкӀэ допсалъэ, доджэ, дотхэ.

   КъыжыфӀэ, сыт хуэдэ мыхьэнэ иӀэ бзэм. Япэ псалъэухаитӀыр къифтхыкӀ.

   2. Фыкъеджэ.

   Нэху щащ. Дыгъэр къыщӀэкӀащ. ЦӀыхухэр губгъуэм лэжьакӀуэ докӀ. ЕджакӀуэхэр школым макӀуэ.

   Фызэджар псалъэуха дапщэу зэхэт? Сыт дыгъэм щхьэкӀэ жиӀэр? Сыт еджакӀуэхэм щхьэкӀэ жиӀэр?

   КъифтхыкӀ. Псалъэ къыхэгъэщахэр дэтхэнэри хьэрф дапщэ хъурэ?

    Ди бзэр сытурэ зэхэт?
     
   Ди бзэр псалъэухаурэ зэхэтщ. Псалъэухар псалъэурэ зэхэтыжщ. Псалъэухар щатхкӀэ хьэрфышхуэкӀэ кърагъажьэ, и кӀэми зэрызэхагъэкӀ нагъыщэ ягъэув.

   3. Фыкъеджэ.

   Сэ еджэкӀэ зэзгъэщӀащ. ПщыхьэщхьэкӀэ нанэ тхылъ сыкъыхуоджэ. Сэ сиӀэщ таурыхъхэр зэрыт тхылъ. Нанэ таурыхъхэм йодаӀуэ. Абы таурыхъхэр фӀыуэ елъагъу.

   Фызэджар псалъэуха дапщэ хъурэ? Псалъэуха къэс сыт хуэдэ хьэрфкӀэ къегъэжьа? Псалъэухам и кӀэм сыт хуэдэ нагъыщэ ягъэуврэ?

   4. Псалъэжьхэм фыкъеджэ.

1. Гъатхэ махуэм гъэр егъашхэ. 
2. ЩӀэныгъэрэ ӀэщӀагъэрэ зэкъуэшщ. 
3. Гупсыси псалъэ, зыплъыхьи тӀыс.

   Фызэджар псалъэуха дапщэ хъурэ? Псалъэуха къэс псалъэ дапщэ хъурэ? Псалъэжьхэр къифтхыкӀ. Фтхар къэфпщытэж.

   5. Фыкъеджэ псалъэухахэм.

   Мыр ди школщ. Школыр инщ. Нобэ сентябрым изщ. Школым еджакӀуэхэр декӀуэлӀэжащ. Уэзджынэ къеуащ. Япэ урокым щӀидзащ.
     
   Сыт фызэджар зытепсэлъыхьыр? Фызэджар псалъэуха дапщэ хъурэ?
Япэ псалъэухар псалъэ дапщэ хъурэ? ЕтӀуанэр-щэ? Сыт уэзджынэр зищӀысыр? 

   6. Фыкъеджэ. Зэвгъапщэ япэ сатырымрэ етӀуанэ сатырымрэ.

Гъэмахуэр псынщӀэу кӀуащ. 
Гъэмахуэр, псынщӀэ, кӀуэн.

    Фызэджахэм щыщу дэтхэнэра псалъэухар? КъифтхыкӀ псалъэухар.
Сыт псалъэухар зытепсэлъыхьыр? Сыт гъэмахуэм хужаӀэр?

   7. Фыкъеджэ сатырхэм. Къэвгъуэт, сыт хуэдэ сатырхэра мыхьэнэ пыухыкӀа къэзыгъэлъагъуэр - псалъэуха хъухэр?


КӀэпхъыр и гъуэм щопсэу 
ЩӀымахуэр кӀэпхъым дежкӀэ 
КӀэпхъым дэ, Ӏэгъэбэгу куэд бжьыхьэм зэхуехьэс
Ахэр кӀэпхъым щӀымахуэ псом

    КъыхэфтхыкӀ псалъэуха ирикъу сатырхэр. Зыщывмыгъэгъупщэ псалъэухахэр хьэрфышхуэкӀэ къызэрырагъажьэр, и кӀэми точкэ зэрагъэувыр.

    ЕтӀуанэ, еплӀанэ сатырхэм сыт хуэдэ псалъэхэр хэбгъэувэж хъуну, ахэр псалъэуха ирикъун щхьэкӀэ?

   8. Фыкъеджэ.

Бжьыхьэр къэсащ.

   КъыжыфӀэ, сыт фызэджа псалъэухар зытепсэлъыхьыр? Сыт бжьыхьэм хужаӀэр? Фигу ивубыдэ:

    Псалъэухар зытепсэлъыхьыр бжьыхьэрщ. Бжьыхьэм хужаӀэ: къэсащ. Аращи, бжьыхьэр къэсащ псалъитӀым гупсысэ пыухыкӀа къагъэлъагъуэ: Бжьыхьэр къэсащ. Ар псалъэухащ. КъифтхыкӀ псалъэухар.

   9.   Фыкъеджэ.

   ЩӀымахуэр къэсащ. Псыежэх цӀыкӀур щтащ.

   Псалъэуха дапщэ хъурэ фызэджар? Япэ псалъэухар псалъэ дапщэ хъурэ? ЕтӀуанэр-щэ? КъифтхыкӀ псалъэухахэр.

   10. Фыкъеджэ.

   Гъатхэщ. Удзхэр къокӀ. Жыгхэр уэсу къэгъэгъащ. Бзухэм бжьыхьэкӀапэм абгъуэ щащӀ.


    Псалъэуха дапщэ фыкъеджа? Псалъэуха къэс псалъэ дапщэ хъурэ?
Уэсу псалъэр сыт хуэдэ псалъэкӀэ зэпхъуэкӀ хъуну? КъифтхыкӀ псалъэухахэр. Псалъэ закъуэ фӀэкӀа мыхъу псалъэухар щӀэфтхъэ.

   11. Фыкъеджэ псалъэ сатырхэм.

трактор, губгъуэ, вэн.
машинэ, псынщӀэ, гъуэгу, ирижэн.
дадэ, дэ, таурыхъхэр, къыджиӀэн.

   Сатыр къэс хэт псалъэхэр зэфхъуэкӀ псалъэуха хъун хуэдэу. Псалъэухахэр фтхы.


    Псалъэухар сыт хуэдэ хьэрфкӀэ кърагъажьэрэ, и кӀэм сыт хуэдэ нагъыщэ ягъэуврэ?

   12. Псалъэхэм фыкъеджэ.

Мазэ - махуэ, Динэ - Данэ, фащэ - гуащэ.

    Сыт хуэдэ макъхэр зэщхьу хэт мазэ - махуэ псалъэхэм? Динэ - Данэ - цӀэхэм? Фащэ - гуащэ псалъэхэм? Сыт хуэдэ макъкӀэ зэщхьэщыкӀрэ псалъэ зэгъусэ къэс?

    КъифтхыкӀ. ПсалъитӀ къэс зэрызэщхьэщыкӀ хьэрфхэр щӀэфтхъэ.

   13. Псалъэухахэм фыкъеджэ. ПсалъэухаитӀ къэс къыхэгъэща псалъэхэр зэфлъыт.


Шыр мажэ. Кенгурур малъэ. 
Сабийр гуащэ мэджэгу. Тыкуэным гуахъуэ щащэ. Бгъэр лъагэу мэлъатэ. Бжьэр гъэгъам тетӀысхьащ.

   КъифтхыкӀ. ПсалъэухаитӀ къэс къыхэгъэща псалъэхэр зэрызэщхьэщыкӀ хьэрфхэр щӀэфтхъэ.

Сыт макъыр зищӀысыр? Сыт хьэрфыр зищӀысыр?
   
   Макъхэр дэ къыдопсэлъ икӀи зэхыдох. Хьэрфхэр дотх икӀи долъагъу.

    14. Фыкъеджэ. ПсалъитӀ къэс зэрызэщхьэщыкӀ макъхэр къыжыфӀэ:

Бжэ - блэ, мыл - пыл, гуэщ - шэщ, дзэл - мэл, псынэ - пшынэ, гуахъуэ - гуанэ.
   
    КъифтхыкӀ. ПсалъитӀ къэс зэрызэщхьэщыкӀ макъхэр къэзыгъэлъагъуэ хьэрфхэр щӀэфтхъэ.

    Сыт хуэдэ псалъэхэм къагъэлъагъуэрэ псэущхьэхэм я цӀэхэр?

   15. Фыкъеджэ, псалъэ къэс къыхэгъэща хьэрфым къигъэлъагъуэ макъым и пӀэкӀэ нэгъуэщӀ макъ хэвгъэувэурэ.


Банэ - …, Ӏэнэ - …, джанэ - …,    псынэ - …, Iэхъуэ - … .

    Псалъэхэр къифтхыкӀ, къэвгъуэта псалъэхэр точкэхэм я пӀэкӀэ щӀывгъужурэ. ПсалъитӀ къэс зэрызэтемыхуэ хьэрфхэр щӀэфтхъэ.

Щапхъэ: банэ - бажэ.
     
   Псалъэхэр макъыурэ зэхэтщ. ЩытхэкӀэ макъхэр хьэрфкӀэ къагъэлъагъуэ.

   16. ЦӀэхэм фыкъеджэ. Къэвгъуэт цӀитӀ къэс зэрызэщхьэщыкӀ макъхэр.

   Лусанэ - Лусенэ, Къамбот - Жамбот, Линэ - Ленэ, Мухьэмэд - Мухьэмэт, Хьэсен -Хьэсет, Сэлим - Сэлихь.

   КъифтхыкӀ, цӀитӀ къэс зэрызэщхьэщыкӀ хьэрфхэр щӀэфтхъэ.

   ЦӀэхэр сыт хуэдэ хьэрфкӀэ кърагъажьэу ятхрэ?

   17. Сурэтхэм феплъ, хьэкъущыкъухэм я цӀэхэр къыжыфӀэ.
    
    Хьэкъущыкъухэм я цӀэхэр къифтхыкӀ, сурэтхэр зэрызэкӀэлъыкӀуэм тету. Хьэрф дэхуахэр точкищым я пӀэкӀэ хэвгъэувэж.


   Тебэ, ло…кӀэ, гуахъуэ, теп…эч, фалъэ, б…эмышх, крушкӀэ, уб…лъэ.

    Псалъэ къыхэгъэщахэр дэтхэнэри макъ дапщэ хъурэ, хьэрфуи дапщэ хъурэ?

  Макъзешэхэмрэ макъ дэкӀуашэхэмрэ.

      Макъзешэхэр.
     
    Я къэпсэлъыкӀэкӀэ дауэ зэщхьэщыкӀрэ макъзешэхэмрэ макъ дэкӀуашэхэмрэ?

   18. Макъхэр тэмэму къэфпсэлъ.

   а, э, ы, и, о.
   б, д, I, п, къ.

    Сыт хуэдэ макъхэра къыщапсэлъкӀэ жьэм хуиту, пэрымыуэӀауэ къыжьэдэкӀыр?
     
   Макъхэр лӀэужьыгъуитӀ мэхъу: макъзешэхэмрэ макъ дэкӀуашэхэмрэ.

   Жьэм хуиту, пэрымыуэӀауэ къыжьэдэкӀым макъзешэкӀэ йоджэ.

   Макъзешэхэм пычыгъуэ къагъэхъу.

   Адыгэбзэм иӀэщ макъзешэу блырэ, а макъзешэхэр къызэрагъэлъагъуэ хьэрфу пщӀырэ.

Макъзешэхэр: а, э, ы, о, у, и, е. 

Макъзешэ къызэрагъэлъагъуэ хьэрфхэр: а, э, ы, о, у, и, е, ё, ю, я.

   19. Фыкъеджэ.

   Гъэмахуэ каникулым Мусэ, Мадинэ, Ӏэюб сымэ еджапӀэ лагерым зыщагъэпсэхуащ. Елдар, Ӏэсият, Назыч сымэ къалэм зыщагъэпсэхуащ.

    ЕджакӀуэ цӀыкӀухэм я цӀэхэр къыхэфтхыкӀ. Макъзешэ къэзыгъэлъагъуэ хьэрфхэр щӀэфтхъэ. ЕджакӀуэ цӀыкӀухэм я цӀэхэр сыт хуэдэ хьэрфкӀэ къегъэжьа?

   20. МазэцӀэхэм фыкъеджэ. Къэвгъуэт макъзешэ къэзыгъэлъагъуэ хьэрфхэр.

    Январь, февраль, март, апрель, май, июнь.

   КъифтхыкӀ. Макъзешэ къэзыгъэлъагъуэ хьэрфхэр щӀэфтхъэ.

    21. Сурэтым феплъ. Псалъэухахэр фи псалъэкӀэ нэвгъэсыж.

ЕджакӀуэ цӀыкӀухэр ухуакӀуэхэр зэрылажьэм … . 
УхуакӀуэхэм унэшхуэ … .
А унэшхуэм унагъуэ куэд … .

    Псалъэухахэр фтхы, фэ къэвгупсыса псалъэхэр хэвгъэувэжурэ.

    Япэ псалъэухам хэт макъзешэ къэзыгъэлъагъуэ хьэрфхэр екъуа цӀыкӀукӀэ щӀэфтхъэ.

   22. КъифтхыкӀ. Псалъэхэм дэхуа хьэрфхэр хэвгъэувэж.

   ЦӀыкӀухэр псори йоджэ. Ахэр пщэдджыжькӀэ пӀащӀэу школ…м макӀуэ. Абыхэм жыджэру …джэным щӀадзэж…щ.

    Сыт хуэдэ хьэрф псалъэхэм хэвгъэувэжахэр? Абыхэм макъзешэ къызэрагъэлъагъуэр сыткӀэ къафщӀэрэ?

   23. Псалъэухахэм фыкъеджэ.

   Псори щхъуэкӀэплъыкӀэщ. Псори щӀэращӀэщ. Сыту дахэ бжьыхьэм дунейр!
     
    Къэвгъуэт псалъэ къэс макъзешэ къэзыгъэлъагъуэ хьэрфу хэтхэр.

   24. ЦӀэхэр къифтхыкӀ. Зы цӀэр адрейм къыщхьэщызыгъэкӀ хьэрфхэр щӀэфтхъэ.

Мурад - Мурид, Динэ - Данэ, Хьэсит - Хьэсет, ХьэпӀотӀ - ХьэпӀатӀ, Зузэ - Зазэ. 
Щапхъэ: Мурад - Мурид.

    Макъзешэ къэзыгъэлъагъуэ хьэрфхэм щыщу сыт хуэдэхэра фтха цӀэхэм хэмытыр?

    25. Псалъэхэм фыкъеджэ. Макъзешэ къэзыгъэлъагъуэ хьэрфхэр къэвгъуэт.

   Яслъэ, аму, щыхь, бжэн, елэн, пкъо, щиху, шофёр.
     
    КъифтхыкӀ, макъзешэ къэзыгъэлъагъуэ хьэрфхэр щӀэфтхъэ.

    26. ЦӀэхэр къифтхыкӀ, точкэхэм я пӀэкӀэ макъзешэ къэзыгъэлъагъуэ хьэрф хэвгъэувэжурэ.

   Гу…щэ, Л…рэ, Л…нэ, Л…лэ, Мэр…н, Б…цэ, М…ржан, Н…ржан.
     
    Хэвгъэувэжа хьэрфхэм нэмыщӀ, сыт хуэдэ хьэрф щыӀэ макъзешэ къагъэлъагъуэу?

   27. Фыкъеджэ. Фызэджэр фигу ивубыдэ.

Макъзешэхэр: а, э, ы, о, у, и, е.
Макъзешэ къэзыгъэлъагъуэ хьэрфхэр: а, э, ы, о, у, и, е, ё, ю, я.
     
    Фи тхылъыр зэтефпӀи фызэджар фтхыж. КъэнаӀамэ, тхылъым феплъурэ пыфтхэж.


   Макъ дэкӀуашэхэр.

    Макъзешэхэр хуиту, пэрымыуэӀауэ жьэм къыжьэдокӀ. Макъ дэкӀуашэхэр-щэ?

    28. Фыкъеджэ хьэрфхэм. Сыт хуэдэ хьэрфхэм макъзешэ къагъэлъагъуэрэ? Адрей хьэрфхэм сыт хуэдэ макъ къагъэлъагъуэрэ? А макъхэр дауэ жьэм къыжьэдэкӀрэ?

а, п, д, е, ы, к, къу, ф, о, и, т, дж.

    КъифтхыкӀ япэ щӀыкӀэ макъзешэ къэзыгъэлъагъуэ хьэрфхэр, итӀанэ фтхыж макъ дэкӀуашэ къэзыгъэлъагъуэ хьэрфхэр.

     
   Макъхэр къыщапсэлъкӀэ жьэ кӀуэцӀым щыщ гуэрым ӀуищӀэмэ, къыпэрыуэмэ, апхуэдэхэм макъ дэкӀуашэкӀэ йоджэ.


   Макъ дэкӀуашэм пычыгъуэ къигъэхъуркъым. Ар макъзешэм щӀыгъуу пычыгъуэм хэт къудейуэ аращ. Пычыгъуэ къэзыгъэхъур макъзешэрщ.

   29. ЦӀэхэм фыкъеджэ.

   Къамбот - Жамбот, Къэрэбий - Сэрэбий, Мухьэмэт - Мухьэмэд, Лерэ - Ленэ, Мэрян -Мэрят.

    ЦӀэхэр зэрызэщхьэщыкӀ макъхэр къэвгъуэт. Сыт хуэдэ макъ ахэр: макъзешэ хьэмэ макъ дэкӀуашэ?

    КъифтхыкӀ. ЦӀэхэр зэрызэшхьэщыкӀ макъхэр къэзыгъэлъагъуэ хьэрфхэр щӀэфтхъэ.
Щапхъэ: Къамбот - Жамбот.

   30. УпщӀэ къэс зы псалъэкӀэ жэуап ефт. Жэуапхэр фтхы.

Сыт шей зэрагъавэ хьэкъущыкъум зэреджэр? 
Сыт махуэкӀэ дунейр зыгъэнэхур? 
Сыт щышэскӀэ шым тралъхьэр? 
Сыт илъэсыщӀэ махуэшхуэм школым щагъэщӀэращӀэр? 
Сыт къунтхкӀэ псым къыщаубыдыр? 
Сыт джэдкъуртым къришыр?

    Макъ дэкӀуашэ къэзыгъэлъагъуэ хьэрфу псалъэхэм хэтхэр щӀэфтхъэ.
Щапхъэ: шейнык.

   31. Хьэрфхэм фыкъеджэ.

н, э, гъу, а, жь, ы, б, гъ

    Мы хьэрфхэр къэвгъэсэбэпурэ псалъэу къыфхуэгупсысыр фтхы. Хьэрфхэм къытрагъэзэжми хъунущ.
Щапхъэ: нэ, анэ, бжьэ, … .
Макъ дэкӀуашэ къэзыгъэлъагъуэ хьэрфхэр щӀэфтхъэ.

   32. Усэм фыкъеджэ.

СиӀэщ сэ гуащэшхуэ, 
И цӀэр Дахэнагъуэщ.
И цӀэм хуэдэщ и щхьэр, 
Щхьэбаринэщ, нагъуэщ.
   ӀутӀыж Борис.

    Япэ сатыритӀым макъ дэкӀуашэ къэзыгъэлъагъуэ хьэрфу хэтым зэкӀэлъыкӀуэу фыкъеджэ.

    Дауэ макъ дэкӀуашэхэр жьэм къызэрыжьэдэкӀыр? Сыт пэрыуэр Ӏ-м, д-м, щ-м, гу-м?

   33. Псалъэхэр къифтхыкӀ.

   Гуэщ - гуэдз, нанэ - напэ, жэп - жып, бжэн - бжын, чей - шей, хасэ - хэсэ, йоджэ - йолъэ, кӀий - кӀей.
   

   Псалъэ зэгъусэхэр зэрызэщхьэщыкӀэ хьэрфхэр щӀэфтхъэ: макъзешэ къэзыгъэлъагъуэхэр зы екъуакӀэ, макъ дэкӀуашэ къэзыгъэлъагъуэхэр екъуаитӀкӀэ.

   34. КъифтхыкӀ псалъэхэр, хьэрф дэхуахэр хэвгъэувэжурэ.

   Ку..бжэ, уэзд..гъэ, шы..сыранэ, ш..рыкъу, кӀэлы..дор, сыхь.т, пцӀа..хъуэ, бжэ..дэхъу, пш..гъуэ.

    Макъ дэкӀуашэ къэзыгъэлъагъуэ хьэрфхэр зыхэвгъэувэжа псалъэхэр щӀэфтхъэ.

    35. КъифтхыкӀ. Псалъэхэр зэриух хьэрфхэр щӀэфтхъэ: макъзешэ къэзыгъэлъагъуэ хьэрфхэр зы екъуакӀэ, макъ дэкӀуашэ къэзыгъэлъагъуэ хьэрфхэр екъуаитӀкӀэ.
Щапхъэ: тхылъ, джэду.

17

   Тхылъ, джэду, тепщэч, пкъо, лэжьа, сурэт, жея, ӀэшрыӀ, шейщӀэт, псысэ, нартыху, шы.

Сыт пкъор зищӀысыр? Сыт ӀэшрыӀыр зищӀысыр?

   36. Фыкъеджэ.

   Пшынэ, бэлъто, Ӏэдэ, щӀалэ, гуэдз, фалъэ, къуажэ, лъэпэд, кусэ, чырбыш, махъшэ, нал.

    Псалъэ къэс къызэрыщӀидзэ макъыр къэфпсэлъ. Дауэ жьэм къыжьэдэкӀыу пӀэрэ а макъхэр?

      Пычыгъуэ.

    Сыт пычыгъуэ жыхуаӀэр?

   37. Псалъэхэм фыкъеджэ укъуэдияуэ.

   Нанэ, дыгъэ, мэз, тхылъылъэ, мыщэ, махуэ, бажэ, жьынду, къэрабэ, нартыху, къэптал.

   Сыт хуэдэ макъхэра букъуэдий хъур? Псалъэ къэс Ӏыхьэ дапщэу зэхэт?
     
   Псалъэхэр Ӏыхьэурэ бгуэш мэхъу. Ӏыхьэм зэреджэр пычыгъуэщ.

   Псалъэм макъзешэу дапщэ хэтми, ар апхуэдиз пычыгъуэ мэхъу: ма-зэ, а-да-къэ.

    38. Фыкъеджэ. Къэвгъуэт, дэтхэнэ псалъэр пычыгъуэ дапщэ хъурэ.

Гуащэ, бостей, пкӀэлъей, жэщ, мэракӀуэ, хьэндырабгъуэ, псыежэх.

   КъифтхыкӀ псалъэхэр, пычыгъуэкӀэ зэпыудауэ. Пычыгъуэ къэс макъзешэ къэзыгъэлъагъуэ хьэрфхэр щӀэфтхъэ.

    39. Псалъэхэр нэвгъэсыж, пычыгъуэ къэтхэр точкэхэм я пӀэкӀэ хэвгъэувэжурэ.

   Бжэн.., пцӀащ.., жьын.., къашыр.., тхьэры.., кӀы.., хьэр.., псыхэ.., къуан.. .

    КъифтхыкӀ, псалъэхэр нэвгъэсыжурэ. ПычыгъуэкӀэ псалъэхэр зэпывуд.

Пычыгъуищ хъу псалъэхэр щӀэфтхъэ.

   40. Псалъэхэм фыкъеджэ пычыгъуэкӀэ зэпыудауэ.

   ПхъащӀэ, щакӀуэ, гъэмахуэ, еджащ, хьэцыбанэ, насып, насыпыфӀэ, сурэт, бдзэжьей, псынэ.

ПычыгъуэкӀэ зэпыудауэ псалъэхэр къифтхыкӀ. ПычыгъуиплӀ хъу псалъэхэр щӀэфтхъэ.

    41. Пычыгъуэхэм псалъэ къыхэфщӀыкӀ. Псалъэхэр фтхы, пычыгъуэкӀэ зэпыудауэ.

тыху     нар     ра   кӀуэ   мэ
фэ       уа      рэ   бэд    жан
лэ       къа     ры   жэ     лъэ

    Пычыгъуэ къэс макъзешэ къэзыгъэлъагъуэ хьэрфыр щӀэфтхъэ.
О Пычыгъуэ къэзыгъэхъур сыт хуэдэ макъ?

   42. Фыкъеджэ пычыгъуэкӀэ зэпыудауэ.

Иреуэ я пшынэм, 
Хэку хуитым и бзухэр.

   Фызэджам зы пычыгъуэ фӀэкӀа мыхъуу псалъэ дапщэ хэт?

   КъифтхыкӀ. Зы пычыгъуэ фӀэкӀа мыхъу псалъэхэр щӀэфтхъэ.

    43. Фыкъеджэ. Къэвгъуэт пычыгъуищ хъу псалъэхэр. Къэвгъуэт зы пычыгъуэ фӀэкӀа мыхъу псалъэхэри.
     
   Бжьыхьэр къэсащ. Уэшх жьгъей къошх. Жыг тхьэмпэхэр щӀым Ӏуву щылъщ. Пшагъуэ куэдрэ къытохьэ.
        
    Макъзешэ къэзыгъэлъагъуэ хьэрфхэр щӀэфтхъэ. Псалъэр пычыгъуэу зэрыхъур дауэ къащӀэрэ?

   Псалъэр зэрырахьэкӀыр.

    Псалъэхэр къыкӀэлъыкӀуэ сатырым дауэ ирахьэкӀрэ?

   44. Фыкъеджэ.

   Сэ гъэмахуэм дадэхэ сыщыӀащ. Ар мэзхъумэщ. Куэдрэ дадэ сригъусэу мэз унэм нэху сыкъыщекӀащ. Дадэ сигъэлъэгъуащ мэз псэущхьэ Ӏэджэ. Псом нэхърэ нэхъ дахэщ щыхьымрэ мэз бжэнымрэ. Дадэ мэзыр ихъумэ къудейкъым, атӀэ мэз псэущхьэхэри ехъумэ.

    Феплъ фызэджам. Сыт хуэдэ псалъэхэр сатырым имыхуэу къыкӀэлъыкӀуэ сатырым ирахьэкӀа? Дауэ зэрырахьэкӀар?

   45. Фыкъеджэ псалъэхэм.

   ФӀамыщӀ, пхъащӀэ, бгырыпх, бостей, стэкан, бэракъ, хамут, къэнжал, мэракӀуэ.

    Сатырым имыхуэмэ, къыкӀэлъыкӀуэ сатырым дауэ ирахьэкӀрэ фызэджа псалъэхэр?

    КъифтхыкӀ, зэрырахьэкӀым хуэдэу псалъэхэр екъуа цӀыкӀукӀэ зэпывудурэ.
     
   Псалъэр къыкӀэлъыкӀуэ сатырым ирахьэкӀ, пычыгъуэкӀэ зэпыудауэ. Псалъэр щрахьэкӀкӀэ екъуа цӀыкӀу ягъэув:
пы-Ӏэ, гуа-щэ, бэ-рэ-жьей, къуа-жэ.