Кестелерді пішімдеу

Күні:

Мұғалімнің аты-жөні: Жүсіпбекова Әйгерім Бердібекқызы

Кәсіби даму мақсаты:

Мәселелік диалогтік оқыту арқылы оқушылардың зерттеу дағдыларын дамыту

Сынып: 6Ә

Қатысқандар саны:

Қатыспағандар:

Сабақ тақырыбы:

Кестелерді пішімдеу

Осы сабақта қол жеткізілетін оқу мақсаттары (оқу бағдарламасына сілтеме)

Кестелерді пішімдеуді үйрену

Сабақ мақсаттары:

Кестелерді пішімдеуді біледі;

Кестелерді пішімдеуге пайдаланатын батырмаларды атайды;

Макет және Конструктор тіркеме парақтарын бір-бірінен ажыратады;

Кестені әрлеуді компьютерде ұсынады;

Жетістік критерийлері:

Білу және түсіну:

• кестелерді қалай пішімдеу керектігін біледі және түсінеді

Білімін қолдану:

• кестелерді құру жолдарын қолдана алады

Талдау:

• кестелерді пішімдеудің маңызын талдайды;

• кестелерді пішімдеу әрекеттерінің ретін анықтайды.

Құндылықтарды дарыту

Тапсырмаларды жұпта(топта) орындау арқылы ынтымақтастық құндылықтарды қалыптастыру

Жаңа білім қалыптастыруда бірлесіп жұмыс жасау арқылы құрмет құндылықтарын қалыптастыру;

Жаңа білімді меңгеру арқылы өмір бойы оқу құндылығын қалыптастыру.

АКТ қолдану дағдылары

Презентация және ноутбуктарды қолдану.

Алдыңғы білім

Пішімдеу жайлы алғашқы түсініктері бар.

5-сыныпта мәтінді пішімдеумен танысқан.

Пәнаралық байланыс

Ағылшын тілі, орыс тілі.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

1 минут

Ұйымдастыру кезеңі, жағымды психалогиялық ахуал ұйымдастыру. Оқушылардың сабаққа дайындығын тексеру, және де төтенше жағдайға ешқандай кедергі жоқ па соны бір тексеріп өту (компьютер жанында судың болмауы, тоқтардың дұрыстығы).

Құпия сұрақ

3 минут

1. Word мәтіндік редакторын қалай іске қосамыз?

2. Word мәтіндік редакторыныңтерезе элементтерін ата?

3. Жаңа құжат құру үшін не істейміз?

4. Құжатты сақтау үшін не істейміз?

5. Бағандар мен жолдардың қиылысуынан не пайда болады?

Ой қозғау

4 минут

Біз Кестеледі құру,кестелерді түзету кесте құрылымын өзгерту,кестенің элементтерін ерекшелеу,кестенің жолдары мен бағандарының мөлшерін өзгерту дегендерді үйренген болатынбыз ия?! Ал енді біз кестелерді пішімдеу деген тақырыпта кестенің ұяшықтарын қоршау және құйып бояуды үйренеміз.Біздің өмірімізде мәтінді безендіру немесе құжатты кесте түрінде даярлау жиі кездеседі. Оларға: мектеп журналдары, үлгерім табелі және сіздердің күнделік парақтарың т.б. MS Word мәтіндік процессоры кесте құруды жеңілдетеді, ол өзіне бағандардың енін есептеу мәселелерін жүктейді.

Түсіндіру

10 минут

Кесте дегеніміз – баған мен жолдан және екеуінің қиылысуында орналасқан ұяшықтардан тұрады.

Құжатта кестені даярлаудың екі әдісі бар:

1-әдіс: Бос кестені орналастыру үшін курсорды қажет жерге апарып, Кесте

(Таблица) менюіндегі Қою →Кесте (Вставить →Таблица) командасын таңдаймыз.

Кестені қою терезесінде бағандар мен жолдардың сәйкес сандарын қоямыз.

2 – әдіс: Егер кестені өзіміз салғымыз келсе,онда Кесте (Таблица) менюіндегі Кестені салу (нарисовать таблицу) командасын таңдаймыз.

Кестені әрлеу үшін жолақтың кестемен жұмыс істеуге арналған Конструктор тіркеме парағын қолданады.

Кестелерді ең алдымен дайын мәнерлердің көмегімен әрлейді. Жолақтың Кестелер мәнерінің өлшемдері тіркеме парағында мәнерлердің қандай элементтерге қолданылатынын көрсету керек. Кестелердің мәнерлері бөлімінде-жарамды мәнерді таңдаймыз. Егер сендер өз беттеріңмен әрлегілерін келсе,жолақтың басқа тіркеме парақтары керек болуы мүмкін.

Кестенің ұяшықтарын қоршау және құйып бояу

Әрлеуді таңдар алдында қоршау немесе құйып бояу амалдары орындалатын ұяшықтар тобын немесе кестені тұтастай ерекшелеп алу керек. Одан кейін келесі батырмалардың керектерін таңдаймыз:

1.Қаламұштың мәнерін таңдауға арналған батырма

Төмен қарай ашылатын мәзірде әртүрлі сызықтар бар: жіңішке, жуан,қосарланған, пунктирлі,толқынды.

2 .Төменірек қаламұштың жуандығын таңдау батырмасы орналасқан   Жуандық пункттермен к өрсетіледі

.

3. Егер қажеттілік болса, қаламұштың түсін  батырмасымен баптайды. «Басқа түстер» бұйрығын таңдағанда түсті баптаудың қосымша терезесі ашылады.

Бұл терезеде түстің кез келген реңкін таңдайды.

Қажет реңкті таңдағаннан кейін ОК-ді басамыз.

Жуандықтың,қаламұштың, мәнер түсының параметрлерін орнатқан кезде кестелерде ештеңе өзгермейді. Кестелердің ерекшеленген ұяшықтарына жасалған өзгертулерді қолдану үшін батырмасын таңдаймыз.

Бұл батырманың төмен қарай ашылатын мәзірі ұяшықтардың әртүрлі қоршауларынантұрады: Тек жоғары сызықты жүргізу, тек төменгі қоршауды өшіру, қоршауды тек ерекшеленген ұяшықтардың айналасында қосу немесе ішкі сызықтарды бірге сызу. Бұл мәзірде қара түспен жүргізілетін сызықтар,ал п унктирлермен-көрінбейтін сызықтар белгіленген.

«Құып бояудың түсі» батырмасы ағымдағы ұяшықтың немесе ерекшеленген ұяшықтар диапазоны ішіндегі түсті өзгертеді.

Топпен

жұмыс

6 минут

Пазлдар бойынша 4 топқа бөлінеді. Мұғалім сурет қиындылырын партаға араластырып қояды. Балалар таңдап алып, сурет құрастыруға кіріседі. 1 суретті құраған оқушылар 1 топ болады. (Кез келген сурет қоюға болады)

Кестеге Формат  Шекаралар және құю /Формат  Границы и заливка/ командасыарқылы жиектеу орналастыр (Оқушылар өз тобындағы балалард жазып шығады)

Оқушы туралы мәлімет

Сергіту сәті

3 минут

Видеодағы жаттығуларды жасайды.

Жұппен жұмыс

6 минут

Өзінің қалаған оқушысымен жұп болады..

1. Меню көмегімен Кесте Кесте қосу /Таблица Вставить таблица/ командасын орындау арқылы кесте құрыңыз.

2. «Менің сабақ кестем» тақырыбын туралау.

3. 6 баған, 7 жолдан тұратын кесте құр.

4. Кестенің басынан тағы 1 баған қосыңыз. Оған Р/с деп жазыңыз.

5. Автоформат пішімін пайдаланып, кестені безендір.

«Менің сабақ кестем»

Дүйсенбі Сейсенбі Сәрсенбі Бейсенбі Жұма Сенбі

Саралау тапсрымалары

Жеке жұмыс

5 минут

Ал, балалар сонымен бүгінгі сабақта не білдік? Не үйрендік? Қане есімізге түсірейікші? Кім айтады?

1)Тұрады ол жолдармен бағандардан,

Және тұрар ұяшықтар ағымынан.

Кәне ойланып көрейік ол не екен,

Баған менен жолдарды қиылыстырған. (Кесте)

2)Кестенің бір негізгі элементі,

Көлденең ұяшық құру қызметі.

Ұяшық емес, баған емес ол не екен?

Кестенің негізгі болған қызметі. (Жол)

3)Тіктөртбұрышқа ұқсайды,

Елемей кетуге болмайды.

Бағанменен жолдардың қиылысы,

Кестеде қай элементті құрайды. (Ұяшық)

Сабақтың соңы

Рефлексия және үй тапсырмасын беру 2 минут

Рефлексия

«СМС» әдісі .

Қағаздан жасалған телефонға оқушылар сабақтың қалай өткенін, қай жерден қиналғанын, мұғалімнің қалай түсіндіргенін смс арқылы жазып қалдырады.

Үйге тапсырма: «Менің жанұям» тақырыбына кесте құру (отбасыңыздың барлық мүшелернің мәліметтерін жасаңыз). Сабақтағы оқушы туралы мәлімет деген үлгіге қараңыз. Ол үлгіге тағы мәліметтер қосуға болады. (жұмыс-орны...)