Мотивациялық- қозғаушылық | Тәрбиеші балалармен бірге шеңбер құрып, бір-бірімен амандасады. Бәрі бірге Е.Өтетілеуұлының өлең жолын қайталайды. Бақшамызға барғанда, Жолыққан бар жандарға. Ертемен ақ пейілмен, «Қайырлы таң!» деймін мен. | Балалар тәрбиешімен бірге өлең жолдарын қайталайды. |
Ұйымдастырушылық- ізденістік | № 22 демонстрациялық материалда берілген суретпен жұмыс. – Балалар, сендер кімді көріп тұрсыңдар? – Балалар не істеп жүр? – Айман бесікпен қуыршағын сүйреп жүр. Асқар машинамен ойнап жүр. Балалар өте көңілді. Балалар өздерінің киімдері жайлы әңгімелеу. – Ал енді тобымыздағы ұлдар және қыздармен танысамыз. – Біздің топта ұлдар бар ма екен? Ұлдарды бір-бірден шығарып, олармен танысу. Жейде, шалбар, бәтеңке, көйлек сөздеріне сөздік жұмысын жүргізеді. Көйлек-платье, жейде-рубашка, бәтеңке-ботинки, шалбар-брюки. – Біздің топта қыздар бар ма екен? (Қыздарды бір-бірден шығарып, олармен танысу, киген киімдерін айту). Сергіту сәті: Тербеледі ағаштар, Алдымнан жел еседі. Кіп-кішкентай ағаштар, Үп-үлкен болып өседі. № 22 үлестірмелі материалдармен жұмыс. «Кімге не керек?»дидактикалық ойыны. Шарты: ұл бала мен қыз баланың киімдерін тауып, оларды сызықпен қосу. | – Ұл бала және қыз бала. – Ойнап жүр. Балалар қайталайды: Көйлек-платье, жейде-рубашка, бәтеңке-ботинки, шалбар-брюки. – Менің атым – Ерлан. Менің шалбарым бар, жейдем бар. Менің атым – Жанар. Үстімде әдемі қызыл көйлегім бар. Бірге қайталап, сәйкес қимыл жасайды. Балалар ұл бала мен қыз баланың киімдерін тауып, оларды сызық арқылы сәйкестендіреді. |
Рефлексиялық- түзетушілік | – Балалар, бүгін біз не туралы сөйлестік? (Киім) – Ұл бала мен қыз баланың киімдерінің қандай айырмашылығы бар? – Балаларды мадақтап, оқу қызметін қорытындылайды. | Балалардың жауабы. Сабақта алған білімдерін пысықтайды. |