Классный час физики 8 класс

Күні: 14.02.19ж

Сыныбы:8^«Ә»

Пәні: Физика

Сабақтың тақырыбы: " Ғажайып физика"

Сабақтың мақсаты:

Білімділік: Оқушылардың физика курсынан алған білімдерін, табиғаттағы физикалық құбылыстардың құпиясы мен сырын аша білуге әрі қолдана білуге үйрету;

Дамытушылық: Оқушылардың ой өрістерін дамыта отырып, іскерлік, ептілік, қабілеттерін қалыптастыру;

Тәрбиелік: Ұжымдық әрекетке, қарым-қатынас жасай білуге, өзіндік жұмысқа, ақпаратты тауып қолдана,пайдалана білуге тәрбиелеу.

Сабақтың түрі: Интелектуалды ойын,қорытындылау, жүйелеу сабағы

Көрнекіліктер: интерактивті тақта, плакат, үлестірмелі материалдар, суреттер.

Барысы:

І. Ұйымдастыру кезеңі

а) Сайыстың жүргізілу барысымен таныстыру.

б) Әділқазылар алқасын сайлау.

• Армысыздар, қадірлі ұстаздар мен білім мен өнерге құштар оқушылар! Адам баласы тек білім, ғылым арқылы өз орнын табады. “Білігі күшті бірді жығады, білімі күшті мыңды жығады”, “Көптің күші бірлікте” деген дана халық. Болашақ ғасырда білім теңізінен жүзіп өткендер ғана еліміздің тірегі, сүйініші болады деп ойлаймыз. Сондықтан бүгінгі “Ғажайып физика ” атты сайысымызға қош келдіңіздер!

• Күш, өнер, білімменен алысуға.

Бар өнерді салайық ортамызға,

Қанеки, кім шығады сайысуға,–дей отырып, білім жарыстыратын осы сайысымызға қатысатын 8^Әсынып оқушыларынан құралған “Ньютон” пен “Паскаль” «Коперник» тобын ортаға шақырайық!

Әділ баға беруге,

Шақырайық ортаға

Әділқазылар алқасын– дей отырып ортаға әділқазыларды шақырайық!

Сайысымыздың шарттарымен таныстырып өтейік, сайысымыз 6 бөлімнен тұрады.

:1-бөлім “Бәйге”. Бұл бөлімде әр топқа 10 сұрақтан қойылады.. Әр дұрыс жауап 5 ұпай.

2-бөлім. «Қанша тілді білесің? »деп аталады.Мұнда оқушыларға жұмбақтар жасырылады.Жұмбақ шешуін 3 тілде (қазақша, орысша, ағылшынша) айтуы керек.

3-бөлім: “Адасқан шамалар ” бөлімі. Бұл бөлімде әр топқа физикалық щамалар беріледі солардың олшем бірліктерін сәйкестендіру керек Әрбір дұрыс жауап 1 баллдық жүйемен есептеледі

4-бөлім: “Жасырын терезе” . Бұл бөлімде тақтада нөмерленген қағаздар беріледі, әрбір топ өздеріне ұнайтын тақырыпты таңдап,соған сәйкесті сұрақтарды аша алады. 10 санында – жеңіл, 20 санында – орташа, 30 санында – қиын сұрақтар жасырылған. Қай санды таңдаса, сонша ұпай қосылады.

5-бөлім: “Қызықты тәжірибе”. Бұл бөлімде топ мүшелеріне 5 мин уақыт беріледі, сол уақыт ішінде берілген тәжірибені жасап, физикалық мағынасын ашу.

6-бөлім . «Кім жылдам?»- деп аталады. Бұл ойында әр топ маркер көмегімен физикалық шамаларды жазады. Кім көп жазса, сол жеңіске жетеді.

Жүргізуші: Егер барлығы түсінікті болса, онда ойынымызды бастайық.

Бәйгеге түсіп жарыспай,

Жүйріктің бағы жанар ма?

Білім мен өнер жарысып,

Тәрбие, тәлім табар мән.

Бұл бәйге ойдың бәйгесі,

Кім жүйрік ойға, сол алда деп келесі бөлімімізді бастайық!

Бұл бөлімде 3 топқа 10 сұрақтан қойылады. Ар сұрақ 1 ұпайдан.

Бірінші болып, сұрақтарға «Ньютон» тобы жауап береді.

1. Табиғат туралы ғылым.(физика)

2. Жылу, электр, жарық, механикалық құбылыс табиғи құбылыс бола ала ма? (жоқ, олар физикалық құбылыстар)

3. Заттың үш күйін ата.(қатты, сұйық,газ)

4. Қараңғы бөлмеге кіргенде ең алдымен нені бірінші жағасың: май шамды ма, әлде газды ма? (сіріңкені)

5. Ұзындықтың халықаралық бірліктер жүйесіндегі өлшемі не? (метр)

6. Күн шығатын жақ (шығыс)

7. Кемпірқосақта неше түс бар? (7)

8. Күннің көзі неше рет шығады? (365)

9. Мензурка қандай құрал? (сұйықты өлшейтін құрал)

10.Жай көзге көрінбейді, Қозғалуға ерінбейді. Ол не? (молекула)

«Коперник» тобына қойылатын сұрақтар:

1. Аспан денелерін зерттейтін ғылым (астрономия)

2. Жылу құбылысына мысал келтір (күннің сәуле шығаруы, болаттың балқуы)

3. Табиғатты зерттеудің қандай үш әдісі бар?(бақылау, эксперимент, теория)

4. Айға аяғы алғаш тиген астронавт кім? (Н.Армстронг, Э.Олдрин)

5. Адамға қай кезде көзілдіріктің қажеті жоқ? (ұйықтағанда)

6. Көк шарфты суға салса, не болады? (су болады)

7. Уақыттың халықаралық бірліктер жүйесіндегі өлшемі не? (секунд)

8. Күн  бататын жақ (батыс)

9.Егер кеседегі судың бәрін ішіп қойсақ,ішінде не қалады? (ауа)

10. Астрономиядағы ең негізгі зерттеу құралы (телескоп)

«Паскаль» тобына қойылатын сұрақтар

1.Заттың ең ұсақ бөлшегі (атом)

2.Денеге басқа дене әсер етпесе өз жылдамдығын сақтау құбылысы? (инерция)

3.Күн мен түннің  көктемде теңелуі (22 наурыз)

4. Қандай денеде конвекция болмайды (қатты дене, вакуум)

5. Күн жүйесіндегі ең ірі планета             (юпитер)
6. Сұйық тарапынан әсер ететін кері итеруші күшті ашқан кім? (Архимед)
7. Темір не?                                                    (металл)

8 Өз сұйығымен динамикалық тепе-теңдікте болатын бу. (Қаныққан бу)

9. . Күштің өлшем бірлігін ата? (Ньютон)

10.Көлемін де, пішінін де сақтамайтын затты ата. ( газ)

 «Өзге тілдің бәрін біл,

  Өз тіліңді құрметте.»- дегендей, келесі турымыз

«Қанша тілді білесің? » .Үш топқа бірдей жұмбақтар қойылады.Қай топ бірінші көтерсе, ұпай сол топтікі.

1.Аса қажет өмірге халық үшін,

Пайдаланады күн сайын жарық үшін.(ток-ток-energy)

2. Жоқ өзінде бас та, қас та,мойын да,

Ұзындығы жазулы тұр бойында.( сызғыш-линейка-ruler)

3. Суға салсаң батпайды,

Отқа салсаң жанбайды. (мұз-лед-ice)

4. Бар ма, жоқ па, оны анық білмейсің,

Ол жоқ жерде өмір сүріп жүрмейсің.(ауа-воздух-air)

5. Керегенің басында кетпен жаулық,

Кет десемде кетпейді,неткен жаулық (күн-солнце-sun)

6. Жердің жүзін шарлайсың,

Онсыз еш жерге бармайсың.

Көлікпен де, жаяу да,

Саралайсың , таңдайсың.(жол-дорога-road)

7. Көп болса, азықпайсың,

Мезеттен қашықтайсың.

Асықсаң аз болады,

Табасың мұны қайсың? (уақыт-время-clock)

8. Қозғалыста сипаттар шапшаңдықты,

Тағы да бір белгісіз шама  шықты.

Ол болмаса денелер қозғалмайды,

Шешеді бұл жұмбақты қандай мықты?(жылдамдық- скорост-speed)

9.Жылт-жылт еткен,

Жылғадан өткен.(су-вода-water)

10. Қайық мініп биікте жолығайық,

Көз көрімде кетеді болып ғайып.(ұшақ-самолет-aircraft)

:3-бөлім“Адасқан шамалар ” Ар топқа карточкалар беріледі.

4-бөлім: “Жасырын терезе” . Бұл бөлімде тақтада нөмерленген қағаздар беріледі, әрбір топ өздеріне ұнайтын тақырыпты таңдап,соған сәйкесті сұрақтарды аша алады. 10 санында – жеңіл, 20 санында – орташа, 30 санында – қиын сұрақтар жасырылған. Қай санды таңдаса, сонша ұпай қосылады.

5-бөлім: “Қызықты тәжірибе”. Бұл бөлімде топ мүшелеріне 5 мин уақыт беріледі, сол уақыт ішінде берілген тәжірибені жасап, физикалық мағынасын ашу.

1. «Тарелкадағы тиынды қолды суламай қалай алуға болады?»

Қажетті құралдар: тарелка, су, тиын, сіріңке, қағаз.

Жауабы: Қағазды жағып стакан ішіне саламыз Стаканды тезірек тиынның жанына тарелка ішіне төңкеріп қоямыз. Сонда қағаз сөніп, стакан ақ түтінге толады да, тарелкадағы су оның ішіне жиналып,тиын бұрынғы орнында құрғақшылықта қалады. Мұның себебі, жану кезіндегі стакандағы ауа қысымы артып, оның бірқатар бөлігі сыртқа шығады, ішіндегі ауа қысымы атмосфералық қысымнан азаяды. Нәтижесінде тарелкадағы су ауа қысымы аз стакан ішіне қарай бағытталады.

1. «Піскен әрі аршылған жұмыртқаны бүтіндей бөтелкеге қалай салуға болады?»

Қажетті құралдар: бөтелке, піскен жұмыртқа, сіріңке, қағаз.

• Жауабы: Жанған қағаз жалыны шыныдағы ауаны қыздырады. Қызған ауаның көлемі ұлғайып, оның бірқатар бөлігі сыртқа шығып кетеді. Шыны аузын жұмыртқамен жапқан кезде, жалын сөніп ондағы ауа суиды. Шынының ішіндегі ауа мен сыртындағы қысымы тең болмағандықтан, жұмыртқа ыдыс түбіне түседі.

• "Қызықты үзіліс, яғни көрермендермен ойын.Экранда сөздер беріледі. Олар: Астана, Пермь, Қызылтас, Қызылорда, Алакөл, Шахтинск, және Электроскоп. Осы сөздердің соңғы әріптерінен француз оқымыстысының фамилиясын шығарыңдар. (Паскаль)

Енді соңғы турымыз «Кім жылдам?» деп аталады. Бұл ойында әр топ басшысы маркер көмегімен физикалық шамаларды жазады. Кім көп жазса, сол жеңіске жетеді.

• Сонымен, біздің сайысымыз өз мәресіне жетті, әділ қазылар алқасынан топтардың бағасын сұраймыз. Ендігі сөз кезегін әділ қазылар алқасына береміз."Ғажайып физика" атты интеллектуалды сайысымызда жеңіске жеткен жеңімпаз топты құттықтаймын! Сайысқа өз білімдерін көрсетіп белсене қатысқан барлық оқушыларға үлкен алғысымды айтамын. Келесі кездескенше сау болыңыздар!

Қорытынды. Әділқазылар алқасы екі топты бағалайды.