Компания. Компания құру жолдары

Компания құруға дайындық

Нақыл сөздер

• Істегенің өзіңе жақсы, үйренгенің өзіңе жақсы.

Мақал.

• Алып компаниялар оңай ақша табу үшін емес, әлемді өзгерту үшін құрылады.

Гай Кавасаки

Компания - (фр.compagnie) - бірлескен экономикалық (өндірістік, тауар, делдалдық, қаржылық, сақтандыру) қызметтерін жүргізу үшін заңды немесе жеке тұлғалардың бірігуі.

Компанияға әртүрлі (жұмысты, қызметті іскерлік ұйымдастыру формалары) құқықтық-ұйымдастыру формалары бар кәсіпорындар жатады. Компания заңды тұлға мәртебесіне ие.

Компания:

• Жауапкершілігі шектелмеген;
• Жауапкершілігі шектелген;
• Акционерлік

және т.б. болып бөлінеді.

Бастапқы капитал - компания қызметін бастау үшін қажетті ақшалай қор, ол ағымдағы шығындарды жабатын кіріс түсе бастағанша қажет болып табылады.

Бастапқы капиталдың қажет сомасы бизнес-жоспар жасау барысында есептеледі және барлық шығындарды, соның ішінде инвестицияларды да қамтиды.

Басқаша айтқанда, кәсіпорынның балансында активтер бөлігінде көрінетін нәрсені бәрі - бастапқы капитал деп аталады.

Франчайзинг - (фр.franchir-босату) іскерлік әріптестік формасы, компания бизнестің әзірлеген түрін нарықта танымал атауымен (франчайзер) белгілі бір төлемге екінші тарапқа (франчайзи) береді.

Франшиза - франчайзинг келісім шартына сәйкес жұмыс істейтін кәсіпорын.

Бренд - компания, өнім немесе қызмет туралы ақпараттар кешені, өнімнің тез танылатын символикасы.

Ритейл - бөлшек сауда.

«Миллионға ұтыс» ойыны

Әлеуетті инвесторға ұсыныс ойлап тап, ұсынысыңды тыңдап болған соң, ол сізге қандай да бір валютада 1 миллион көлемінде инвестиция бергісі келсін делік. Идеяны таныстырудың мұндай түрі «питчинг» деп аталады. Сіздің ұсынысыңыз айшықты, түсінікті, табысты, есте қаларлықтай болуы керек. Кәсіпкерлік қиялыңызға ерік беріңіз!

Құнды ұсыныс - бұл клиенттің қандай да бір қиындығын толығымен жоятын немесе сіз ұсына алатын бірегей шешім.

Сіздің ұсынысыңызда мыналар бола алады:

• Жаңашылдық
• Өнімділік
• Жұмыс істеуге ыңғайлы күйге келтіру немесе дербестендіру
• Өнімнің жемісі
• Дизайн және юзабитили
• Құны
• Үнемдеу
• Тәуекелді азайту
• Қолжетімділік және ыңғайлылық
• Бренд пен мәртебе