Компьютерди башкаруу

Предмет: Информатика класс: 5 число: 08.02.2019-жыл

Маалыматтык.

Социалдык-коммуникациялык.

Өз алдынча уюштуруу жана көйгөйлөрдү чечүү.

Компьютерди таанып билүү,колдонуу,түшүнүгүн тереңдетүү жана бышыктоо компетенттүүлүгү.

Персоналдык компьютерди башкаруу жөнүндө билүү компетентүүлүгү.

Сабактын тиби: Аралаш

Пайдаланылган усулдар: интерактивдүү

Сабактын жүрүшү:

1.Уюштуруу учуру(Классты жана окуучуларды сабакка даярдоо,келбеген окуучуларды жоктоо,окуу куралдарын текшерүү) (2 мин)

2.Үй тапшырмасын суроо (текшерүү, жыйынтыктоо) (3 мин)

Мугалимдин иш аракети:

Окуучуларга жагымдуу маанай жасоo, Персоналдык компьютерди башкаруу жөнүндө маалымат берүү. Персоналдык компьютерди иштетүүнү окуучуларга система катарында көрсөтүү.

Жаңы тема: (22 мин)

Программалар жана документтер

Компьютердин иштеши үчүн ага инструкциялар топтому – программалар керек. Бардык программалардын жыйындысы компьютердин программалык камсыздоосу деп аталат. Программалык камсыздоонун милдеттүү болүгү операциялык система (ОС). ОС – бул компьютердин иштөөсүн башкаруучу жана адам менен компьютердин өз ара байланышын камсыздоочу программалардын өзгөчө пакети. Азыркы учурда Windows, MacOS жана Linux кеңири таралган ОС болуп саналышат.

Жумушчу стол

Ар бириңердин үйүңөрдө жумушчу стол бар. Анда үй тапшырмасын аткарасыңар, сүрөт тартасыңар, кагаз чаптайсыңар. Жумушчу столдо силер иштеш үчүн керектүү болгон окуу китептер, дептерлер, калем саптар, калемдер, сызгыч, кайчы ж. б. жайгаштырасыңар. Компьютердин иштөөсүнө даяр болгон монитордун экранындагы сүрөттөлүш дагы Жумушчу стол(Рабочий стол) деп аталат. Жумушчу стол бир тондо болушу, сүрөт же фото камтышы мүмкүн. Жумушчу столдо анча чоң эмес сүрөттөр белгилер жана ярлыктар (ярлык – төмөн сол бурчунда кичинекей жебеси бар сүрөт) жайгашат. Алар объекттерге – компьютердин ар кандай түзүмдөрүнө жана программаларына, ошондой эле компьютер-дик программалардын жардамы менен түзүлгөн тексттерге, сүрөттөргө ж. б. документтерге ыкчам кирүүнү камсыз кылат. Сүрөттө Windows 7 ОСнын жумушчу столунун корүнүшү

келтирилген.

Маустун жардамы менен компьютерди башкаруу

Компьютердин түзүлүштөрү жана программалары менен иштөө үчүн маустун жардамы менен таасир этүүгө мумкүн болгон башкаруунун түрдүү графикалык элементтери пайдаланылат. Эреже катары маустун эки оң жана сол кнопкасы болот. Сөөмөй сол кнопкага жайгашат, себеби ал негизги деп эсептелет. Эгерде адам сологой болсо оң жана сол кнопкалардын функцияларын алмаштырып алса болот. Экранда маустун образы болуп маустун көрсөткүчү эсептелет. Адатта ал жебенин формасындай, би-рок кээ бир учурда анын формасы башкача болушу да мүмкүн. Маус көрсөткүчүнүн формаларынын бир нече мисалын карагыла:

Мисалы, эгер көрсөткүч кичинекей кум саат формасындай болсо, анда бул компьютер учурда кандайдыр бир операцияны аткаруу менен алек болуп жатканын билдирет

ТЕКШЕРИЛДИ:

ОББ:_________

ТЕКШЕРИЛДИ:

ОББ:_________Джурабаева О

Базар-Коргон Тахмина эжеке