Конкурс "Мир летних открытий""

Манджиев Денис Владимирович- 9 лет, 4 класс

МКОУ « Зургановская СОШ»

Малодербетовский район, пос. Зурган, ул. Степная, 6

Эссе «Размышления о лете» на калмыцком языке

«Дурта цаг».

Мендвт! Мини нерн Денис.

Би җил болһн өрк-бүләрн Хар теңгсүр амрхар йовнав. Эн җил эцкм йовсн уга, юңгад гихлә көдлмшәсн һарч чадсн уга.

Мини ах Байр “Орленок” гидг лагерьт амрчала. Тегәд би, мини экм болн эгчм Өлзәт автобусар теңгсүр күрв. Мадн Новомихайловка гидг селәнд амрв.

Һурвн өдртән бидн нег орс эмгнә герт бәәвүвидн. Эн гер теңгсәс дала хол биш.

Түрүн өдртән бидн усна көвәһүр йовад, йиртмҗин бәәдл һәәхүвидн. Усн йир цевр, дулан билә.

Би уснд чолу олҗ авад, герүрн авч ирв. Эн чолун гилгр, зүркнә бәәдлтә.

Хойрдгч өдр би өөмх даслав. Эн йир әәмшгтә керг! Мини өөр экм болн эгчм билә. Эдн намаг өөмдг дасхв.

Уснас һарад, дулан элсн деер кеевтәд, гертәсн авсн альм, кедм идәд, амрлавидн.

Генткн шүрүн салькн босад, мини өөр бәәсн чәргиг өргәд, нискәчкв. Би босад, чәргән көөлдв.Әрә гиҗ күцҗ авв!

Әмтнә хувцн: тиирцг, майг, чәрг, шовун мет, деерәһүр нисв. Әмтн өсрәд, босад, хувцан көөлдәд авв. Иим инәдтә йовдл болв!

Һурвдгч өдр мадн “Орленок” гидг лагерьт одв. Лагерьт ирхлә, һаза

мадниг уурта бәәдлтә залу тосад, мини ах альд бәәхинь зааҗ өгв.

Эн лагерь маднд йир таасгдв: энүнд цевр, сәәхн, дала модд урһна.

Мини ах Байр эцәд, харлҗ оч.Би түрүләд энүг таньсн угав: неегрин бәәдлтә болҗ оч! Үснь атхр, арвасн, цаһан шүднь гилвкәд бәәнә. Байр мадниг үзчкәд, байрлв.

Асхлад автобуст сууһад, хәрүвидн.

Эн амрллһн нанд йир таасгдв! Би хая-хая чолуһан һарһад, хәләһәд, зунар яһҗ амрсан саннав.

Ода нанд сәәнәр сурад, шүүврән өгх кергтә. Ирх җил дәкәд Хар теңгсүр йовх санан бәәнә. Тадн бас йовад, амртн!

Сән менд харһцхай!

Тана үр Манҗин Денис.