Конспект урока - Урок проект

Урочы цыд:

1. Бацæттæгæнæн рæстæг.

    

   Ах. Уæ бон хорз, сывæллæттæ!. Æхсызгон мын у уæ уынд. Уæдæ сымах дæр кæрæдзийæн зæгъут: « Мæнæн æхсызгон у дæ уынд». Иумæ бацархайæм, цæмæй 6æ урокæй зæрдæрухсæй ацæуæм, ууыл. Уæхи æрцæттæ кæнут урокмæ..

    

   Ах. Фæйнæгмæ ракæсут. Бакæсут ацы скъуыддзаг. Кæцæй ист у?

   Нана æгъгъæд у! Де хсыры хъуыртт æмæ мын дæ фæллой хæрам уæнт, Хуыцау мæ мæрдты уе ппæты уындæй æнæхай фæкæнæд, мæ фыдмæ мæ Хуыцау чъизи цæсгомимæ ауæдзæд, æз куы ныббарон нæ дзыллæйы æфхæрд.

    

   Дзуапп: Хазби-йæ.

    

   Ах. Уæдæ райдайæм кусын. Ныртæккæ уæм равдисдзынæн дзырд , сымах та  альбомы сыфыл кърандæстæй 10 секъундмæ аныв кæнут уæ мидхъуыдытæ, кæцытæ уæм сывзæрын кодта ацы дзырд.

    

                                                                   ДРАМÆ

   Ахуырдзаутæ сæ сыфтæ фæйнæгыл баныхæстой.

    

   Ах. Драмæ та цы у?

   Дзуапп: Драмæ у аив литературæйы сæйрагдæр хуызтæй иу. Драмон уацмыс фыст вæййы сценæйы равдисынæн. Драмон уацмыстæ вæййынц алыхуызон: трагеди,хъæлдзæг нывтæ.

   Бæлвырдæй иннæ драмон уацмыстæй хицæн кæны уымæй, æмæ уый у, вазыгджын æмæ ахсджиаг конфликт кæм ис æмæ архайджыты æхсæн карз тох кæм цæуы, ахæм литературон уацмыс.

   Ах. Байгом кæнут уæ тетрæдтæ, ныффысут абоны нымæц æмæ нæ абоны темæ урокмæ.

    

                                               Дзырдуатон куыст

   Йæ тыфылы – йæ цæхæры.

   Тъæпæнхудджытæ – паддзахы салдаттæ

   Прапыр – прапорщик

   Джауыр – мæнгард

   Унтер – æфсæддон цин

   Камари – сылгоймаджы рон.