КРнын Конституциясы

Кыргыз Республикасынын Конституциясы.

Конституция (лат. constitutio  — түзүм, орнотуу) — өлкөнүн негизги документи, жогорку юридикалык күчкө ээ ченемдик акт.

Конституциянын белгилери

1. Жогорку юридикалык күчкө ээ. Башкача айтканда, Конституция, мамлекетте кабыл алынган ченемдик актылардын иерархиясына ылайык биринчи орунду ээлейт жана башка бардык актылар (кодекстер, мыйзамдар, жарлыктар, токтомдор жана буйруктар) конституциялык ченемдерге ылайык кабыл алынып, аларга карама-каршы келбеши керек.

• 2. Референдумда өзгөчө тартипте кабыл алынат. КР Конституциясы элди өлкөнүн аймагындагы бийликтин жалгыз булагы деп жарыялайт. Эл гана мамлекеттин негизги мыйзамын кабыл алууга же кабыл албоого укуктуу. Кыргызстандын элин республикада жашаган бардык этностордун жарандары түзөт. Конституциянын жаңы редакциясын кабыл алуу же ага өзгөртүүлөрдү киргизүү боюнча добуш берүү референдум түрүндө өтөт.

• Референдум  — мамлекеттеги эң маанилүү маселелер боюнча добуш берүү.

• Көз карандысыз Кыргызстандын биринчи Конституциясы 1993-жылдын 5-майында “легендарлуу парламент” деп аталган КР Жогорку Кеңешинин 12-сессиясында кабыл алынган. Анын курамы 1990-жылы биринчи альтернативдүү шайлоодо түзүлгөн. Ал тарыхка республиканын мамлекеттик көз карандысыздыгы жана демократиялык коомду жана эркин рынокту түзүү саясатын ишке ашыруу үчүн саясий жана укуктук негиздерди түзгөн бийлик катары кирген.