Кыргызстан жер планетасынын бетинде

Кыргызстан - Чыгыш жарым шардагы эң чоң материк Евразиянын борбордук бөлүгүнөн,аны чулгаган океан менен деңиздерден алыс орун алган. Кыргызстандын жалпы аянты 198,5 миң км2 ,батыштан чыгышка чейинки аралык 925 км, ал эми түндүгүнөн түштүк чегине  чейинки аралык -459 км, чек ара сызыгынын узундугу 4508 км.

Кыргызстан түндүгүнөн жана түндүк чыгышынан Казакстанменен  (113 км), батышынан Өзбекстан менен ( 1374 км), түштүгүнөн Тажикстан менен (972 км ), түштүктөн жана түштүк чыгышынан Кытай Эл Республикасынын (1049 км ) аймактары менен чектешет.

Кыргызстан бийик  тоолуу өлкө. Эң бийик жери- 7439 м, Жеңиш чокусу ( Какшаал тоо тизмегинде), эң жапыз жери 401 м ( Лейлек районунун  аймагындагы Кулунду өөрөнү) 

Кыргыз мамлекети 1991 - жылы 31- августа эгемендүүлүкө жеткен. Кыргыз мамлекети эгемендүулүкө жеткенден бери республикада көп өзгөрүүлөр болду: тоталитардык системанын эң жогорку катмары бийликтен ажырады ; мамлекет көз каранды эмес деп жарыяланып, демократиялык нуктагы Президент шайланды; жаңы Конституция, мамалекттик Туу,Гимн, Герб,улуттук валюта кабыл алынды.

Дүйнө өлкөлөрү ушул тапта "өнүккөн мамлекеттер", "орто өнүккөн мамлекеттер" жана "өнүгүп кел жаткан мамлекеттер" деп негизинен үч типке бөлүнөт. Кыргыз Республикасы өнүгүп келе жаткан мамлекеттердин катарына кирет. ошондуктан суверендүу жаш мамлекеттин  кен байлыктарына кызыккан алыскы жана жакынкы чет өлкөлордүн саны арбып , алар Кыргызстанга ар тараптан жардам берип, биргелешкен  ишканара түзүлүп, кен байлыктарды көмөктөшүп өздөштурүугө киришти.