Ата – эне мээрими чексиз

Сабактын темасы : Ата – эне мээрими чексиз .

Сабактын максаты: а) Окуучулар теманын  мазмунун , маанисин  билүүгѳ үйрѳнүшѳт.

б)  Ѳз оюн эркин далилдүү айта билүүгө машыгышат.Анализ жүргүзүү, талкуулай билүү көндүмдөрүн өнүктүрүшөт.

в) Окуучулар бирин бир пикирин угууга , башкалардын оюн түшүнүүгө жана ата – энени сыйлоого , урматтоого ,  аларга кам көрүүгө тарбияланышат .

Сабактын тиби : Жаны теманы тушундуруу

Сабактын методу:  Айттып беруу

Сабактын жабдылышы : Дептер

                                          Сабактын журушу

Уюштуруу: Саламатсынарбы, балдар ? Маанайынар жакшыбы ? Сабакка жакшы даяданып келдикпи? Бугун кайсы кун жана кайсы ай ?

Уй тапшырма: текшеруу

Жаны тема :Бул жашоода ар бир адам баласы үчүн эӊ кымбат , эӊ ыйык жана дүйнө жүзүнөн табылгыс нерсе ата – эне . Ата – эне Жараткандын адам баласына тартуулаган мээримдүүлүк өлкөсү , үй – бүлөнүн бакты – куту , бейпилдиктин жана шаттыктын тийип турган күнү . Алар биз үчүн эӊ зарыл , эӊ улуу жана кадырлуу адамдар . Туура , ата – эненин жүрөгү кеӊ талаа . Алар жашообуздун башкы каарманы ,өздөрүнө баардык нерсени камтып турган мээримдүү  , боорукер , балдарына болгон сүйүүсү чексиз , жан дүйнөлөрү назик жандар .

       Ата – энелерди урматтап сыйлап билүү биздин милдет. Биз жарык дүйнөгө келгенден баштап , жаныбыздан карыш жылбай баккан биздин ыйык ата – энелерибиз .

      Алар өтө сезимтал жан болушат . Эч нерсени көрбөсө да жүрөгү менен сезип , билип , туюп турат . Алар биздин ар кандай кыял - жоруктарыбызга  чыдап  , таалим – тарбия берип , акыл – насаат айттып турушат .Биз оорусак кошо ооруп , ыйласак  кошо ыйлайт.Чындыгында алардын бизге болгон мээрими , сезими менен өзгөчөлөнүп турат .

      Биздин жакшы ийгиликтерге жетишибиз үчүн өмүр бою күрөшүп келген , мээримдүү , айтса сөз жеткис ыйык ата – энелерге кызмат кылууга , ыраазы кылууга биз баарыбыз милдеттүүбүз.

Бышыктоо :

       Атакем

Ата деген , Ата экен да аты улук ,

Уул - кызым деп , жерге – сууга өзүн уруп .

Балдарынын амандыгын тилейт экен ,

Турса дагы өзү ооруп , алы куруп .

Бар болгула ! Балам деген атакелер ,

Биз өсүп , кызматыӊар кайтып келээр.

Аман болуп , ден – соолукта жүргүлөчү,

Перзент үчүн чоӊ зоосуӊар , Ата Силер .

     Эне

Эне сага кандай мактоо жарашат ,

Эне сенден ким сыймыкты талашат .

Эне сага эч ким теӊдеше албайт эч бир жан ,

Баардык мактоо сага гана жарашат .

Ак шейшепке орор сени ,

Кичинеӊден баккан ким ?

Уйку көрбөй узун түндө,

Таптап сени жаткан ким ?

          Макалакаптар

Атадан таяк жеген – балдар жакшы ,

Энеден тил укпаган – кыздар жакшы.

Атаӊ барда эл тааны , атыӊ барда жер тааны .

Эне сыйлаган элге жагат , ата сыйлаган абийир табат.

Бейиш эненин таман алдында .

Эненин оюу балада , баланын оюу талада.

Эненин жүрөгү аштан , баланын жүрөгү  таштан .

Жыйынтыктоо :   Менин апам же менин атам деген сөзгө синквейн түзүү

Синквейн :

1. _______
2. _________ ,___________
3. __________,____________,____________
4. ___________________________________
5. __________

Баалоо :

Үй тапшырма : Ырды жаттоо жана «Мен ата – энемди жакшы көрөм» деген темада дилбаян жазып келүү.