Карточки 7 класс

7-абилеб классалъе авар мац1алъул

дарсида кумекалъе кьолеб материал (карточкаби)

Х1адурана: Расулова Г.Г.

Мах1ачхъалаялъул 2-абилеб школалъул муг1алим.

7 класс. Наречие. (карточкаби)

1. Наречие сунда абулеб? ( Мисал раче)

2. Хадурег1елаллъун х1алт1изарич1ел наречиял сунда рухьарал рук1унел? Цо-к1иго мисал баче.

3. Предложениялда жаниб глаголалда бухьараб наречие кинаб членлъун бук1унеб? Мисалал раче.

4. Кина-кинал разрядал наречиялъул рук1унел? Мисалаздалъун бихьизабе.

5. Журарал наречиял кин хъвалелали рак1алде щвезабе. Чанго мисал баче.

6. Предметиял ц1аразул падежиял формаби наречиялде свериялъе мисалал раче.

7. Жинсиял г1аламатал рук1унел наречиязе мисалал раче.

8. Кинал наречиял гьоркьоб дефис лъун хъвалелали бице. Мисалал раче.

9. Гьал наречиязул разбор гьабе: рик1к1ада, ункъихъе, щуц1улго.

10. Гьал наречиязул разбор гьабе: метерго, анкьиде, берцинго.

7 класс. Такрар гьаби.

1. Морфологиялъ щиб малъулеб? Нужедаго лъалел каламалъул бут1аби рице.

2.Журарал рач1абазулъ дефис лъолел бак1ал рак1алде щвезаре.

3. Падежазде сверулел каламалъул бут1аби кинал кколел?

4. Хабар, микьир, нус, т1егь, г1ор – гьал предметиял ц1арал II ва III свериялда рекъон хаслъул падежалда лъе.

5. Хасал ц1арал кина-кинал рук1унел? Гьезул бит1унхъваялъул бице.

6. Предметиял ц1аразул, ц1арубак1азул падежиял ахиразул бит1унхъвай бице.

7. Жидедалъун ц1иял предметиял ц1арал лъугьунел суффиксал рак1алде щвезаре.

8. Прилагательнаязул ва причастиязул суффиксазул бице.

7 класс. Глагол.

1. Глагол сунда абулеб? Глаголалъул грамматикиял г1аламатал рице.

2. Мисалал рачун, глагол хисулеб куцалъе баян кье.

3. Составиялги жураралги глаголазда гьоркьоб бат1алъи бице. Мисалаздалъун бихьизабе.

4. Составиял глаголал лъугьунеб куц рак1алде щвезабе. Араб, гьанже ва бач1унеб заманалъул составиял глаголал лъугьин мисалаздалъун баян гьабе.

5. Берзулги г1инзулги глаголазда гьоркьоб бат1алъи щибали бице. Кина – кинал раг1абазул кумекалдалъун составиял г1инзул глаголал лъугьунел?

6. Журарал глаголазул бит1унхъвай мисалаздалъун баян гьабе.

7. Составиял глаголазул бит1унхъвай рак1алде щвезабе. Цо-к1иго мисал баче.

8. Авар мац1алда глаголазул чан наклонение бугеб? Щибаб наклонение лъугьунеб куц бице.

9. Боркьизе, къач1азе абурал глаголал ункъабго наклонениялъул буголъиялъул ва гьеч1олъиялъул формалда лъе.

10. Кинаб наклонениялъул ругел –ге, -ги суффиксал. Мисалал раче.

11. –ни,-ани абурал суффиксаздалъун кинаб наклонение лъугьунеб ? Чанго мисал баче.

7 класс. Кумекалъул каламалъул бут1аби. (карточкаби).

1. Каламалъул кинал бут1абилъун союзалги, частицабиги, хадурег1елалги, междометиялги кколел?

2. Союзаздаги частицабаздаги гьоркьоб кинаб бат1алъи бугеб? Мисалаздалъун баян гьабе.

3. Хадурег1елалги междометиялги кин рат1а гьарулел? Мисалал раче.

4. Союз сунда абулеб? Мисалал раче.

5. Союзал кинал группабазде рикьулел? Мисалал раче.

6. Цолъизариялъул союзал кинал кколелали бице. Мисалал раче.

7. Дандеккунгут1иялъул союзал рице. Мисалал раче.

8. Гьоркьоса рахъиялъул союзал кинал кколел? Мисалал раче.

9. Союзазул бит1унхъваялъул бице. Мисалаздалъун ч1езабе.

10. Сунда абулеб частица? Мисалал раче.

11. Маг1наялде балагьун частицаби кинал группабазде рикьулел? Мисалал раче.

12. Цо тайпаялда цитатиял частицабиян щай абулел? Кинал гьел кколел? Гьез т1убалеб хъулухъ щиб? Цо-к1иго мисал баче.

13. Частицабазул бит1унхъвайялъул бице. Мисалал раче.

14. Хадурег1ел сунда абулеб? Мисалал раче

15. Хадурег1елазул бит1унхъвай рак1алде щвезабе. Мисалал раче.

16. Хадурег1елаллъун ккарал наречиял кин рат1а гьаризе лъалел? Мисалал рачун, баян гьабе.

17. Сунда абулеб междометие? Мисалал раче.

18. Междометиеги хит1абги предложениялъул членаздаса щай рат1а гьаризе кколел? Гьелъие г1илла бице.

19. Междометие бат1а т1езабула к1иго лъалхъул ишараялъ: запятаялъ ва ах1ул ишараялъ. Кида кинаб гьезул лъолеб? Мисалалги рачун, бихьизабе.

20. Междометиязул бит1унхъваялъул бице. Мисалал раче.