Маалыматтар базасы

МААЛЫМАТТАР БАЗАСЫ

8-КЛАСС

МУГАЛИМ: Норузбаева Ж.Ж .

МААЛЫМАТТАР БАЗАСЫ-БУЛ

КАНДАЙДЫР БИР ТЕМА БОЮНЧА БЕЛГИЛҮҮ ТАРТИПТЕ УЮШТУРУЛГАН МААЛЫМАТТЫН ЖЫЙЫНДЫСЫ.

• АЗЫРКЫ КООМДУН ЭҢ МААНИЛҮҮ МААЛЫМАТТЫК РЕСУРСТАРЫНЫН БИРИ БОЛУП МААЛЫМАТТАР БАЗАСЫ (мб) ЭСЕПТЕЛЕТ.
• МБ нын негизги параметрлери-бул анын физикалык жана логикалык көлөмдөрү. Физикалык көлөм байттар, КБ, мб ж.б. Менен туюнтулат.
• Ал эми логикалык болсо, жазуулардын санынан көз каранды. Эң ири маалыматтар базасын ондогон терабайт жана миллиарддаган жазуулар түзөт.

МААЛЫМАТТАР СИСТЕМАСЫ - БУЛ

СУРАМ БОЮНЧА МААЛЫМАТТЫ САКТОО, ИШТЕП ЧЫГУУ ЖАНА БЕРҮҮ ҮЧҮН КОЛДОНУЛГАН КАРАЖАТТАРДЫН, ЫКМАЛАРДЫН ЖАНА ПЕРСОНАЛДЫН ӨЗ АРА БАЙЛАНЫШКАН ЖЫЙЫНДЫСЫ.

Маалыматтар базасынын негизги 3 модели:

• Иерархиялык
• Тармактык
• Реляциялык

Иерархиялык модель - бул

Чокулары жазуулардан турган дарак сымал түзүлүштү элестетет. Мисалы, компьютерде сакталып турган файлдар жөнүндө маалыматтарды чагылдырган каталогдордун структурасы. Бул модель тамыры деп аталган биринчи деңгээлдеги бир чокуга гана ээ. Тамырдан тышкары ар бир деңгээлдин түйүндөрү жогорку деңгээлдин бир гана түйүнү менен жана төмөнкү деңгээлдин биринчи түйүнү менен байланышкан. Башкача айтканда, мындай байланыш «бирөөдөн - көптүккө» деп аталат.

Тармактык модель-бул

Вертикалдык байланыштан тышкары горизонталдык байланыштарга да ээ, бир деңгээлдин бир деңгээлдин ар бир элементи башка деңгээлдин каалаган сандагы элементтери менен байланышкан болушу мүмкүн. Мисал катары бир класста окугандардын кызыгуусу жөнүндө маалыматтар сакталган мб айтсак болот. Бир окуучунун көптөгөн кызыгуулары болушу мүмкүн, ал эми бир кызыгууга көп окуучулар ээлик кылышы мүмкүн. Мындай байланыш «көптөн көпкө» деп аталат.

Реляциялык модель - бул

Бири-бири менен байланышта болгон таблицалардын жыйындысы. Реляциялык маалыматтар базасында байланыштардын бардык түрү колдонулушу мүмкүн, «бирөөдөн-бирөөгө, бирөөдөн-көпкө, көптөн-көпкө».

Реляциялык мбда сапчалар жазуулар деп, ал эми мамычалар – талаалар деп аталат. Ар бир таблица андагы ар бир жазууну идентификациялоого мүмкүндүк берген ачкычтык талааны (id) камтуусу зарыл. Ошондуктан, көптөгөн азыркы маалыматтар базасын башкаруу системалары (мындан ары мббс) реляциялык мбна багыт алышат.

Популярдуу МББС:

• My sql
• Oracle
• Postgresql
• Sqlite
• Firebird
• Db2
• Microsoft access
• Microsoft sql server

Үйгө тапшырма:

• 75-76-беттерди окуп келүү

Көңүл бурганыңар үчүн чоң рахмат! САЛАМАТТА КАЛГЫЛА!