Мая Радзіма - Беларусь

Мая Радзіма – Беларусь

Урок 7

Тэма Маўклівыя сведкі мінуўчшыны

Мэта: фарміраванне ўяўлення аб крыніцы гістарычных ведаў, якія з’яўляюцца прыкладамі матэрыяльнай і духоўнай культуры.

Задачы:

• Забяспечыць засваенне вучнямі першапачатковых звестак пра існаванне ледавіка на тэрыторыі нашай краіны, пра камяні і валуны як помнікі гісторыі;

• Стварыць умовы для фарміравання ўяўленняў працаваць з гістарычнымі тэкстамі, вылучаць галоўнае ў прачытанным, рабіць вывады;

• Закласці асновы для фарміравання пачуцця адказнасці за захаванне гістарычных помнікаў як элементаў нацыянальнай культуры нашага народа

Абсталяванне: падручнік “Мая Радзіма - Беларусь”. Презентацыя

Ход урока

1. Арг.момант

2. Праверка д/з

Пра што даведаліся на прошлым уроку. (Пра стужку часу)

Падыміце свае малюнкі-стужкі, што ў вас атрымалася. Вельмі добра. Ну, а зараз правядзём невялікі тэст.

Пытанні я кажу і вы можаце прачытаць на слайдзе. Адказы запісвайце ў спецыяльныя табліцы.

1. Нараджэння каго лічыцца пачаткам нашай эры

А) Нашых продкаў

Б) Ісуса Хрыста

2. Што з пералічанага з’яўляецца самай маленькай адзінкай вымярэння часу

А) Эра

Б) Год

В) Дзесяцігоддзе

3. Што з пералічанага з’яўляецца самай вялікай адзінкай вымярэння часу

А) Тысячагоддзе

Б) Эра

В) Дзесяцігоддзе

4. Час, калі адбывалася падзея называецца:

А) Эра

Б) Дзесяцігоддзе

В) Дата

5. Працяглы адрэзак часу, звычайна большы за тысячагоддзе

А) Эра

Б) Дзесяцігоддзе

В) Тысячагоддзе

6. Першая дакладна вядомая дата ў гісторыі нашай краіны была

А) 982

Б) 862

В) 626

7. З якім горадам звязана першая вядомая дата ў гісторыі нашай краіны

А) Віцебск

Б) Орша

В) Полацк

Г) Мінск

8. 1067 г - першая летапісная звестка пра:

А) Мінск

Б) Оршу

В) Брэст

Г) Полацк

9.У ХХ стагоддзі нарадзіліся

А) Вы

Б) Вашы бацькі

В) Вашы бабуля і дзядуля

10) 1 тыс. гадоў - гэта:

А) 100 гадоў

Б) 10 гадоў

В)10 стагоддзяў

Вучні адказы запісваюць у табліцу

Узаемаправерка. Адказы на слайдзе

1. Работа з новым матэрыялам

1. Падрыхтоўка да асноўнай тэмы

Сёння мы працягваем знаёмства з гісторыяй. Акрамя ўрокаў, дзе сучасныя вучні могуць яшчэ даведацца пра гісторыю свайго края, ці іншых краін свету? (у інтэрнэце, бібліятэцы, у музеі). А якія музеі вы ўжо наведвалі?

Паглядзіце на малюнак (слайд) і адкажыце, куды мы адправімся сёння, у які музей.

• Музей валуноў.

1. Тэма і мэта ўрока

Тэма нашага ўрока “Маўклівыя сведкі мінуўшчыны”

Знаёмства з планам урока

1. Сведкі мінуўшчыны

2. Камяні – помнікі гісторыі

3. Старажытныя курганы.

Паглядзіце на план урока і скажыце, аб чым даведаемся, з чым пазнаёмімся.

1. Этап засваення новых ведаў

У назве нашай тэмы ёсць словы “Сведкі мінуўшчыны”. Як вы разумееце іх? (Сведкі – свидетели, мінуўшчына – гэта тое, што ўжо мінула, адбылося раней)

• Праца з падручнікам.

Прачытайце першы абзац апавядання на с 24 і адкажыце на пытанне

“Якія існуюць маўклівыя сведкі мінуўшчыны” (камяні). Адкуль на нашай зямлі камяні ?

З чым звязаны (З рухам ледавіка.) Што такое “ледавік”? Гэта мы можам пазнаць, калі звернемся да слоўніка. Знайдзіце слова ў слоўніку і зачытайце.

• Вялікія камні называюць валунамі. У мінулым людзі іх шанавалі,алі ім імёны, прыносілі падарункі. У Мінску стварылі музей валунам і вас запрашаю пабываць крыху ў гэтым музеі.

Ф І з к у

• Слайд ВІДЫЯРОЛІК “Музей валуноў”

Спадабаўся музей? Я думаю вы захочаце там таксама пабываць.

Акрамя камянёў ёсць і курганы. Знайдзіце ў слоўніку паняцце “курган”

Давайце зноў паслухаем цікавыя звесткі пра іх.

• Слайд Відыяролік “Курганы”

1. Этап першаснай праверкі разумення вывучанага.

Адказы на пытанні 1-4 с 28 падручніка

1. Этап замацавання новых ведаў

На лістах, дзе рабілі тэст, ёсць табліца паняццяў. Злучыце стрэлкамі паняцце з іх азначэннем.

Слайд. Праверка

1. Абагульненне. Падвядзенне выніку. Выстаўленне адзнак

2. Д/з Перачытайце тэкст, адкажыце на пытанні с. 28.

Дадатковае паведамленне па жаданні таксама можаце зрабіць

1. Рэфлексія. Прыём “Камяні” Вучні па чарзе наклеіваюць каменьчыкі на валуны з пытаннем “Здзіўленне”, “Новыя звесткі”, “Пытанні”