Мақалдар әртүрлі

Жігіт алтын, қыз күміс бойдағында.

Ұлға - түтін, қызға - күтім.

Қыз тілеуі - Қыдыр тілеуі.

Жігіт қыз таңдайды,

Қыз жігіт талғайды.

Сұлу жігіт - ел көркі,

Сұлу қыз - үй көркі.

Қалыңдық жасауына қарай назданады.

Қыздың көркі - кигені,

Жігіттің көркі - сүйгені.

Қызда кеңілің бар болса,

Үмітіңді үзбей бар.

Қыс қыс сияқты болсын,

Қыз Қыз сияқты болсын.

Қыз ұзатылған үй өлік шығарғандай.

Ай десе, аузы бар,

Күн десе, көзі бар.

Әйелдің пірі - Бибі Фатима

Әйел - қырық шырақты.

Әйел - үйдің қазығы.

Әйел - үйдің көркі,

Еркек - түздің көркі.

Асыл әйел - әрі еркек, әрі қатын.

Еркек - бас, әйел - мойын.

Әйелді гүлмен жасқауға да болмайды.

Еркек түз сақтайды,

Әйел үй сақтайды.

Жақсы әйел - теңі жоқ жолдас,

Түбі жоқ сырлас.

Инабатты болса - әйел,

Өнегелі болса бала көрікті.

Жақсы әйел - ырыс,

Жаман әйел - ұрыс.

Үйді қырық еркек толтыра алмайды,

Бір әйел толтырады.

Ердің асылы күшінен білінеді,

Әйелдің асылы ісінен білінеді.

Жақсы әйел жаман еркекті адам етеді.

Қызға бергісіз қатын бар.

Әйелді бастан, баланы жастан.

Еркекке жүрек керек,

Әйелге тірек керек.

Ақылды әйел күйеуінің ойнап айтқанын

Ойлап талдайды.

Ерге жаққан қатын елге де жағады.

Қапияда қатын ақыл табады.

Көріп білген көріктіден

Көрмей білген текті артық.

Жақсы қатын жарының жақсылығын асырар,

Жамандығын жасырар.

Сиырдың сүті болсын,

Әйелдің асы болсын.

Әйел ерге қарайды,

Ер жерге қарайды

.

Бақпасаң, мал кетеді,

Күтпесең, әйел кетеді.

Әйелінен ұялған баласыз өтеді.

Түлен түртпесе,

Түнде келін төсектен тұрмайды.