Мотивациялық- қозғаушылық | Тәрбиеші балаларды шаттық шеңберіне тұрғызып, бір-біріне ыстық тілектер айтуын ұйымдастырады. Балалардың назарын ауа райын бақылауға аударады. – Қараңдаршы, қар көп жауыпты. Қар өте суық, түсі аппақ, жұмсақ. Қар жердің бәрін ақ көрпе сияқты басып жатыр. Ағаш, шыршалардың бәрі қар жамылған. Қыста күн суық болады. – Біз қыста қалай киінеміз? | Шеңбер құрып, тәрбиешіден кейін жылы тілек айтуды жалғастырады. Тәрбиешімен қайталайды. – Жылы киінеміз. |
Ұйымдастырушылық- ізденістік | № 14 демонстрациялық материалмен жұмыс. Балаларға жұмбақты шешуді ұсынады. Еріксе, құйрығымен ойнайды, Зеріксе, ұйқыға бір тоймайды. (Мысық) – Балалар, бүгін бізге қонаққа жүні үлпілдеген марғау келді. Марғау – мысықтың баласы. Марғау-котенок. Сары ала марғаудың басынан өткізген қызықты бір оқиғаны айтып берейін, мұқият тыңдайық: Бір күні марғау таңертең көзін ашып, керіліп, ұйқысынан оянады. Күндегі әдетінше далаға серуенге шықпақшы болады. Ол есіктен шыға бергенде аяғы аппақ, жұмсақ, суық нәрсеге тиеді. Ол қатты қорқып, таңғалып, үйге кіріп төсектің астына тығылып қалады. – Балалар, марғау неден қорқып, таңғалды? Ол даладан нені көрді? – Қыста қар қандай болады? – Қар – аппақ, үлпілдек, мамық, жұмсақ, жеңіл. Қыста ұйтқып боран соққанда «у-у-у-у» деген дыбыс шығады. – Балалар, кәне, бәріміз көрсетейікші боран қалай ұйтқып соғады? Балалар, марғау қарға үйреніп, қорықпас үшін, оны өзімізбен бірге серуенге алып шығайық. Сергіту сәті: Беті, қолын жуады, Тышқандарды қуады. Тазалықты сақтайды, Анам оны мақтайды. «Мұздатамын» дидактикалық ойыны. Шарты: тәрбиешінің нұсқауымен дене мүшелерін (аяқ, қол, бет, мұрын) суықтан сақтау. Ептілік, шапшаңдыққа баулу. | Жұмбақты шешеді. Марғау-котенок. Мұқият тыңдайды. – Қарды алғаш көріп, соған қатты таңғалды. – Қар – аппақ, үлпілдек, мамық, жұмсақ, жеңіл. Балалар «у-у-у-у», – деп қайталайды. Қимылын келтіріп, жаттығуды орындайды. Балалар тәрбиешінің нұсқауымен дене мүшелерін атап, суықтан қалай қорғану керектігін көрсетеді. |